Ezira 10:3 - ÎVUKU RÎA ÛVORO MWARO

³ Kwoguo nîtûkûrûtha kîrîkanîro na Ngai wetû atî nwanginya twîngate aka aya na ciana ciao. Tûgeka wa ûrîa we na andû arîa metigîrîte maathani ma Ngai magaatûtaara twîke, na twîke ûrîa watho ugîte.

Ezira 10:3 ပူးပေါင်းရင်းမြစ်များ

2Atha 11:17

Mûthînjîri-Ngai Jehoiada nîwatûmire mûthamaki Joashi na andû marûthe kîrîkanîro na Ngai-Mûnene atî makethagîrwa marî andû a Ngai-Mûnene. Nîwacokire akîrûtha kîrîkanîro na mûthamaki na andû.

2Maû 29:10

“Rîu nînduîte kûrûtha kîrîkanîro na Ngai-Mûnene, Ngai wa Isiraeli, nîguo ndagatûrakarîre rîngî.

2Maû 30:12

Ngai nîwavotithirie andû onthe a Juda kûnyitana vamwe na makîathîkîra ûrîa mûthamaki na anene ake maathîtwe nî Ngai-Mûnene mameere.

2Maû 34:21

“Thiîni mûkambûrîrie ûtaaro kûrî Ngai-Mûnene na nîûndû wa andû arîa matigarîte Isiraeli na Juda, ûvoro wîgiî ciugo cia îvuku rîîrî rîronekire. Ngai-Mûnene nîarakarîte nîtue nîûndû methe metû matiathîkîra Ngai-Mûnene, matieka kûringana na maûndû monthe marîa mandîke îvukuurî rîîrî.”

2Maû 34:27

nîûndû nîûreririre na wenyivia mbere ya Ngai rîrîa ûregwire ciugo ciake ciîgiî kûndû gûkû na andû arîa matûûraga kuo, nîûrenyivirie mbere yakwa, na mwatembûranga nguo ciaku nîûndû wa kîeva na ûkîndîrîra, wananie nînegua mavoya maku.

Ezira 10:11

Rîu umbûrani mevia menyu kûrî Ngai-Mûnene, Ngai wa methe menyu ma tene na mûcoke mwîke maûndû marîa mamûkenagia. Îyamûranieni na andû arîa matûûraga vûrûrirî ûyû na mûte aka enyu acio ageni.”

Ezira 10:44

Andû aya onthe nîmaavikîtie aka ageni na nîmaamengatire vamwe na ciana ciao.

Ezira 10:9

Mîthenyarî îo îthatû, arûme onthe kuuma vûrûrirî wa Juda na wa Benjamini nî maagomanire Jerusalemu na magîkara kîvarorî Kîam hekarû. Mûthenya wa mîrongo îîrî wa mweri wa kenda kwarî na mbura nene mûno, na andû arîa maagomanîte kûu Jerusalemu nî maatetemaga nîûndû wa maûndû mau na nîûndû wa mbura.

Ezira 9:4

Nînekarire nthî nîrî na kîeva nginya mathaa ma kîgongoona gîa kîvwaî. Andû arîa maaumîte îthamîriorî na nîmaamakîte nîûndû ûcio nîmaagomanire manthiûrûrûkîrîtie nîûndû Ngai wa Isiraeli nîwatûkaanîtie na akiuga tûtigatukane nao.

Nehemia 10:1

Andû arîa meekîrire mûvûri maarî Nehemia ûrîa warî mûnene. Nehemia aarî mûvîcî wa Hakalia. Arîa engî meekîrire mûvûri maarî: Zedekia,

Nehemia 8:14

Nao nîmoonire kwandîkîtwe Wathorî ûrîa Ngai-Mûnene aathanire na njîra ya Musa atî andû a Isiraeli mekarage tûnyombarî vîndî ya kîrugo Kîam mweri wa mûgwanja.

Nehemia 9:38

Nîûndû wa maûndû monthe marîa mekîkîte, nîtwathondeka kîrîkanîro kîrûmu na twandîkanîra. Nao atongoria etû, Alawi, athînjîri-Ngai wetû nîmekîra mîvûri yao kîrîkanîrorî kîu.

Thaburi 119:120

Nînîrainaina nîûndû wa gûgwîtigîra; na nînîregua guoya wa matuîro maku.

Thaburi 119:59

Rîrîa neciria ûvoro wa mîthiîre yakwa, nîngarûrûkaga ngarûmîrîra matuîro maku ma ciira.

Isaia 66:2

Nie mwene nînie naûmbire indo ino cionthe, na kwoguo indo ino cionthe nî ciakwa. Nwatî mûndû ûrîa ûngenagia, nî ûrîa wînyivagia na wîrirîte, ûrîa ûndîîte na ûmbathîkagîra.

Isaia 8:20

Mûgaacokeria andû acio atîrî, “Thikîrîriani ûrîa Ngai-Mûnene aramûthomithia! Mûtikathikîrîrie ago, nîûndû matiaragia ûma.”

Ezek 9:4

na akîmwîra atîrî, “Vîtûkanîria îtûûrarî rîonthe rîa Jerusalemu na wîkîre rûûri mothiûrî ma andû onthe arîa maracaya na mararîra nîûndû wa maûndû marîa macûku marekwa îtûûrarî.”

Gûco 29:12

Mûrî ava ûmûnthî, nîguo mûrûthe kîrîkanîro na Ngai-Mûnene Ngai wenyu, na mwîtîkîre kûrûmagîrîra maûndû monthe ma kîrîkanîro kîu,

Josh 9:6

Andû a Gibeoni nîmaathiîre Giligali kûrîa Joshua na andû a Isiraeli maambîte magema mao na makîmeera atîrî, “Tue tumîte vûrûri wa kûraca na tûrenda mûrûthe kîrîkanîro natue.”