Ezira 1:3 - ÎVUKU RÎA ÛVORO MWARO

³ Ngai nîekare namue muonthe arîa mûrî ake. Thiîni Jerusalemu nîguo mûgatumîre Ngai-Mûnene, Ngai wa andû a Isiraeli hekarû rîngî. Ngai ûcio nîke ûgoocagîrwa Jerusalemu.

Ezira 1:3 ပူးပေါင်းရင်းမြစ်များ

1Atha 18:39

Rîrîa andû onthe moonire ûguo, nîmegwîthirie maturumithîtie mothiû mao nthî na makîanîrîra atîrî, “Ngai-Mûnene nîke Ngai! Ngai-Mûnene nîke Ngai!”

1Atha 8:23

na akiuga atîrî, “Ngai-Mûnene, Ngai wa Isiraeli, gûtirî Ngai wîngî tawe îgûrû kana gûkû nthî! Nîûvingagia kîrîkanîro gîaku na andû aku na nîûmoonagia wendo ûtathiraga rîrîa matûûra makwîvokete.

1Maû 28:20

Nake mûthamaki nîwerire mûvîcî Solomoni atîrî, “Gîa na vinya na wîyûmîrîrie ûrute wîra ndûgetigîre kana ûreke ûndû wana ûrîkû ûkûgiria kûruta wîra, nîûndû Ngai-Mûnene, Ngai wakwa akethagîrwa arî vamwe nawe. Ndagaagûtiganîria, akethagîrwa arî nawe nginya rîrîa hekarû ya Ngai-Mûnene îkaarîka.

Ezira 1:4

Ethîrwa andû ake onthe arîa matigarîte îthamîriorî nîmakenda gûcoka, andû arîa mariganîtie nao nîmakaamava ûtethio. Naguo ûtethio ûrîa makaamava nî wa sîlûva, thaavu na indo ciîngî na nyamû irîa irîthagua, wa vamwe na indo cia kûruta na njîra ya kwîyendera nîûndû wa hekarû ya Ngai îrîa îrî Jerusalemu.”

Ezira 4:3

Zerubabeli, Jeshua, na anene a nyomba cia andû a Juda na Benjamini nîmaamacokerie atîrî, “Tûtikwenda ûtethio wenyu wa gûtuma hekarû ya Ngai-Mûnene, Ngai wetû. Nîtûkûmîtuma tue ene, wata ûrîa Cairasi mûthamaki wa Perisia aatwathire.”

Ezira 5:13

Mwaka wa mbere wa wathani wa Cairasi mûthamaki wa Babuloni, Cairasi nîwathanire na akiuga hekarû îtumwe rîngî.

Ezira 5:3

Wa rîmwe Tatenai mûnene wa vûrûri ûrîa ûrî mûringo wa Rûnjî rwa Farati mwena wa îthûîro, na Shetharu Bozenai, na anene acio engî nîmaaûkire Jerusalemu. Nao nîmaaûririe atîrî, “Nî ûrîkû wamûveere watho wa gûtuma hekarû îno na mûrîkie wîra wayo?”

Ezira 6:7

na mûtigatonyerere wîra ûcio wa gûtuma hekarû ya Ngai. Tiga mûnene wa Ayahudi na atongoria ao matume hekarû ya Ngai rîngî varîa yarî mbere.

Thaburi 132:13

Ngai-Mûnene nîathuurîte Zayuni; nîonete kwagîrîrîte gûtuîke gîkaro gîake.

Thaburi 83:18

Tiga mamenye atî we wenga nîwe Ngai-Mûnene, nîwe wathanaga nthî yonthe.

Isaia 37:16

“We Ngai-Mûnene mwene vinya wonthe, Ngai wa Isiraeli, ûrîa wîkarîrîte gîtî Kîam ûthamaki îgûrû rîa akerubi, we wenga nîwe Ngai wa mothamaki monthe ma nthî; we nîwe waûmbire îgûrû na nthî.

Isaia 44:28

Nînie mbîraga mûthamaki Cairasi atî: ‘We nîwe ûgaatuîka mûthamaki vandûrî vakwa, we nîûkaavingia mîvango yakwa yonthe: nîûkaathana Jerusalemu îtumwe rîngî, na mûcingi wa hekarû ûtumwe rîngî.’ ”

Isaia 45:5

“Nie nînie Ngai-Mûnene na gûtirî ngai îngî tiga nie. Nînie ngûmenyagîrîra, wana ethîrwa ndûmbîcî,

Jeremia 10:10

Nwatî Ngai-Mûnene nîke Ngai wa ma, nî Ngai ûrîa ûtûûraga mwoyo na nî mûthamaki wa tene na tene. Angîrakara nthî nîîthingithaga, na ndûrîrî itingîûmîrîria marakara make.

Danieli 2:47

Mûthamaki nîwaugire atîrî, “Nama Ngai waku nî Ngai wa ngai irîa ciîngî, na Mwathani wa athamaki onthe. Nîke ûguûragia maûndû marîa marî nthithorî, nîûndû we nîûvotete gûtaûra nthitho îno.”

Danieli 6:26

Nînathana nauga atî kûrîa kuonthe ûthamaki wakwa ûkinyîte, nwanginya andû onthe metigagîre na matîage Ngai wa Danieli. Nîûndû ke nî Ngai wî mwoyo na ûtûûraga tene na tene. Ûthamaki wake ndûkaathira rî kana rî na nîatûûra athanaga tene na tene.

Mathaayo 28:20

Mathomithagieni kwathîkîra maûndû monthe marîa nîmwathîte. Ngethagîrwa nîrî vamwe na mue vîndî cionthe kinya îthirîro rîa mavinda mama.”

Ciîko 10:36

Mue nîmwîcî ndûmîrîri îrîa Ngai aatûmire kûrî andû a Isiraeli. Ndûmîrîri îo yarî Ûvoro Mwaro wa thayû. Ûvoro ûcio waûkire na njîra ya Jesû Kristû ûrîa arî ke Mwathani wa andû onthe.

Gûco 32:31

Nthû ciao nîciîcî atî ngai ciao itirî na vinya, ngai ciao itirî na vinya ta Ngai wa andû a Isiraeli.

Josh 1:9

Ririkana atî nakwatha ûgîe na vinya na ûmîrîrie! Ndûgetigîre kana ûgîe guoya, nîûndû nie Ngai-Mûnene, Ngai waku, ngethagîrwa nîrî nawe kûrîa kuonthe ûkathiîcaga.”