Ezira 1:2 - ÎVUKU RÎA ÛVORO MWARO

² “Cairasi Mûthamaki wa Perisia aathanîte atî, Ngai-Mûnene Ngai wa îgûrû nîanduîte mûthamaki wa mavûrûri monthe ma nthî. Ke nîamvete wîra wa gûtuma hekarû yake Jerusalemu vûrûrirî wa Juda.

Ezira 1:2 ပူးပေါင်းရင်းမြစ်များ

1Atha 8:27

“Nwatî we Ngai nama nwa ûtûûre gûkû nthî? Taroria, kûu îgûrû wana îgûrû mûno ndûngîganîra; ûngîganîra hekarûrî îno ngûtumîrîte atîa?

2Maû 2:12

Ngai-Mûnene, Ngai wa Isiraeli ûrîa waûmbire îgûrû na nthî arokumua! Nîwavere mûthamaki Daudi mwanake mûûgî wî na ûmenyo mwîngî na wara, ûrîa ûgaatuma hekarû ya Ngai-Mûnene na etumîre nyomba ya ûthamaki.

Ezira 1:5

Nao atongoria a mbarî cia mîvîrîga ya Juda na Benjamini, athînjîri-Ngai na Alawi na andû onthe arîa Ngai aaveere wendi wa kûmûtumîra hekarû nîmeevarîrie kûthiî Jerusalemu kûmûtumîra hekarû rîngî.

Ezira 3:7

Andû nîmaacokire makîvecana mbeca cia kûrîva mavundi ma mathiga na ma mbaû. Na nîmaaveere andû a matûûra ma Turo na Sidoni irio, gîakûnyua, na maguta ma mîtî ya mîtamaiyû îrîa îciaraga matunda nîguo mamaviragîre mîtî ya mîtarakwe îriarî rîa Jopa kuuma Lebanoni. Mûthamaki Cairasi wa Perisia nîke wamaveete rûtha rwa gwîka maûndû mau.

Ezira 4:3

Zerubabeli, Jeshua, na anene a nyomba cia andû a Juda na Benjamini nîmaamacokerie atîrî, “Tûtikwenda ûtethio wenyu wa gûtuma hekarû ya Ngai-Mûnene, Ngai wetû. Nîtûkûmîtuma tue ene, wata ûrîa Cairasi mûthamaki wa Perisia aatwathire.”

Ezira 5:15

Mûthamaki aamwîrire athiî nacio na agaicokie hekarûrî îrîa îrî Jerusalemu, na nîwamwîrire agatume hekarû ya Ngai varîa yarî mbere.

Ezira 6:10

Maûndû mau nîmekagwe nîguo athînjîri-Ngai marutage magongoona marîa makenagia Ngai wa îgûrû, na mavoyagîre mûthamaki na avîcî ake.

Ezira 6:3

“Mwaka wa mbere Cairasi atuîka mûthamaki nîwathanire atî hekarû îrîa îrî Jerusalemu îgatumwe rîngî nîûndû nîkuo magongoona makaarutagîrwa na matega ma kûvîvua. Hekarû îo îkethîrwa îrî ya wariî wa mita 27 na ûraca na îgûrû wa mita 27.

Ezira 7:12

“Kuuma kûrî Aritakiserikise mûthamaki ûrîa mûnene nînakwandîkîra we Ezira mûthînjîri-Ngai na mûndû mûgî ûthomete watho wa Ngai wa îgûrû.

Nehemia 1:4

Rîrîa neguire ûguo nî nekarire nthî na ngîrîra. Nînaacakaire na ngîînyerekia îvinda rîa mîthenya mîîngî ngîvoyaga Ngai wa îgûrû.

Nehemia 1:5

Navoire ngiugaga atîrî, “Ngai-Mûnene, Ngai wa îgûrû! Wî Ngai mûnene na nîtûgwîtigîrîte. We Ngai nîwigaga kîrîkanîro na ûrî wendo ûtathiraga kûrî andû arîa makwendete na marûmagîrîra maathani maku.

Thaburi 136:26

Cokeriani Ngai wa îgûrû ngatho; nîûndû wendo wake ûtathiraga ûtûûraga tene na tene.

Thaburi 85:2

Nîûrekerete andû aku mevia mao, nîûmakirîrîrîtie mavîtia mao monthe.

Nthi 21:1

Ngai-Mûnene nîke wathaga meciria ma mûthamaki, nîamerekagîria kûrîa akwenda.

Isaia 41:2

“Nû watûmire mûndû kuuma mwena wa îrathîro, na agîtûma athiî akîvootanaga kûndû kuonthe? Nînie ndûmaga avoote mavûrûri, na ngatûma athage athamaki, ndûmaga mavaraganue na rûviû rwake takwa marî rûkûngû, nîmanyaganagia na mîguî yakwa ta ûrîa macaki manyaganagua nî rûkûngi.

Isaia 44:26

Nînie mbîkagîra ciugo cia ndungata yakwa vinya, na ngavingia mataaro ma anjaama akwa. Nînie mbîraga Jerusalemu atî andû nîmagaatûûra kuo rîngî, namo matûûra ma Juda nîmagaatumwa rîngî, na nîngaatuma rîngî matûûra ma kuo marîa macûkangu.

Isaia 44:28

Nînie mbîraga mûthamaki Cairasi atî: ‘We nîwe ûgaatuîka mûthamaki vandûrî vakwa, we nîûkaavingia mîvango yakwa yonthe: nîûkaathana Jerusalemu îtumwe rîngî, na mûcingi wa hekarû ûtumwe rîngî.’ ”

Isaia 45:1

Ngai-Mûnene arera Cairasi atîrî, “We wî mûthamaki ûrîa nthuurîte! Nîngwîkîrîte vinya nîguo ûvoote mavûrûri marîa marî mbere yaku; na kûvûrûra athamaki mavinya mao; nie nîngûkûvingûrîra ivingo cia îtûûra, na gûtirî kîvingo gîkaavingwa.

Isaia 66:1

Ngai-Mûnene arauga atîrî, “Îgûrû nî gîtî gîakwa Kîam ûnene, nayo nthî nî njûng'wa ya kwigîrîra magûrû makwa. Nî nyomba ya mûthemba ûrîkû mûngîndumîra, na nî vandû vekariî atîa nîngîvota gûtûûra?

Jeremia 10:11

Kwoguo nîmûkaamera atî: “ngai irîa itaûmba nthî na îgûrû nîikaathira cionthe gûkû nthî.”

Jeremia 27:5

Nînie naûmbire nthî na ngîûmba andû na nyamû cionthe irîa irî kuo na ûvoti na vinya wakwa na nîmîvecaga mûndû wa wonthe ûrîa ngwona agîrîrîte.

Jeremia 29:10

“Ngai-Mûnene arauga atî, rîrîa mîaka mîrongo mûgwanja (70) mûrî Babuloni îkathira nîngamwîciria na mvingie kîîranîro gîakwa namue na nîmûcokie gûkû.

Danieli 1:21

Danieli aatungatire kwa mûthamaki mûciî nginya mwaka wa mbere Cairasi atuîka mûthamaki.

Danieli 2:21

Nîke ûcenjagia mathaa na mavinda. Nîke ûthuuraga na akagwîthia athamaki. Nîke ûvecanaga ûûgî kûrî arîa aûgî na ûtaûku kûrî arîa marî na ûmenyo.

Danieli 2:28

Nwatî îgûrû, kûrî Ngai ûrîa ûguûragia maûndû marîa marî nthithorî, na nîaguûrîrîtie Mûthamaki Nebukadinezarû ûrîa gûkethîrwa gwîkariî vuvarî. Kîroto na cioneki irîa warî nacio rîrîa wamamiî nî îno:

Danieli 4:25

We nîûkengatwa ume kûrî andû ûthiî ûgatûûranagie na nyamû cia kîthaka, na ûtuîke wa kûrîcaga nyaki ta nyamû cia kîthaka. Ûkararaga nja na ûrivagwe nî îme îvinda rîa mîaka mûgwanja, nîguo ûmenye atî Ngai ûrîa wî îgûrû mûno nîke wathaga mothamaki monthe ma nthî na avecanaga ûthamaki ûcio kûrî mûndû wa ûrîa angîenda.

Danieli 4:32

We nîûkengatwa ume kûrî andû, ûthiî mûgatûûrage na nyamû cia kîthaka. Ûkaarîcaga nyaki ta ndegwa îvinda rîa mîaka mûgwanja. Vîndî îo nîûkaamenya, atî Ngai Ûrîa ûrî Îgûrû Mûno nîke ûrî vinya îgûrû rîa mothamaki monthe ma nthî na nîavecaga mûndû wa ûrîa akwenda ûthamaki.”

Danieli 5:23

Vandû va ûguo, we nîûreganîte na Ngai-Mûnene wa îgûrû; na indo kuuma hekarûrî yake nîiretetwe kûrî we. We na atongoria aku, aka aku, na aka aku a kwiga mwacoka mwanyuîra ndivei indorî icio, na mwambîrîria gûkumia ngai irîa ciûmbîtwe na thaavu, sîlûva, gîcango, cuuma, mûtî na mathiga; irîa itangîona, ciîgua kana imenya ûndû. Nwatî we nîûregete gûtîîa Ngai ûrîa ûkûvecaga mwoyo na ûrîa ûrûmbûyagia maûndû maku monthe.

Danieli 6:25

Nake mûthamaki Dario nîwandîkîîre andû a mavûrûri monthe, iruka, na andû a nthiomi cionthe arîa maatûûraga nthî yonthe akîmeera atîrî, “Mûrorathimwa!

Jona 1:9

Nake Jona nîwamacokerie atîrî, “Nie nîrî Mûhibirania, na ngoocaga Ngai-Mûnene, Ngai wa îgûrû ûrîa waûmbire îria na nthî nyûmû.”