Ezek 9:10 - ÎVUKU RÎA ÛVORO MWARO

¹⁰ Kwoguo nie, ndikaamarekera kana nîmeguîra ntha. Ngaamaverithia kûringana na ûrîa mekîte.”

Ezek 9:10 ပူးပေါင်းရင်းမြစ်များ

1Atha 8:32

We Ngai-Mûnene nakûthaitha ûkaathikîrîria na ûgaatuithania ndungata ciaku ûrî kûu îgûrû. Ûkaaverithia mûndû ûrîa mwîvia wata ûrîa kwagîrîrîte, nake mûndû ûrîa mûthingu ûgaatûma agîe na maûndû maringanîte na ûthingu wake.

2Maû 6:23

we Ngai-Mûnene nakûthaitha ûkaathikîrîria ûrî kûu îgûrû na ûtue ciira wa ndungata ciaku. Ûkaaverithia mûndû ûrîa ûkethîrwa avîtîtie na ûkaarekereria mûndû ûrîa ûkethîrwa atarî na mavîtia kûringana na ûthingu wake.

Isaia 13:18

Nîmakaaûraga andû ethî na mîguî yao, matikeguîra ciana ntha, kana macaîre ciana cia ngenge.

Isaia 65:6

“Nînduîte kûmaverithia na ngandîka, na ndingîkirîrîria rîngî, nwatî nduîte kûmaverithia

Maca 1:5

Nthû ciake nîivootanîte, arîa mamûmenete nîmathatûkagwa. Ngai-Mûnene nîatûmîte athînîke, nîûndû wa mevia make meengî. Ciana ciake nîndave, igatuîka mîgwate mbere ya nthû ciake.

Ezek 11:21

Nwatî andû arîa ngoro ciao irûmagîrîra indo irîa njûku na kûvoya mîvuanano, nîngaamaverithia kûringana na maûndû mau macûku mekîte. Nie Ngai-Mûnene nînie mbugîte ûguo.”

Ezek 16:43

We ndûraririkana maûndû marîa naagwîkire vîndî îrîa warî mwîthî, nwatî nîûndakarîtie na maûndû monthe marîa wîkîte. Kwoguo nie nîngûkûrîvia maûndû mau wekire. Na kinthî ndwongerere maûndû ma waga nthoni îgûrû rîa marîa wekire marî mûgiro?” Ûguo nîguo Ngai-Mûnene arauga.

Ezek 17:19

Kwoguo Ngai-Mûnene augîte atîrî, “Wata ûrîa nie ndûûraga mwoyo, nama nîngaamûverithia nîûndû wa kûnyarara mwîvîtwa ûrîa eevîtire na rîîtwa rîakwa na akiuna kîrîkanîro kîrîa twarîkanîre nake.

Ezek 22:31

Kwoguo nînîmetîrîrîtie marakara makwa. Nîmaavîvîtie na mwaki wa mang'ûrîka makwa kûringana na mavîtia mao ngamathiria.” Ûguo nîguo nie Ngai-Mûnene mbugîte.

Ezek 23:49

Na nîmûkaaverithua nîûndû wa ûmaramari ûcio wenyu na mevia menyu ma kûgooca mîvuanano. Vîndî îo nîmûkaamenya atî nie nînie Mwathani Ngai-Mûnene.”

Ezek 24:14

Nie Ngai-Mûnene nînie mbugîte ûguo. Îvinda nîkinyu rîa kûvingia ûrîa mbugîte. Ndikeericûkwa na ndigaakwîguîra ntha. Ngaagûtuîra ciira kûringana na mîthiîre yaku na ciîko ciaku.” Ûguo nîguo Ngai-Mûnene Ngai augîte.

Ezek 43:3

Kîoneki gîkî gîekariî ta kîrîa nonete rîrîa Ngai aaûkîte gûcûkangia îtûûra rîa Jerusalemu, na ta kîrîa nonete rûnjîrî rwa Kebari. Nînacokire ngîîgwîthia ngîturumithia ûthiû wakwa nthî.

Ezek 5:11

“Kwoguo, nie Ngai-Mûnene, wata ûrîa ndûraga mwoyo, nîûndû nîmûgwatîtie nyomba yakwa mûgiro na njîra ya gwîka maûndû macûku, nîngaamûrega muonthe ndakwîguîra mûndû wana ûrîkû ntha.

Ezek 7:3

“Mue andû a Isiraeli mûthiia nîûmûkinyîrîte; nîngwîtûrûra marakara makwa kûrî mue. Ngamûtuîra kûringana na mîtugo yenyu, na nîngamûverithia nîûndû wa maûndû menyu macûku.

Ezek 7:4

Ndikamûcaîra na ndikamwîguîra ntha, nwatî nîngamûverithia kûringana na mîtugo yenyu. Nîngamûverithia nîûndû wa maûndû marîa marî magigi mwîkîte, na nîmûkaamenya atî nie nînie Ngai-Mûnene.”

Ezek 8:18

Kwoguo nîngamaverithia nîrî na marakara. Ndikaamacaîra kana nîmeguîra ntha. Wana mangîkaavoya maugîrîrîtie ndikaamathikîrîria.”

Ezek 9:11

Mûndû ûrîa wekîrîte nguo mbaro, na warî na kîndû gîa kwandîka nîwacokire akîthiî akîra Ngai-Mûnene atîrî, “Nîneka wata ûrîa ûrambathîte mbîke.”

Ezek 9:5

Wa nthikîrîrîtie nîwerire acio engî atîrî, “Mûrûmîrîre kûu îtûûrarî na mûrage andû. Mûtigatigarie mûndû wanarî ûmwe kana mwîguîre mûndû wana ûrîkû ntha.

Hosea 9:7

Mîthenya ya kûverithania nî mîkinyu, mîthenya ya kwîrîvîrîria nîmîkinyu; andû a Isiraeli nwa nginya mamenye mûthenya ûcio. Mue mugaga atî, “Mûrathi nî kîrimû na mûndû ûrîa ûrî na Roho arî na ngoma.” Mugaga ûguo nîûndû wa mevia menyu meengî, na nîûndû wa rûmena rwenyu rûnene îgûrû rîake.

Joeli 3:4

“Mûrenda gwîka atîa mue Turo na Sidoni na kûu Filisiti kuonthe? Kûrî na ûndû mûrerîvîrîria? Ethîrwa nîkwa mûrerîvîrîria, nie nîngûmûrîvîrîria wa rîmwe.

Zakaria 11:6

Ngai-Mûnene augîte atîrî, “Ndigûcoka kwîguîra andû a gûkû nthî ntha rîngî. Nîndiganîria wa mûndû njararî cia mûndû ûrîa wîngî na nîmatiganîrie wa mûndû njararî cia mûthamaki wake. Nao nîmakaavinyîrîria nthî, na gûtirî mûndû ngaavonokia njararî ciao.”

Gûco 32:41

rîrîa ngaanoora rûviû rwakwa rûrîa rûvenavenagia, na ndue ciira na kîvooto, nîngerîvîrîria kûrî nthû ciakwa, na mverithie andû arîa mamenete.

Ahib 10:30

Tue nîtwîcî ûrîa waugire atîrî, “Kwîrîvîrîria nî gwakwa, nie nîngerîvîria,” na agîcoka akiuga, “Mwathani nîke ûgaatuîra andû ake.”