Ezek 7:7 - ÎVUKU RÎA ÛVORO MWARO

⁷ Mue arîa mûtûûraga vûrûrirî ûyû, mûthiro wenyu nî ûkîte! Kavinda nî gakinyu, na mûthenya ûrî vakuvî; mûthenya wa thîna nwatî tî mûthenya wa kugîrîria na gîkeno irîmarî.

Ezek 7:7 ပူးပေါင်းရင်းမြစ်များ

Kîam 19:15

Kîraûko tene araika acio nîmeerire Loti atîrî, “Ûkîra narua woce mûka waku na erîtu aku aîrî mûre, nîguo mûtikathiranîrue vamwe na îtûûra rîîrî.”

Kîam 19:24

Na wa rîmwe Ngai-Mûnene nîwaurithirie mwaki wa ûviriti ta mbura kuuma îgûrû, matûûrarî ma Sodomu na Gomora.

Isaia 13:22

Mviti nîikaarîraga irî nyombarî ndaca na îgûrû, nacio ciathi igambage irî nyombarî irîa ciarî ciao athamaki. Îvinda rîa Babuloni rîrî vakuvî! Mîthenya yarîo îrî vakuvî kûthira.”

Isaia 16:10

Gûtirî gûkena na gûcanjamûka mûgûndarî ûrîa ûraciaraga mûno. Gûtirî nyîmbo cinagwa mîgûndarî ya mîthavibu. Gûtirî mûndû ûvivagîra ndivei kîvivîrorî, na ngemi nî nthiru.

Isaia 17:14

Nîmatûmaga kûgîe na kîmako kîvwaî, nwatî mbere ya gûkîe kîmako gîkathira. Rîu nîrîo îgai rîa arîa matûtavaga indo cietû, na îrîvi rîa arîa matûcunaga indo cietû.

Isaia 22:5

Nîûndû ûmûnthî Ngai-Mûnene mwene vinya wonthe, nîatûreterete kîmako, gûcindwa na kîvîngîcî, gûkû Kîandarî gîa Kîoneki. Nthingo cia îtûûra nî nyomomore, na înegene rîa andû akuo nî rîreguîka nginya irîma.

Jeremia 20:7

We Ngai-Mûnene nîûmveenetie nanie ngaveeneka, we ûrî na vinya kûngîra na wî mûmvootu. Mûthenya mûgima nduîkîte kîndû gîa kûthekererwa, nthekagîrîrwa nî andû onthe.

Jeremia 50:27

Ûragani athigari onthe arîa njamba; tigani manyûrûrûke mathiî kîthînjîro! Kaî andû a Babuloni marî thînarî-î, kavinda kao ga kûverithua nîgakinyu.

Ezek 12:28

Kwoguo meere nie Ngai-Mûnene, mbugîte atî ciugo ciakwa cionthe gûtirî gîgeekarîrîria rîngî. Ûrîa mbarîtie nwanginya wîkîkage. Ûguo nîguo nie Ngai-Mûnene mbugîte!”

Ezek 30:3

Nîûndû îvinda rîrî vakuvî, mûthenya wa Ngai-Mûnene ûrî vakuvî, ûkethîrwa ûrî mûthenya wîna matu, mûthenya wa kûthirua kwa ndûrîrî.

Ezek 7:12

“Kavinda nîgakinyu na mûthenya nwa ûrakuvîvîria. Mûgûri wa indo nîatige gûkena, kana mwendia wa indo egue kîeva nîûndû marakara ma Ngai magaakinyîra andû onthe.

Joeli 1:15

Kaî twî na thîna-î; mûthenya ûcio wa Ngai-Mûnene nîûkîte; ûkîte vamwe na maûndû ma gûcûkangia, kuuma kûrî Ngai-Mûnene.

Amosi 4:13

Ngai nîke waûmbire irîma na akîûmba mvuvo. Nîke ûmenyithagia mûndû meciria make, na nîke ûtûmaga mûthenya ûtuîke ûtukû. Athiîcagîrîra nthî kûrîa gûtûgîru. Rîîtwa rîake nî Ngai-Mûnene, Mwene vinya wonthe.

1Pet 4:17

Îvinda nîrîkinyu rîa kwambîrîria îtuîro na andû a Ngai nîo makwambîrîria gûtuîrwa. Ethîrwa nîtue tûkwambîrîria gûtuîrwa rî, gûkaarîkîrîria atîa na arîa matetîkîtie Ûvoro Mwaro ûrîa umîte kûrî Ngai?