Ezek 7:24 - ÎVUKU RÎA ÛVORO MWARO

²⁴ Kwoguo nîngaarete mavûrûri maganu mûno megwatîre nyomba ciao, naguo mwîtîîo wa andû arîa marî vinya ûthire; nakuo kûndû kwenyu gwa kûgoocera kûgwatue mûgiro.

Ezek 7:24 ပူးပေါင်းရင်းမြစ်များ

Kîam 47:26

Kwoguo Josefu nîwavîtûkirie watho atî irio cionthe ciakethwa, gîcunjî kîmwe Kîam ithano gîkethagîrwa kîrî Kîam mûthamaki wa Misiri. Watho ûcio ûtûûraga kuo nginya ûmûnthî. Nwatî mîgûnda ya athînjîri-Ngai ndîatuîka ya mûthamaki wa Misiri.

Thaburi 106:41

Nîwamarekererie kûrî andû a ndûrîrî, na magîcoka kwathwa nî nthû ciao.

Thaburi 74:7

Nîmaavîvirie hekarû yaku na mwaki; na makîvaka mûgiro vandû varîa ûgoocagîrwa.

Thaburi 83:12

arîa maaugire atîrî, “Tigani twîgwatîre vûrûri wa Ngai ûtuîke wetû vûrûri.”

Isaia 5:14

Kwoguo kwa arîa akuû nîkûmetererete na vinya, kwathamîtie kanyua ga kuo nginya mûthiia. Atongoria na andû arîa engî a Jerusalemu matonyaga kuo marî ikundi, wa vamwe na andû eengî arîa magûkenagîrîra.

Jeremia 12:12

Îgûrû rîa irîma cionthe werûrî, andû arîa manjûkangagia nî akinyu, nîûndû rûviû rwa Ngai-Mûnene nîrûgûcûkangia vûrûri wonthe, kuuma mwena ûmwe wa vûrûri nginya ûrîa wîngî, gûtirî mûndû ûgaatûra na thayû.

Jeremia 17:4

Nwa nginya mûtiganîrie vûrûri ûrîa namûveere, na nîngatûma mûtungatîre nthû cienyu mûrî vûrûrirî ûrîa mûtaicî, nîûndû marakara makwa makanîte ta mwaki ûrîa wakanaga tene na tene.”

Jeremia 4:7

Ta ûrîa mûnyambû umagîra kîthakarî, mûcûkangia wa vûrûri nîweyumîria; nîwauma kûrîa ekaraga, athiî gûcûkangia vûrûri wenyu, matûûra menyu nîmomorwa viû, matigwe marî maganjo.

Jeremia 6:12

Nyomba ciao nî ikavecanwa kûrî andû engî, wana mîgûnda yao na aka ao, nîûndû nîngatambûrûkia njara yakwa, mverithie andû a vûrûri ûyû. Ûguo nîguo Ngai-Mûnene arauga.

Maca 5:2

Vûrûri wetû nîwocetwe nî ageni, mîciî yetû îtûûrîtwe nî andû engî.

Ezek 21:2

“Mûndû, taroria Jerusalemu. Rathîra kûndû kûrîa andû mathiîcaga nîguo makagooce ûregane nakuo, na ûrathe ûkîregana na vûrûri wa Isiraeli.

Ezek 21:31

Nîngamwîtûrûrîra marakara makwa, nîmûvuvîrîre mîruke ya marakara îkariî ta mwaki. Nîngaacoka nîmûnenganîre kûrî andû ndûrîka, arîa marî wara wa gûcûkangia.

Ezek 24:21

mbîre andû a Isiraeli atî nîmwîtîîaga na ûnene wa hekarû yake, nîmûmîriragîria na nîmûkenaga nîyo mûno mûkîmîona. Ngai-Mûnene nîakagwatia nyomba îo mûgiro na ciana cienyu cia anake na cia erîtu irîa mwatigire vuva, ikaaûragwa na rûviû.

Ezek 28:7

nîngaatûma andû ageni makûtharîkîre. Makethîrwa marî mavûrûri maganu gûkîra mavûrûri monthe. Nîmagaacomora mviû cia njûra na mathirie ûthaka wa ûgî ûcio waku na magwatie riiri waku gîko.

Ezek 33:28

Ngaatûma vûrûri ûtuîke werû na ûtarî kîndû. Vinya wao ûrîa metîîaga naguo nîûkaathira. Irîma cia Isiraeli ikeethîrwa irî werû mûcûku mûno na gûtirî mûndû ûkaavîtûkîra kuo.

Zefania 1:13

Nîmagacunwa ûtonga wao na indo ciao cia nyomba. Matigatûûra nyombarî irîa maratuma, kana manyue ndivei ya mîtî îrîa maravanda rîu.”