Ezek 7:21 - ÎVUKU RÎA ÛVORO MWARO

²¹ “Nîngaanenganîra indo ciao kûrî mavûrûri mageni na ndûme ituîke ta indo itavîtwe na vinya nî andû arîa aganu. Nao nîmakaaûgwatia mûgiro.

Ezek 7:21 ပူးပေါင်းရင်းမြစ်များ

2Atha 24:13

Nîwacokire agîkuua indo cionthe irîa ciarî hekarûrî na îrîa ciarî nyombarî ya mûthamaki na akîivira Babuloni. Nebukadinezarû nîwacûkangirie indo cionthe cia thaavu irîa ciarî hekarûrî irîa Solomoni, mûthamaki wa Isiraeli aatumîte. Ûndû ûcio wekîkire wata ûrîa Ngai-Mûnene aaugîte.

2Atha 25:9

Nîwavîvirie hekarû, nyomba ya mûthamaki na nyomba cionthe cia Jerusalemu. Nyomba cionthe nene îtûûrarî nîciavîvirue.

Thaburi 109:11

Mûndû ûrîa ûmûkombithîtie kîndû, nîamûcune indo îrîa agîte nacio cionthe.

Thaburi 79:1

We Ngai, andû a ndûrîrî nîmatharîkîrîte vûrûri waku, nîmagwatîtie hekarû yaku ntheru mûgiro na nî momorete îtûûra rîa Jerusalemu.

Jeremia 19:13

Nyomba cia Jerusalemu na nyomba cia athamaki a Juda, na nyomba cionthe irîa îgûrû rîa cio kwavîvagîrua ûbani kûrî njata irîa îtûûraga îgûrû na gûkarutîrwa matega ma ndivei kûrî ngai ciîngî, nîgûkaagwatwa nî mûgiro wata Tofethi.”

Ezek 31:12

Andû aganu mûno kuuma mavûrûri mageni nîmagaaûtema ûgwe nthî na maûtiganîrie. Mvûa ciaguo ikaagwa irîmarî na igwe ciandarî cionthe. Namo mathangû maguo nîmakaanyagania nyûnjîrî cionthe vûrûrirî ûcio. Andû onthe a nthî nîmakaauma kîrururî Kîamguo na maûtiganîrie.