Ezek 7:16 - ÎVUKU RÎA ÛVORO MWARO

¹⁶ Andû arîa makaavonoka nîmakaaûra na mathiî magekarage irîmarî, magîcayaga ta ndutuura cia ciandarî, wa mûndû nîûndû wa mevia make.

Ezek 7:16 ပူးပေါင်းရင်းမြစ်များ

Ezira 9:15

Ngai-Mûnene, Ngai wa Isiraeli, we ûrî mwîvokeku, nîûndû nîwîtîkîrîte tûtûûre mwoyo nginya ûmûnthî. Na rîu ava nîtûkumbûra mavîtia metû, nîûndû gûtirî mûndû mwagîrîru gatagatîrî getû wa kûrûngama mbere yaku.”

Thaburi 55:2

Nthikîrîria na ûnjokerie; nîrîmûthiru vinya nîûndû wa gwîtanga.

Isaia 1:9

Kethîrwa Ngai-Mûnene mwene vinya wonthe ndaatigaria andû anini gatagatîrî getû, tûngîathirirue ta andû a Sodomu na Gomora.

Isaia 37:31

Nao andû arîa magaatigara a nyomba ya Juda nîmakoongerereka na mengîve ta ûrîa mûtî ûmeraga mîri îgatonya mûtheturî ndarî na ûgaciara matunda na îgûrû.

Isaia 38:14

“Ng'ambaga ta cûcû wa njoka, njaaga ta ndutuura. Metho makwa nîmathiru vinya nî kûroria îgûrû. Ûûi Mwathani, nînîrathînîka tuîka mûgitîri wakwa.

Isaia 59:11

Tuonthe tûraramaga ta ngatûnyi, twîkaraga tûgîcaga ta ndutuura. Twetagîrîra tûone waragania nwatî tûtiwonaga; twetagîrîra ûvonokio, nwatî ûrî kûraca natue.

Isaia 59:12

Nîûndû nîtûkûvîtîrîtie mûno. Mevia metû nîmaratûthitanga, nîûndû tûthiîcaga tûkuuîte mavîtia metû, na nîtîcî mawîvia metû monthe.

Jeremia 3:21

Mûgambo nîwîguîtwe tûthûrûmûndûrî twa irîma andû a Isiraeli makîrîra na makîîthaithanîra, nîûndû nîmacûkîtie mîthiîre yao, na nîmariganîrîtwe nî Ngai-Mûnene Ngai wao.

Jeremia 31:9

Magaûka makîrîraga methori, nîngamatongoria macoke ngîmaûmagîrîria. Nîngatûma mathiîrîre rûtere rwa tûrûnjî, makaathiîrîra njîrarî nûngarû matakûvîngwa, nîûndû nie nîrî îthe wa Isiraeli, na Efiraimu nî îrikithathi rîakwa.

Jeremia 44:14

Kwoguo gûtirî mûndû wanarî ûmwe wa arîa matigarîte Juda, na mathiîte gûtûûra Misiri, ûkavonoka kana atûûra mwoyo kana acoka vûrûrirî wa Juda kûrîa meriragîria gûcoka gûtûûra. Matigacoka kuo tiga andû amwe arîa matûûraga maûrûraga.”

Jeremia 44:28

Nwatî andû anini enyu nîmakavonoka gîkuû na maume Misiri macoke Juda. Na andû onthe a Juda arîa maatigarîte na maathiîte gûtûûra Misiri, nîmakaamenya nî ciugo ciao kana nî ciakwa ciama.

Jeremia 9:19

Nîûndû mûgambo wa kîrîro nîûreguîka kûu Zayuni ûkiuga atîrî, “Tûrî acûkangie viû! Tûrî aconorithie viû! Nwanginya tume vûrûrirî wetû; nîûndû mîciî yetû nîmîomomore.”

Ezek 14:22

Kûnarî ûguo, kûrî na andû makaavonoka na mavonokie erîtu na anake ao. Andû acio mangîgaaûka kûrî we, ûkaamaroria nîguo wone mîtugo na mîthiîre yao mîcûku; mîtugo îo nîîkamwonia atî îverithia rîrîa ngaverithia Jerusalemu nîrîagîrîru.

Ezek 34:6

Ng'ondu ciakwa nîcianyaganirie, ciaûrûraga kûndû kuonthe irîmarî na tûrîmarî. Cianyaganîrie nthî yonthe na gûtirî mûndû werûmbûyanirie na ûvoro wacio kana aicarie.

Ezek 36:31

Nîûgaacoka kûririkana mîthiîre yaku mîcûku na mîtugo yaku îrîa îtaarî mîaro, na nîûkaaîmena nîûndû wa mevia maku na maûndû macûku marîa wekire.

Nahumu 2:7

Îtûûra rîa Nineve rîtigîtwe kîndû, andû a kuo nîatave. Aka akuo nîmaracakaya mararîra ta ndutuura, na kwîringaringa ithûri nîûndû wa kîeva.

Zefania 1:14

Mûthenya mûnene wa Ngai-Mûnene nîûkuvîvîrie, ûrî vakuvî na ûraûka narua mûno. Mûgambo wa mûthenya wa Ngai-Mûnene nî mûrûrû mûno, athigari arîa aûmîrîru mûno nîmakaarîra na mûgambo mûnene.