Ezek 7:15 - ÎVUKU RÎA ÛVORO MWARO

¹⁵ “Nakûu nja kûrî mbaara, nakuo matûûrarî kûrî na mûthiro na yûra. Arîa marî na kûu mîgûndarî magaakua marî mbaararî; na arîa marî îtûûrarî makaathirua nî yûra na mîrimû.

Ezek 7:15 ပူးပေါင်းရင်းမြစ်များ

Jeremia 14:18

Nîngiumagara nthiî mûgûndarî, monaga ciimba cia andû arîa maûragîrîtwe mbaararî, nathiî matûûrarî monaga andû magîkua nî yûra! Nîûndû arathi na athînjîri-Ngai methîrîtwe makîruta wîra wao vûrûrirî, matarî na ûmenyo.’ ”

Maca 1:20

“Ngai-Mûnene ta roria wone gûkaa gwakwa, mwoyo wakwa ndûrî na vinya. Ngoro yakwa nî munîkangu nîûndû mbîthîrîtwe nîrî mûremi. Njîrarî kûrî na mbûragano, nyomba nakuo nîta gîkuû.

Maca 4:9

Kava arîa maaûragîrwe mbaararî, gûkîra arîa maakwire nî yûra, maakwire kavora nî yûra, nîûndû wa gûtura irio.

Ezek 12:16

Nwatî nîngaatûma andû anini mavonoke kuuma mbaararî, kuuma kûrî yûra, na kuuma kûrî mîrimû. Nao nîmakeraga andû a mavûrûri kûrîa makeethîrwa marî, maûndû macûku marîa maneka na nîmakaamenya atî nie nînie Ngai-Mûnene.”

Ezek 5:12

Gîcunjî kîmwe Kîam ithatû Kîam andû enyu, nîmagaakua nî mûrimû mûcûku na yûra marî kûu mûrî; gîcunjî kîmwe Kîam ithatû kîngî nîgîgaakuîra mbaararî kûu îtûûrarî; gîcunjî kîu kîngî Kîam ithatû nîngaakînyagania nthî yonthe na njoke nîkîrûmîrîrie na rûviû.

Ezek 6:11

Ngai-Mûnene augîte atîrî, “Inainia njara ciaku na ûringithie magûrû maku nthî na uuge: Wûi nîûndû wa maûndû marîa marî mûgiro manekwa nî andû a Isiraeli. Andû a Isiraeli nîmakaaûragwa nî mbaara, yûra na mîrimû.

Ezek 6:12

Arîa marî kûraca makarwara na makue. Arîa marî vakuvî makaaûragîrwa mbaararî, nake ûrîa ûkaavonoka maûndû mau maîrî akaaûragwa nî yûra. Ûguo nîguo ngaathiria marûrû makwa kûrî o.