Ezek 5:17 - ÎVUKU RÎA ÛVORO MWARO

¹⁷ Kwoguo nîngaatûma kûgîe na yûra gatagatî kenyu na nîmûrekerie nyamû cia kîthaka irîe ciana cienyu. Nîmûkeethîrîrua nî mîrimû mîcûku, mbûragano na mbaara cia kûmûthiria. Nie Ngai-Mûnene nînie nauga ûguo.”

Ezek 5:17 ပူးပေါင်းရင်းမြစ်များ

2Atha 17:25

Kîambîrîriarî maatûûra kuo, matiagoocaga Ngai-Mûnene, na kwoguo Ngai-Mûnene nîwamatûmîîre mînyambû na îkîûraga amwe ao.

Ntha 23:29

Ndikaamengata maume kûrî mue mwakarî ûmwe, nîûndû nîngîka ûguo vûrûri ûcio nîûgatigwa ûrî mûtheri nacio nyamû cia kîthaka ciîngîve kûrî mue.

Jeremia 15:3

Nie Ngai-Mûnene nîmvangîte kûmaretera maûndû mana ma kûmathiria: maûragîrwe mbaararî, ngui imatambururange, marîwe nî iconi, na nyamû cia kîthaka imarîa imathirie.

Ezek 14:15

“Nîngîtûma nyamû cia kîthaka ivîtûkîrîre vûrûri ûcio na ciûrage andû viû na ûtigwe ûtarî mûndû, na gûtuîke gûtirî mûndû ûngîvîtûkîrîra kuo nîûndû wa nyamû.

Ezek 14:19

“Narîo nîngîtûma mûrimû mûcûku kûu vûrûrirî nîrî na marakara, nîngatûma andû na nyamû ikue,

Ezek 14:21

Ngai-Mûnene arauga atîrî, “Nîngûverithia Jerusalemu na maûndû mana: Mbaara, yûra, nyamû mbaganu cia kîthakarî na mîrimû mîcûku nîguo andû mathire, na nyamû ithire.

Ezek 17:21

Athigari ake arîa njamba nîmakaaûragwa marî mbaararî. Nao arîa magaatigara marî mwoyo nîmakaanyaganîria mîenarî yonthe ya nthî, na nîmûkaamenya atî nie Ngai-Mûnene, nînie mbarîtie.”

Ezek 17:24

Nayo mîtî yonthe kûu vûrûrirî nîkaamenya atî nie nînie Ngai-Mûnene. Nîmvotaga gûtûma mîtî îrîa mîraca îtuîke mîkuvî na mîtî îrîa mîkuvî îtuîke mîraca. Nînyûmagia mîtî îrîa mîthî na îrîa mîûmû ngatûma îtuîke mîthî. Nie Ngai-Mûnene nînie mbugîte ûguo, na nîngeka guo.”

Ezek 21:3

Îra vûrûri wa Isiraeli atî nie Ngai-Mûnene mbugîte nîngûcomora rûviû rwakwa kuuma njûrarî na mbûrage andû aro wana arîa aganu nîmarute kûrî we.

Ezek 21:32

Mûgatuîka ngû cia mwaki, nayo nthakame yenyu îgetîka kûu vûrûrirî ûcio, na mûtigacoka kûririkanwa rîngî.” Nînie Ngai-Mûnene nauga ûguo.

Ezek 22:14

Vîndî îrîa ngaambîrîria gûkûverithia nîûkaagîa na ûmîrîru, kana njara ciaku igîe na vinya? Nie Ngai-Mûnene nînie mbarîtie na nwanginya mbîke ûrîa mbugîte.

Ezek 23:47

Gîkundi kîu Kîam andû nîgîkaamariva na mathiga na kîmaûrage na mviû. Nîgîkaaûraga anake ao na kîûrage erîtu ao, na nîgîkaavîvia nyomba ciao.

Ezek 26:14

Turo ngaamîtua îthiga rîtheri na rîtuîke rîa kwanîkagwa neti cia gûtega nthamaki nî ategi na rîtigacoka gûtumwa rîngî; nîûndû nie Ngai-Mûnene Ngai nînie mbugîte ûguo.”

Ezek 28:23

Nîngaatûma mîrimû îtûûrarî rîu na nthakame îtûrûrwe tûcîrarî twa rîo. Rîkaatharîkîrwa kuuma mîena yonthe nî nthû, na andû arîa makaaûragwa makaagwa wa kûu îtûûrarî, na nîmûkaamenya atî nie nînie Ngai-Mûnene.”

Ezek 30:12

Nîngaatûma rûnjî rwa Nilo rûvwe na menderie andû aganu vûrûri wa Misiri. Nîngaatûma andû ageni manange vûrûri ûcio wana kîndû kîonthe kîrîa kîrî kuo. Nie Ngai-Mûnene nînie mbugîte ûguo.”

Ezek 33:27

“Marîrie na ûmere nie Ngai-Mûnene nîrauga atî: Wata ûrîa ndûûraga mwoyo, andû acio onthe matûûraga matûûrarî mau momomoku nîmakaaûragwa. Arîa marî mîgûndarî makaarîwa nî nyamû cia kîthaka; na arîa marî kûndû kûrîa kûgitîre na ngurungarî makaaûragwa nî mîrimû mîcûku.

Ezek 37:14

Nîngaamwîkîra mîvevû yakwa ndarî yenyu na nîmûgaacoka gûtûûra mwoyo, na nîngaacoka nîmwige vûrûrirî wenyu. Namue nîmûkaamenya atî nie, Ngai-Mûnene nînie mbugîte ûguo na nîngeka guo.”

Ezek 38:22

Nîngaamûverithia na mîrimû mîcûku na ndûme andû maûragane. Nîngaaurithîria Gogu, athigari ake a mbaara na arîa onthe arî nao mbura nene ya mbembe na mwaki wa ûviriti.

Ezek 5:15

“Rîrîa ngaamûverithia nîrî na marakara meengî, nîmûgaatuîka kîndû gîa kûthekagîrîrwa na kûrumwa nî ndûrîrî irîa imûthiûrûrûkîrîtie. Nie Ngai-Mûnene nînie nauga ûguo.

Ezek 5:16

Vîndî îo nîngarekereria mîguî yakwa ya kûragana ya yûra îmûrathe îmûthirie. Nîngatûma yûra rîongerereke na irio cienyu ithire.

Ezek 6:1

Ngai-Mûnene nîwambîrire atîrî,

Ezek 6:12

Arîa marî kûraca makarwara na makue. Arîa marî vakuvî makaaûragîrwa mbaararî, nake ûrîa ûkaavonoka maûndû mau maîrî akaaûragwa nî yûra. Ûguo nîguo ngaathiria marûrû makwa kûrî o.

Alawi 26:22

Nîngaarekereria nyamû njûku ciûke kûrî mue nîguo ciûrage ciana cienyu, ciûrage nyamû irîa mûrîthagia na mûtigare andû anini mûno, na njîra cienyu iture andû a kûthiîra.

Mathaayo 24:35

Îgûrû na nthî nîikaathira, nwatî ciugo ciakwa itikaathira.

Gûco 32:24

Nîmagaakua nîûndû wa yûra, na maûragwe nî mîrimû mîcûku. Nîngaatûma matharîkîrwe nî nyamû cia kîthaka, na ndûme njoka irîa irî ûrogi imarûme.

Kûguû 6:8

Nînaroririe na ngîona mbarathi ya rangi îno nthererûku. Nake ûrîa wathiîte amîkarîrîte eetagwa Gîkuû na Vûrûri wa arîa akuû nîwamûrûmîrîrîte. Nao nîmaaveerwe ûvoti wa kwatha kîmwe gîa icunjî inya cia nthî nîguo maûrage andû na njîra ya mbaara, yûra, mîrimû, na nyamû cia kîthaka.