Ezek 5:15 - ÎVUKU RÎA ÛVORO MWARO

¹⁵ “Rîrîa ngaamûverithia nîrî na marakara meengî, nîmûgaatuîka kîndû gîa kûthekagîrîrwa na kûrumwa nî ndûrîrî irîa imûthiûrûrûkîrîtie. Nie Ngai-Mûnene nînie nauga ûguo.

Ezek 5:15 ပူးပေါင်းရင်းမြစ်များ

1Atha 9:7

nîngaaruta andû akwa a Isiraeli kuuma vûrûrirî ûrîa namaveere. Nîngaacoka ndiganîrie hekarû îno nyamûrîte îgatuîka yakwa ya kûngoocagîra, nao Aisiraeli nîmakaavûthua na manyararwe nî andû a ndûrîrî cionthe.

2Maû 29:8

Kwoguo Ngai-Mûnene nîwarakarirue mûno nî andû a Juda na a Jerusalemu na nîamekîte ûndû wa kûmakania, ûndû ûrî na guoya na wa kînyarari wata ûrîa mûreyonera na metho menyu mue ene.

Thaburi 39:11

Nîûgûkagia andû na ûkamaverithia nîûndû wa mevia mao, nîûcûkangagia kîrîa wendete ta ûrîa kîgunyû gîcûkangagia indo. Nama andû onthe mekariî ta rûkûngi!

Thaburi 79:4

Andû a ndûrîrî nî maratûnyarara, arîa tûriganîtie nao matûthekagîrîra na magatûnyûrûria.

Isaia 26:9

Ngoro yakwa nîîkwîriragîria ûtukû; nie nîngûcaragia na kinyi. Nîûndû rîrîa ûgaatuîra nthî, andû onthe a nthî nîmakaamenya gwîka maûndû ma ûthingu.

Isaia 43:28

Kwoguo nînaagwatirie atongoria a varîa vatheru mûgiro. Nînarekererie Isiraeli macûkangue viû; na ngîtîkîria andû akwa marumwe.”

Jeremia 23:40

Nîngamaretera ûndû wa gûtûma matûûre marî anyarare na marî na gîconoko gîtakaariganîra.”

Jeremia 29:18

Nîngamarûmîrîria na mbaara, yûra na mîrimû na ndûme mothamaki monthe ma nthî mamakage mamoona. Nîmagaatuîka kîrumi, na meguithie andû guoya, macivagwe na manyararagwe nî mavûrûri monthe kûrîa namanyaganirie.

Maca 2:15

Andû arîa onthe mavîtûkaga na njîra nîmamûvûragîra mvî. Nîmainainagia ciongo na makatheka nîûndû wa kwomomorwa kwa Jerusalemu. Rîrî nîrîo îtûûra rîrîa maaugaga nîrîthaka na rîakenagia nthî yonthe?

Maca 2:16

Nthû ciaku cionthe ciathamagia ikaria maûndû macûku makwîgiî, macaaga na makarîa magego makiugaga: “Nîtûmûcûkangîtie! Nama ûyû nîguo mûthenya tûtwîre twetererete; rîu nîwakinya na nîtwawona!”

Ezek 11:9

Nîngaamûruta îtûûrarî na nîmûnenganîre kûrî andû ageni na nîngaamûtuîra.

Ezek 14:8

Nîngaaregana nake na ndûme atuîke ûndû wa kwaragua na atuîke rûûri kûrî andû. Nîngaacoka nîmûrute gatagatî ka andû akwa; namue nîmûkaamenya atî, nie nînie Ngai-Mûnene.

Ezek 16:41

Nîmagaacoka mavîvie nyomba ciaku, na makûverithie aka eengî makîonaga, na nîngaatûma ûtige kûvûra ûmaraa na ûtige kûrîva andû nîguo mavûre ûmaraa nawe rîngî.

Ezek 16:57

Kinthî ndwekire ûguo mbere ya maûndû maku marîa macûku mamenyeka? Rîu we ûtuîkîte wata Sodomu, ûgatuîka kîndû gîa kûthekagîrîrwa nî erîtu a Edomu na arîa mariganîtie nao, na erîtu a Filisiti na arîa mamathiûrûrûkîrîtie na makûmenete.

Ezek 22:4

We ûrî na mavîtia nîûndû wa nthakame îo wîtûrûrithîtie, na ûkegwatia gîko na njîra ya mîvuanano îo wîrûthîrîte. Nîûtûmîte mîthenya yaku înyivanyive, nayo mîaka yaku îgeere kûthira. Kwoguo nîndûmîte ûmenwe nî ndûrîrî na ngatûma ûnyararwe nî mavûrûri monthe.

Ezek 23:32

Ngai-Mûnene arauga atîrî, “Ûkaanyuîrîra gîkomberî kîrîa, mwarwanyûkwe aanyuîrîre, gîkombe kînene na kîrikîru. Andû nîmagaakûthekerera na makûnyarare; na nîgîcûru.

Ezek 25:17

Nîngaamaverithia nîrî na marakara mûno na nîmakaamenya atî nie nînie Ngai-Mûnene.”

Ezek 30:19

Ûguo nîguo ngaaverithia Misiri, nao nîmakaamenya atî, nie nînie Ngai-Mûnene.”

Ezek 5:16

Vîndî îo nîngarekereria mîguî yakwa ya kûragana ya yûra îmûrathe îmûthirie. Nîngatûma yûra rîongerereke na irio cienyu ithire.

Ezek 5:8

Kwoguo, nie Ngai-Mûnene wana nie nîngûregana namue na nîngaamûtuîra ciira ndûrîrî ikîonaga.

Alawi 26:32

Ngaacûkangia vûrûri wenyu viû, nacio nthû cienyu irîa îgaatûûra kuo nî ikaamakua nî ûrîa vûrûri ûcio ûkethîrwa ûcûkangîtue.

Nahumu 1:2

Ngai-Mûnene nî Ngai wî wîru; nîerîvagîrîria na arî marakara meengî, nîerîvagîrîa kûrî arîa mareganaga nake nîarakaraga nî nthû ciake.

1Akor 10:11

Maûndû mama monthe meekîkire kûrî o nîguo matuîke kîonereria kûrî arîa engî. Namo maandîkirwe nîguo matuîke ûtaari kûrî tue arîa tûratûûra mavindarî mama ma mûthiia.

Gûco 28:37

Andû a mavûrûrirî marîa Ngai-Mûnene akaamûvira nîmakaanyitwa nî guoya mona maûndû marîa mekîkîte kûrî mue. Nîmakaamûnyarara na mamûthekerere.

Gûco 28:46

Irumi icio ikethîrwa irî ûira wa îverithia rîa Ngai kûrî mue na kûrî njiarwa cienyu tene na tene.