Ezek 5:14 - ÎVUKU RÎA ÛVORO MWARO

¹⁴ Nacio ndûrîrî irîa ikûthiûrûrûkîrîtie nîigaagûtua kîndû gûtarî, na andû arîa makavîtûkagîrîra vakuvî nawe makûnyarare.

Ezek 5:14 ပူးပေါင်းရင်းမြစ်များ

Nehemia 2:17

Nwatî nînaamerire atîrî, “Taroriani thîna ûrîa tûrî naguo nîûndû Jerusalemu nînyomomoku na ivingo ciakuo nî njûkangie nî mwaki! Tigani tûtume rîngî rûthingo rwa Jerusalemu nîguo tûtige kûnyararûa.”

Jeremia 19:8

Nîngatûma îtûûra rîîrî rîtuîke vandû va kûvavûra andû na kûmamakia nîûndû wa mîthiro îrîa rîkethîrwa nayo. Mûndû wa wonthe ûkavîtûkîrîra vakuvî narîo nîakaamaka.

Jeremia 23:40

Nîngamaretera ûndû wa gûtûma matûûre marî anyarare na marî na gîconoko gîtakaariganîra.”

Jeremia 42:18

“Ngai-Mûnene mwene vinya wonthe, Ngai wa Isiraeli arauga atî: wata ûrîa marakara na mang'ûrîka makwa makinyîre andû arîa matûûraga Jerusalemu, nwa ta guo marakara makwa makamûkinyîra, ethîrwa nîmûkûthiî Misiri. Mûgaatuîka ta kîndû gîa kûmenwa, kîndû gîa kûmakania, kîrumi, na gîconoko. Mûtikona gûkû tûrî rîngî.”

Maca 1:4

Varavara cia kûthiî Zayuni nîiracakaya, gûtirî mûndû ûthiîcaga irugorî irîa nyamûre. Mîvîrîga yakuo yonthe nîmîtiganîrie, athînjîri-Ngai akuo nîmaracaa. Erîtu akuo nîmarathînîka, nayo Zayuni nîrathînîka.

Maca 1:8

Jerusalemu nîyevirie mûno, kwoguo nîyagîre gîko, arîa onthe maarîtîîaga nîmaarînyararire, nîûndû nîmoonire njaga yarîo, Jerusalemu îcaaga na îkenamia ûthiû nîûndû wa nthoni.

Maca 5:18

nîûndû kîrîma gîa Zayuni nîgîatiganîrue, rîu nî mbwe itûûraga kuo.

Ezek 12:20

Matûûra marîa marî na andû magaatigwa marî manangîku na vûrûri ûtuîke werû. Namue nîmûgaacoka mûmenye atî, nie nînie Ngai-Mûnene.”

Ezek 16:57

Kinthî ndwekire ûguo mbere ya maûndû maku marîa macûku mamenyeka? Rîu we ûtuîkîte wata Sodomu, ûgatuîka kîndû gîa kûthekagîrîrwa nî erîtu a Edomu na arîa mariganîtie nao, na erîtu a Filisiti na arîa mamathiûrûrûkîrîtie na makûmenete.

Ezek 22:4

We ûrî na mavîtia nîûndû wa nthakame îo wîtûrûrithîtie, na ûkegwatia gîko na njîra ya mîvuanano îo wîrûthîrîte. Nîûtûmîte mîthenya yaku înyivanyive, nayo mîaka yaku îgeere kûthira. Kwoguo nîndûmîte ûmenwe nî ndûrîrî na ngatûma ûnyararwe nî mavûrûri monthe.

Ezek 23:32

Ngai-Mûnene arauga atîrî, “Ûkaanyuîrîra gîkomberî kîrîa, mwarwanyûkwe aanyuîrîre, gîkombe kînene na kîrikîru. Andû nîmagaakûthekerera na makûnyarare; na nîgîcûru.

Ezek 33:28

Ngaatûma vûrûri ûtuîke werû na ûtarî kîndû. Vinya wao ûrîa metîîaga naguo nîûkaathira. Irîma cia Isiraeli ikeethîrwa irî werû mûcûku mûno na gûtirî mûndû ûkaavîtûkîra kuo.

Ezek 36:34

Vûrûrirî kûrîa kwarî kûthame na kwonagwa kûrî na kîthaka nî andû arîa maavîtûkagîra kuo nîngaatûma mûkûrîme rîngî.

Ezek 6:6

Matûûra menyu monthe nîmagaacûkangua na kûndû kwenyu kûrîa gûtûgîru kwomomorwe, nîguo metha cienyu cia magongoona itiganîrue na icûkangue. Na ngai cia mîvuanano ciunangwe ithire viû. Metha irîa mûvîvagîria ûbani nîkaunangwa wana indo cionthe irîa marûthîte ithire viû.

Danieli 9:16

We Mwathani, nîûndû wa ûthingu waku tiga kûverithia Jerusalemu, îtûûra rîaku rîrîa rîrî kîrîmarî kîrîa kîtheru. Andû aku, na îtûûra rîa Jerusalemu methagîrwa marî na gîconoko mbere ya mavûrûri marîa mamarigicîrîtie, nîûndû wa mevia metû na maûndû macûku marîa meekirwe nî methe metû ma tene.

Mika 3:12

Kwoguo, nîûndû wenyu, Zayuni nîîkarîmwa ta mûgûnda, Jerusalemu îgekara ta îganjo, nakîo kîrîma gîa hekarû gîtuîke mûtitû.

Gûco 28:37

Andû a mavûrûrirî marîa Ngai-Mûnene akaamûvira nîmakaanyitwa nî guoya mona maûndû marîa mekîkîte kûrî mue. Nîmakaamûnyarara na mamûthekerere.