Ezek 5:11 - ÎVUKU RÎA ÛVORO MWARO

¹¹ “Kwoguo, nie Ngai-Mûnene, wata ûrîa ndûraga mwoyo, nîûndû nîmûgwatîtie nyomba yakwa mûgiro na njîra ya gwîka maûndû macûku, nîngaamûrega muonthe ndakwîguîra mûndû wana ûrîkû ntha.

Ezek 5:11 ပူးပေါင်းရင်းမြစ်များ

2Atha 21:4

Nîwatumire metha cia kîgongoona hekarûrî ndaarî, kûrîa Ngai-Mûnene aaugîte atîrî, “Rîîtwa rîakwa rîkaagocagîrwa Jerusalemu.”

2Atha 21:7

Nîwaigire mûvuanano wa ngai ya ngai ya Ashera hekarûrî, kûrîa Ngai-Mûnene eerîte Daudi na mûvîcî Solomoni atîrî, “Hekarûrî îno gûkû Jerusalemu, nîkuo nthurîte kuuma kûrî mîvîrîga yonthe ya Isiraeli na nîkuo ngûtûûra ngoocagîrwa.

2Atha 23:12

Nîwagwîthirie na akiunanga metha cionthe cia magongoona tûcunjî irîa athamaki a Juda maatumîte îgûrû rîa nyomba ya îgûrû ya mûthamaki Ahazi, wa vamwe na metha cia magongoona irîa mûthamaki Manase aatumîte ivaarorî cioîrî cia hekarû. Nîwacokire agîta tûcunjî tûu karûnjîrî ga Kidironi.

2Maû 33:4

Nîwatumire metha cia magongoona cia ngai cia mîvuanano hekarûrî kûrîa Ngai-Mûnene aaugîte atîrî, “Jerusalemu nîkuo ngûtûûra ngoocagîrwa tene na tene.”

2Maû 33:7

Nîwocire mîvuanano îrîa aaumîtie na akîmiga hekarûrî, kûrîa Ngai eerîte Daudi na mûvîcî Solomoni atîrî, “Gûkû Jerusalemu, hekarûrî îno nîkuo nthuurîte gatagatî ka mîvîrîga yonthe ya Isiraeli nîguo ndûûre ngoocagîrwa kuo tene na tene.

2Maû 36:14

Athînjîri-Ngai na atongoria a andû a Juda nîmeekire maûndû macûku ma kûgooca ngai cia mîvuanano ta marîa meekagwa nî mavûrûri marîa mengî. Kwoguo nîmaagwatirie hekarû ya Ngai-Mûnene mûgiro, îrîa ke mwene aamûrîte kûu Jerusalemu.

Ayubu 27:22

Ageragia na njîra wa yonthe gwîtethûra kûrî ruo, nwatî rûmûvurutaga rûtarî na ntha.

Thaburi 107:39

Rîrîa maanyivanyivire na makîthirua vinya na njîra ya kûvinyîrîrua na kûthînua,

Thaburi 95:11

Kwoguo nînaarakarire na ngîîvîta ngiuga, matigaatonya kîvurûkorî gwakwa.”

Jeremia 10:24

We Ngai-Mûnene, nûnga na njîra îrîa îmbagîrîrîte, ndûkamverithie ûrî na marakara nîûndû navota kûthira.

Jeremia 16:18

Nîngatûma marîve thirî wa mevia mao maita maîrî, nîûndû nîmagwatîtie vûrûri wakwa mûgiro na ngai cia mîvuano irîa itarî mwoyo na magecûria vûrûri wakwa na maûndû marî magigi.”

Jeremia 32:34

Nîmaaigire ngai cia mîvuanano hekarûrî îrîa ngoocagîrwa na makîmîgwatia mûgiro.

Jeremia 44:4

Mavinda meengî nînatûmire arathi ndungata ciakwa kûrî mue, ngîmwîra atî, ‘Mûtigeke maûndû mama macûku ûguo nthûrîte!’

Maca 2:17

Ngai-Mûnene nîwîkîte maûndû marîa eendete gwîka, nîavingîtie marîa aaugîte nîageka, kîrîa aavangîte kuuma tene omomorete atarî na ntha. Nîatûmîte nthû ikenerere kûverithua gwaku, nîatûgîrîtie athigari njamba arîa nthû ciaku.

Maca 2:21

Andû arîa akûrû na arîa ethî onthe magwîte njîrarî, nao anake na erîtu maûragîtwe na mviû. Wamaûragire ûtarî na ntha nîûndû wa marakara maku.

Ezek 11:18

Rîrîa magaacoka vûrûrirî ûcio, nîmakaaruta indo cionthe irîa menete na mîvuanano yonthe kuuma kuo.

Ezek 11:21

Nwatî andû arîa ngoro ciao irûmagîrîra indo irîa njûku na kûvoya mîvuanano, nîngaamaverithia kûringana na maûndû mau macûku mekîte. Nie Ngai-Mûnene nînie mbugîte ûguo.”

Ezek 23:28

Mwathani Ngai arauga atîrî, “Nie nîngaakûrekereria kûrî andû arîa ûmenete, na wî kînyiria Kîamo.

Ezek 23:38

Na twa ûguo wonga, mûthenya wa ûcio nîmaagwatirie vandû vakwa varîa vatheru mûgiro na nîmaaregire gûtîîa thavatû ciakwa.

Ezek 23:39

Nîûndû mûthenya ûrîa maaûragire ciana ciao na makîiruta irî magongoona kûrî mîvuanano, nîmaatonyire vandû vakwa varîa vatheru na makîvagwatia mûgiro. Ûguo nîguo meekire nyombarî yakwa.

Ezek 24:14

Nie Ngai-Mûnene nînie mbugîte ûguo. Îvinda nîkinyu rîa kûvingia ûrîa mbugîte. Ndikeericûkwa na ndigaakwîguîra ntha. Ngaagûtuîra ciira kûringana na mîthiîre yaku na ciîko ciaku.” Ûguo nîguo Ngai-Mûnene Ngai augîte.

Ezek 29:15

gatagatî ka mavûrûri marîa mengî monthe na rûtigaacoka kwatha mavûrûri mengî.

Ezek 33:11

Meere atî wata ûrîa nie Ngai-Mûnene Ngai ndûûraga mwoyo, ndikenagua nî gîkuû Kîam mûndû mwîvia, nwatî mendaga mûndû mwaganu agarûrûke atige mîthiîre yake na atûûre mwoyo. Mue andû a Isiraeli mûrenda gûkua nîkî? Garûrûkani mûtige maûndû menyu ma waganu.

Ezek 43:8

Athamaki ao maatumire mîromo na mbaû cia mîromo ya nyomba ciao cia ûthamaki vakuvî na mîromo ya hekarû yakwa ivakanîtue nî rûthingo. Nîmaagwatirie gîko rîîtwa rîakwa rîtheru na njîra ya maûndû marî magigi marîa meekire, kwoguo nîrî na marakara nînaamathiririe.

Ezek 44:7

Nîmagwatîtie hekarû yakwa mûgiro nîûndû wa gwîtîkîria ageni na andû arîa matarî aruu matonya hekarûrî rîrîa nîrarutîrwa maguta na nthakame ya magongoona. Kwoguo andû akwa nîmekîte maûndû marî magigi na nîmaunîte kîrîkanîro gîakwa.

Ezek 5:7

Kwoguo, thikîrîriani ûrîa Ngai-Mûnene ekuga. Mûrî aremi gûkîra mavûrûri marîa mamûthiûrûrûkîrîtie. Nîmûregete kûrûmîrîra irîra ciakwa na matuîro makwa ma ciira, mûkîrûmîrîra mîtugo ya mavûrûri marîa mamûthiûrûrûkîrîtie.

Ezek 7:20

Nîmeetîîaga nîûndû wa ûthaka wa mathiga mao ma goro ma kwîgemia, na nîmaamatûmîre kûthondeka mîvuanano îrî magigi na mîmene mûno. Kwoguo nîngaatûma ûthaka ûcio wao ûtuîke kîndû kîrî mûgiro kûrî o.

Ezek 7:4

Ndikamûcaîra na ndikamwîguîra ntha, nwatî nîngamûverithia kûringana na mîtugo yenyu. Nîngamûverithia nîûndû wa maûndû marîa marî magigi mwîkîte, na nîmûkaamenya atî nie nînie Ngai-Mûnene.”

Ezek 7:9

Ndigaagûcaîra kana ngwîguîra ntha, nîngakûverithia kûringana na mîthiîre yaku mîcûku. Nîûkaamenya atî nînie Ngai-Mûnene mverithanagia.”

Ezek 8:15

Ngai nîwambûririe atîrî, “Mûndû, nîwona maûndû mau? Nîûkwona wana maûndû mengî marî mûgiro gûkîra mama.”

Ezek 8:16

Kwoguo nîwamvirire kîvarorî Kîam ndarî gîa hekarû. Vakuvî na kîvingo gîa hekarû, gatagatî ga kîthaku na metha ya kîgongoona kwarî na athuuri mîrongo îîrî na atano. Athuuri acio nîmaavuvatîrîte hekarû na makenamîrîria mothiû mao nthî merekerete na mwena wa îrathîro makîgoocaga riûa.

Ezek 8:18

Kwoguo nîngamaverithia nîrî na marakara. Ndikaamacaîra kana nîmeguîra ntha. Wana mangîkaavoya maugîrîrîtie ndikaamathikîrîria.”

Ezek 9:10

Kwoguo nie, ndikaamarekera kana nîmeguîra ntha. Ngaamaverithia kûringana na ûrîa mekîte.”

Ezek 9:5

Wa nthikîrîrîtie nîwerire acio engî atîrî, “Mûrûmîrîre kûu îtûûrarî na mûrage andû. Mûtigatigarie mûndû wanarî ûmwe kana mwîguîre mûndû wana ûrîkû ntha.

Alawi 15:31

“Ngai-Mûnene nîwerire Musa akaanie andû a Isiraeli gûkuvîvîria îgema rîa Ngai-Mûnene rîrîa rîarî gatagatîrî kao vîndî îrîa matarî atheru, nîûndû meka ûguo nîmagaakua nîûndû wa kûgwatia îgema rîa Ngai-Mûnene gîko.”

Amosi 8:7

Ngai-Mûnene, Ngai wa Isiraeli nîevîtîte akauga atîrî, “Nama ndikariganîrwa nî ciîko ciao njûku.

Zakaria 11:6

Ngai-Mûnene augîte atîrî, “Ndigûcoka kwîguîra andû a gûkû nthî ntha rîngî. Nîndiganîria wa mûndû njararî cia mûndû ûrîa wîngî na nîmatiganîrie wa mûndû njararî cia mûthamaki wake. Nao nîmakaavinyîrîria nthî, na gûtirî mûndû ngaavonokia njararî ciao.”

Malaki 3:17

Ngai-Mûnene mwene vinya wonthe augîte kwandîkîtwe atîrî, “Andû acio magatuîka andû akwa. Matuîka îgai rîakwa mûthenya ûrîa ngarûngama nîguo mbîke ûrîa nduîte gwîka. Ndikameka naaî wata ûrîa îthe wa mwana atangîka mwana ûrîa mwathîki naaî.

Aroma 11:12

Mevia marîa meekirwe nî Ayahudi nîmaaretire irathimo nyîngî gûkû nthî, na ûthîni wao wa ngoro nîwaretire irathimo nyîngî kûrî andû a Ndûrîrî. Kwoguo nthî îkaagîa na irathimo ciîgana atîa vîndî îrîa Ayahudi onthe magatonyua ûvonokiorî!

Aroma 11:21

Ethîrwa Ngai ndaacaîra mvûa irîa ciarî mûtîrî ûrîa wa mbere na nîyo Ayahudi, angîmûcaîra atîa?

Aroma 8:32

Ngai ûcio ndaavota gûcaîra mûrû wake wa mûmwe, nwatî nîwamûrutire nîûndû wetû tuonthe. Ethîrwa ke nîwatûvere Mûriû, na kinthî ndagaatûva indo cionthe mbaro?

Gûco 29:20

Ngai-Mûnene ndakoovera mûndû ta ûcio. Vandû va ûguo, nîakaarakara nî mûndû ûcio na nîakaanyitwa nî irumi cionthe irîa mandîke îvukuurî rîîrî, nginya rîrîa Ngai-Mûnene akaathiria rîîtwa rîake gûkû nthî viû.

Ahib 6:13

Rîrîa Ngai aathondekire kîîranîro gîake na Iburahimu nîwevîtire na rîîtwa rîake ke mwene, nîûndû gûtirî wîngî warî mûnene kûmûkîra.