Ezek 48:28 - ÎVUKU RÎA ÛVORO MWARO

²⁸ Mwena wa îveti wa gîcunjî Kîam mûvîrîga wa Gadi, mûvaka ûkauma Tamaru ûthiîte ithimarî cia Meriba-kadeshi, ûcoke ûthiî na mwena wa rûgûrû wa îthûîro ûthiîcanîtie na mûvaka wa vûrûri wa Misiri nginya îriarî rîa Mediterania.

Ezek 48:28 ပူးပေါင်းရင်းမြစ်များ

Kîam 14:7

Kedorilaomeri nîmaacokire makîgarûrûka magîcoka Kadeshi (îrîa yetagwa Enimishipati). Nao nîmaavootire vûrûri wonthe wa Amaleki, na wa Amori arîa maatûûraga Hazazonitamaru.

Kîam 15:18

Mûthenya ûcio Ngai-Mûnene nîwarûthire kîrîkanîro na Aburamu na akiuga atîrî, “Nie nîngaava njiarwa ciaku vûrûri ûyû wonthe, kuuma mûvakarî wa Misiri nginya rûnjîrî rwa Farati.

2Maû 20:2

Nao anjaama amwe nîmaaûkire na makîra mûthamaki Jehoshafati atîrî, “Gîkundi kînene Kîam athigari nîmaûkîte gûkûtharîkîra kuuma Edomu mwena ûrîa wîngî wa îria rîa Cumbî. Na rîu makinyîte Hazazoni-tamaru” (na rîîtwa rîngî îtagwa Engedi).

Thaburi 106:32

Nîmaarakaririe Ngai-Mûnene marî ithimarî cia Meriba, na Musa nîwanyitirwe nî thîna nîûndû wa ûrîa meekire.

Isaia 27:12

Mûthenya ûcio Ngai-Mûnene nîakaaûngania maketha make kuuma rûnjîrî rwa Farati nginya karûnjîrî ka Misiri, namue andû a Isiraeli nîmûkaaûnganua ûmwe kwa ûmwe.

Ezek 47:10

Ategi a nthamaki nîmakethagîrwa rûtere rwa îria kuuma Engedi kinya ithimarî cia Enegilaimu marî neti ciao magîtega na nîmagaacianîkaga kuo nîguo ciûme. Îriarî rîu gûkethîrwa na nthamaki mîthemba mîngî wata irîa irî îriarî rîa Mediterania.

Ezek 47:15

“Mûvaka wa rûgûrû ûkethîrwa umîte îriarî rîa Mediterania kûthiî îtûûrarî rîa Hethiloni, ûvîtûkîrîre mwanyarî wa Hamathi, ûthiî nginya îtûûrarî rîa Zedadi,

Ndari 20:1

Mweri wa mbere, andû onthe a Isiraeli nîmaakinyire werûrî wa Zini na makîamba magema mao Kadeshi. Miriamu nîwakuîrîre kûu na akîthikwa wa kuo.

Ndari 20:13

Ûndû ûyû wekîkîre Meriba, kûrîa andû a Isiraeli maateterie Ngai-Mûnene, na marî kûu nîwamoonirie ûtheru wake.

Ndari 34:5

Nîûgaacoka ume Azimoni ûthiîrîrîte karûnjîrî ka Misiri, na ûkathirîra îriarî rîa Mediterania.

Josh 13:3

wa vamwe na vûrûri wonthe wa Avimu mwena wa îveti. (Vûrûri ûrîa wambîrîrîtie rûnjîrî rwa Shihori, mûvakarî wa Misiri nginya mwena wa rûgûrû mûvakarî wa Ekironi warî wa Kanaani. Athamaki a Afilisiti maatûûraga Gaza, Ashidodi, Ashikeloni, Gathu, na Ekironi) na vûrûri wa Avimu,