Ezek 47:6 - ÎVUKU RÎA ÛVORO MWARO

⁶ Mûndû ûcio nîwambîrire atîrî, “Mûndû roria maûndû mama waro.” Nîwacokire akînjokia na rûtere rwa karûnjî nginya varîa twambîrîrîtie.

Ezek 47:6 ပူးပေါင်းရင်းမြစ်များ

Ezek 40:4

Mûndû ûcio nîwambîrire atîrî, “We mûndû, roria waro na ûtege matû wîgue na wîcirie waro ûvoro wa maûndû marîa ngûkwonia. Ûndû ûcio nîguo watûmire ûretwa gûkû. Nwanginya wîre andû a Isiraeli maûndû monthe marîa ûkwona.”

Ezek 44:5

Ngai-Mûnene akîmbîra atîrî, “Mûndû, roria waro, tega matû maku ûthikîrîrie maûndû marîa ngûkwîra megiî mawatho ma hekarû ya Ngai-Mûnene. Menya waro andû arîa magîrîrwe nî gwîtîkîrua gûtonya hekarûrî na nî arîkû matagîrîrwe nî gûtonya kuo.

Ezek 8:17

Ngai-Mûnene nîwambîrire atîrî, “Mûndû, nîwona maûndû mau? Maûndû mau marî mûgiro andû a Juda mareka marona arî ûndû mûnini, nîûndû nîmatûmîte vûrûri wonthe ûgîe mbaara na magatûma nthiî na mbere kûrakara? Taroria, nîmarandakaria makîria!

Ezek 8:6

Nake nîwambîrire atîrî, “Mûndû, nîûrona ûrîa andû a Isiraeli mareka? Mareka maûndû marî mûgiro na ma gûtûma nthiî kûraca na nyomba yakwa îrîa nyamûre. Nîûkwona maûndû manene na marî magigi gûkîra mau.”

Zakaria 4:2

Nake nîwambûririe atîrî, “Nîndûî ûrona?” Nanie nînaamûcokerie atîrî, “Nînîrona vandû va kwigîrîra taa varûthîtwe na thaavu na îgûrû rîavo vaigîtwe mbakûri. Îgûrû rîa vandû vau vaarî na taa mûgwanja na wa taa îrî na vandû va gwîkîra rûtambi.

Zakaria 5:2

Mûraika nîwambûririe atîrî, “Nîndûî ûrona?” Nanie nînaamûcokerie atîrî, “Nîrona îvuku rîa gîkûnjo rîrî rîerarî rîgûrûkîte. Ûraca warîo nî wa mita kenda na wariî warîo nî wa mita inya na nuthu.”

Mathaayo 13:51

Jesû nîwaûririe arutwa ake atîrî, “Maûndû mama nîmaramûtaûkîra?” Nao nîmaamûcokerie atîrî, “Ii nîmaratûtaûkîra.”