Ezek 47:22 - ÎVUKU RÎA ÛVORO MWARO

²² Mûkaûgaa ûtuîke wenyu na mûgaîre andû a ndûrîrî arîa mûtûûranagia nao na magîrîrîte ciana kuo. Andû acio a ndûrîrî mûkaamatua ta andû a Isiraeli na makaagaîrwa mîgûnda nîguo îtuke yao wata andû acio engî a Isiraeli.

Ezek 47:22 ပူးပေါင်းရင်းမြစ်များ

Isaia 14:1

Ngai-Mûnene nîakeguîra andû a Jakovu ntha na athuure andû a Isiraeli rîngî matuîke ake kîûmbe. Nîakaamacokia vûrûrirî wao o ene, na ageni nîmagaaûka na matûûranie nao.

Ezek 45:1

“Rîrîa mûkagaania vûrûri nîguo wa mûvîrîga wîgwatîre kûndû kwaguo, nîmûkagaa gîcunjî Kîammûrîrwe Ngai-Mûnene. Gîcunjî kîu gîkethîrwa kîrî Kîam ûraca wa kilomita îkûmi na igîrî na nuthu (12.5) na wariî wa kilomita îkûmi (10).

Ezek 47:21

“Kwoguo mûkagaana vûrûri ûyû kûringana na mîvîrîga ya andû a Isiraeli.

Ezek 47:23

Andû a ndûrîrî arîa matûûraga gatagatî kenyu makaagaîrwa mîgûnda mîvîrîgarî îrîa matûûraga. Nînie Mwathani Ngai-Mûnene nauga ûguo.”

Ezek 48:29

Ngai-Mûnene Ngai nîwaugire atîrî, “Ûcio nîguo vûrûri ûrîa ûkaagaîrwa mîvîrîga ya Isiraeli ûtuîke wao wa mûvîrîga gîcunjî Kîamguo.”

Alawi 19:34

Îkagani ageni arîa mûtûûranagia nao wata ûrîa mwîkaga Aisiraeli arîa engî na mûmendage wata ûrîa mwîyendete. Ririkanani vîndî îmwe mwarî ageni vûrûrirî wa Misiri. Nie nînie Ngai-Mûnene, Ngai wenyu.

Ciîko 11:18

Nao etîkia acio megua ûguo nîmaathiririe ngarari na makîgooca Ngai makiugaga atîrî, “Kwoguo Ngai nîavete wana andû a ndûrîrî kanya ga kwîrira nîguo matûûre mwoyo!”

Ciîko 15:9

Ngai nîwonanirie atî gûtirî ngûrani gatagatîrî getû nao. Ke nîwamovere mevia mao nîûndû nîmeetîkirie.

Aroma 10:12

Nîûndû gûtirî ngûrani gatagatîrî ka Mûyahudi na mûndû wa Ndûrîrî. Ngai nî Mwathani wa andû onthe na nîavecanaga irathimo ciake nyîngî kûrî andû onthe arîa mamûkaagîra.

Aefeso 3:6

Nayo nthitho nî atî na njîra ya ûvoro mwaro, andû a Ndûrîrî nî ciîga cia mwîrî ûmwe na nîmanyitaga kîrîa Ngai eeranîre na njîra ya Jesû Kristû.

Gûco 10:19

Kwoguo endagani ageni, nîûndû wanamue mwarî ageni vûrûrirî wa Misiri.

Akol 3:11

Nîûndû wa ûguo, rîu gûtirî na ngûrani ya andû a ndûrîrî na Ayahudi, ya mûndû mûruu na ûtarî mûruu, ya mûndû mûkingitaru na ya mûvoi mîvuanano, ya mûndû ngombo na ûtarî ngombo. Nwatî Kristû nîke maûndû monthe, kûrî andû onthe.