Ezek 47:12 - ÎVUKU RÎA ÛVORO MWARO

¹² Ndereerî cia rûnjî rûu mîena yoîrî nîgûgaakûra mîtî ya mîthemba yonthe ya matunda ma kûrîwa. Mîtî îo îkethagîrwa îrî mîruru vîndî cionthe na nîgaciaraga matunda mweri wa mweri nîûndû wa manjî marîa manyûrûrûkaga kuuma hekarûrî. Matunda mayo nî ma kûrîa na mathangû mayo nî ma kûvonia andû arîa arwaru.”

Ezek 47:12 ပူးပေါင်းရင်းမြစ်များ

Kîam 2:9

Ngai-Mûnene, Ngai nîwatûmire mîtî mîaro na ya mîthemba yonthe îkûre, na îciarage matunda maro. Naguo mûtî wa mwoyo warî gatagatî ka mûgûnda ûcio na mûtî wa gûtûma mûndû amenya ûndû mwaro na mûcûku.

Ayubu 8:16

Andû arîa aganu mekariî ta ria rîrîa rîkûraga riûarî, mekariî ta ria rîrîa rîtambaga mûgûndarî.

Thaburi 1:3

Eekariî ta mûtî ûrîa ûkûraga rûtererî rwa rûnjî, ûrîa ûciaraga maciaro îvinda rîrîa rîagîrîru, na mathangû ma guo matiûmaga. Nîathatûkagwa wîrarî wonthe ûrîa arutaga.

Thaburi 92:12

Andû arîa athingu matûûraga ta mîtî ya mîkîndû, magaakûra ta mîtarakwe ya Lebanoni.

Isaia 1:6

Kuuma kîongo nginya gîtende gîa kûgûrû gûtirî vandû vatarî na thîna, ûtivangîtue kûndû kuonthe na wî na ironda iraura nthakame. Ironda ciaku tî nthambie kana ciovwa wana kana ciîtîrîrua maguta.

Isaia 60:21

Andû aku onthe makethîrwa marî athingu, na nîmakegwatîra vûrûri tene na tene. O magaatuîka ta mûtî ûrîa mvandîte nie mwene, nîguo ngumague nî andû onthe.

Isaia 61:3

Andûmîte ngave arîa maracakaya marî Zayuni, ngovia ya maûa vandû va mûu, maguta ma gîkeno vandû va kîeva, nguo ya ûgooci vandû va îvooru. Makethîrwa mavaana ta mîtî ya mîvuru ya ûthingu, îrîa Ngai-Mûnene avandîte nîguo akumague.

Jeremia 17:8

Ke ekariî ta mûtî ûvandîtwe rûtere rwa rûnjî, mîri yaguo îtambîte manjîrî. Rîrîa kwagîa na ûrugarî mûtî ûcio ndûmakaga, nîûndû mathangû maguo methagîrwa marî maigû vîndî cionthe. Ndûmakaga rîrîa gûtarî na mbura, nîûndû nîûthiîcaga na mbere gûciara.

Jeremia 8:22

Nîkwa Gileadi gûtarî mûndû mûgo? Nîkwa kûu gûtarî ndagîtarî? Nîndûî vi kîgirîtie andû akwa mavona?

Ezek 47:7

Rîrîa nacokaga nînonire mîena yoîrî ya karûnjî kûrî na mîtî mîngî.

Kûguû 22:2

Rwanyûrûrûkîte rûthiîrîrîte gatagatî ka varavara ya îtûûra rîu rînene. Mîena yoîrî ya rûnjî rûu nîkwamerete mûtî wa matunda ma mwoyo. Mûtî ûcio nîûciaraga matunda maita îkûmi na maîrî wa mwaka, na riita rîmwe wa mweri. Namo mathangû ma mûtî ûcio nîmatumagîrwa nî andû a ndûrîrî cionthe kûvonia mîrimû.