Ezek 47:11 - ÎVUKU RÎA ÛVORO MWARO

¹¹ Nwatî manjî marî marimbarî na marî tûrikorî mwena wa îria gûtikethîrwa na manjî maro, mau makethîrwa marî ma cumbî.

Ezek 47:11 ပူးပေါင်းရင်းမြစ်များ

Thaburi 107:34

Nîatûmaga mûthetu ûrîa mûnoru ûtuîke werû wa cumbî, nîûndû wa waganu wa andû arîa matûûraga kuo.

Jeremia 17:6

Ekariî ta kamûtitû kanini werûrî, na ndakoona ûndû mwaro ûgîûka kûrî ke, agaatûûraga kûrîa gûtangîkûra kîndû werûrî, kûndû kûrî cumbî gûtatûûragwa nî andû.

Ezek 47:12

Ndereerî cia rûnjî rûu mîena yoîrî nîgûgaakûra mîtî ya mîthemba yonthe ya matunda ma kûrîwa. Mîtî îo îkethagîrwa îrî mîruru vîndî cionthe na nîgaciaraga matunda mweri wa mweri nîûndû wa manjî marîa manyûrûrûkaga kuuma hekarûrî. Matunda mayo nî ma kûrîa na mathangû mayo nî ma kûvonia andû arîa arwaru.”

Gûco 29:23

Vûrûri wonthe ûkeethîrwa ûkunîkîtwe nî cumbî na ûviriti, na ûtangîvandwa wanarî kîndû gîkamera, nginya nyaki ndîkaamera. Vûrûri wenyu ûkethîrwa wîkariî ta Sodomu na Gomora, Adima na Zeboimu, matûûra marîa Ngai-Mûnene aacûkangirie rîrîa aarakarîte nîmo mûno.

Kûguû 21:8

Nwatî andû arîa iguoya, arîa matarî evokeku, arîa matarî atheru, mîtoi, arîa matharagia, arogi, arîa magoocaga mîvuanano, na arîa mavenanagia, nîmagaaikua îcuarî rîa mwaki ûrîa wakanaga na ûviriti, na nîkîo gîkuû gîa kaîrî.”

Kûguû 22:11

Kwoguo ûrîa wîkaga naaî nî athiî na mbere gwîka naaî, nake ûrîa mwaganu nî athiî na mbere kwagana. Mûndû ûrîa mwaro nî athiî na mbere gûtuîka mwaro, nake ûrîa mûtheru nî athiî na mbere gûtuîka mûtheru.”

Atir 9:45

Abimeleki nîwarûire na andû a îtûûra rîu mûthenya wonthe. Nîwarîtavire na akîûraga andû a kuo, akîrîtharia agîcoka agîtûrûra cumbî kûndû kuonthe îtûûrarî rîu.