Ezek 46:2 - ÎVUKU RÎA ÛVORO MWARO

² Mûnene ûrîa ûrathana akaumaga kîvarorî Kîam nja na agatonyera kanyombarî ga gûtonyerwa ga kîvingo kîu, na atonya akarûngama vakuvî na gîtugî gîa kîvingo. Athînjîri-Ngai nîmakaaruta îgongoona rîake rîa kûvîvua na rîa thayû na nîakagooca Ngai-Mûnene arî vau kîvingorî kîu na agacoka akauma nja rîngî. Kîvingo kîu gîtikaavingwa nginya kîvwaî.

Ezek 46:2 ပူးပေါင်းရင်းမြစ်များ

1Maû 17:16

Mûthamaki Daudi nîwacokire akîthiî îgemarî rîa Ngai-Mûnene, agîkara nthî na akiuga atîrî, “Nie nîrî û Ngai-Mûnene, Ngai. Mûciî wakwa nî ndûî nîguo ûnginyîrie maûndû mama monthe?

1Maû 9:18

Arangîri aya kuuma mûvîrîgarî wa Alawi, nginya kavinda kau meekaragia kîvingo gîa gûtonya kwa mûthamaki kîrîa Kîamrî mwena wa îrathîro.

2Maû 23:13

Rîrîa aaroririe nîwonire mûthamaki arûngamîte mwenarî wa gîtugî Kîam mûromo wa hekarû. Anene a athigari a mbaara na andû arîa maavuvaga tûrumbeta marûngamîte mîena mathiûrûrûkîrîtie mûthamaki na andû onthe a vûrûri magîkenaga makîvuvaga tûrumbeta, na aini a nyîmbo marî na indo ciao cia kwina matongoreretie andû gûkûngûîra. Athalia nîwatembûrangire nguo ciake na akiugîrîria atîrî, “Ûkunyanîri! Ûkunyanîri!”

2Maû 29:29

Rîrîa maathirire, mûthamaki na andû onthe arîa maarî nake nîmeenamîrîrie mothiû mao na makîgooca Ngai-Mûnene.

2Maû 34:31

Mûthamaki nîwarûngamire vandû vake na akîrûtha kîrîkanîro mbere ya Ngai-Mûnene, atî akaathîkagîra Ngai-Mûnene na avingagie maathani make, mawatho na matuîro ma ciira na ngoro yake yonthe na mwoyo wake wonthe, na ageekaga wata ûrîa ciugo irîa ciandîkîtwe îvukuurî rîa kîrîkanîro ciugîte.

2Maû 6:13

(Solomoni nîwatumîte vandû vatûgîru va gîcango gatagatî ga kîvaro. Ûraca wa vo warî mita igîrî na cendimita mîrongo îîrî (2.20), wariî wa mita igîrî na cendimita mîrongo îîrî (2.20) na ûraca na îgûrû wa mita îmwe na cendimita mîrongo îthatû (1.30). Nake nîwatwîre na agîturia maru vo andû onthe a Isiraeli arîa maagomanîte makîonaga. Nîwacokire agîûkîrîria njara ciake na îgûrû)

Ezek 40:19

Kwarî kîvingo Kîamrî Kîam gacîra karîa kaarî îgûrû rîa karîa kengî. Gacîra kau kaathiîte kîvarorî Kîam mwena wa ndarî. Mûndû ûcio nîwathimire wariî ûrîa warî gatagatî ka ivingo icio cioîrî, naguo warî wa mita mîrongo îtano (50).

Ezek 40:39

Kanyombarî kau kaarî kîvingorî kwarî na metha igîrî mwena ûmwe na ûcio wîngî metha igîrî. Metha icio ciarî cia kûthînjîra nyamû cia magongoona ma kûvîvua, magongoona ma mevia na cia magongoona ma kûthengutîrua mavîtia.

Ezek 44:3

Mûnene ûrîa ûrathana nwa atonye athiî akarîe irio irîa nyamûre mbere ya Ngai-Mûnene. Agaatonyera na akaumîrîra mûrangorî ûrîa ûrî kanyombarî ga gûtonya hekarûrî.”

Ezek 45:19

Mûthînjîri-Ngai nîagoca nthakame îmwe ya nyamû ya îgongoona rîa kûtheria mevia na amîvake itugîrî cia mîrango ya hekarû, na mîenarî îna ya metha ya kîgongoona na itugîrî cia mîvîrîga ya gûtonya kîvarorî Kîam ndarî.

Ezek 46:12

Mûnene angîenda kûrutîra Ngai-Mûnene îtega na njîra ya kwîyendera rîa kûvîvua kana rîa thayû, akaavingûragîrwa kîvingo Kîam mwena wa îrathîro. Arîkia kûruta îgongoona rîake wata ûrîa arutaga mûthenya wa thavatû akauma na kîvingo gîgîcoka gîkîvingwa rîngî.”

Ezek 46:8

“Mûnene agatonyagîra kanyombarî ga kîvingo na akaumîrîra wa varîa atonyerere.

Mathaayo 26:39

Jesû aagendagenda mbere vanini nîwegwîthirie nthî na akîvoya atîrî, “Vava ethîrwa nwa kûvoteke, nthengutîria gîkombe gîkî Kîam mathîna. Nwatî îka ûrîa we ûkwenda, tî ûrîa nie ngwenda.”

Akol 1:28

Kwoguo nîtwanagîrîra kûrî andû onthe ûvoro wîgiî Kristû. Nîtûmataaraga na tûkamathomithia tûgîtûmagîra ûûgî wonthe ûrîa tûrî naguo nîguo tûmarete mbere ya Ngai marî agima na marî na ngwatanîro na Kristû.