Ezek 45:23 - ÎVUKU RÎA ÛVORO MWARO

²³ Na îvinda rîa mîthenya mûgwanja îo ya kîrugo Kîam pasaka, wa mûthenya wa mûthenya mûnene nîakaarutîra Ngai-Mûnene îtega rîa kûvîvua rîa ndegwa mûgwanja na ndûrûme mûgwanja itarî na wonje na ikaavîvua irî ng'ima. Na wa mûthenya wa mûthenya nîakaaruta îgongoona rîa nthenge nîûndû wa mevia.

Ezek 45:23 ပူးပေါင်းရင်းမြစ်များ

Ayubu 42:8

Kwoguo rîu oca ndegwa mûgwanja na ndûrûme mûgwanja, ûcoke ûthiî nacio kûrî ndungata yakwa na ûrute îtega rîa kûvîvua. Ayubu nîagaakûvoera, na nie nîngegua mavoya make na ndege gûkûverithia kûringana na mavîtia maku. We nîwaregire kwaria ûvoro wa ma ûmbîgiî ta ûrîa Ayubu ethîrîtwe agîka.

Alawi 23:8

Mûkaandutagîra matega ma kûvîvua îvinda rîa mîthenya mûgwanja. Mûthenya wa mûgwanja nîguo mûkaagomanaga vamwe nîûndû wa kûgooca, nwatî mûtikarutage wîra mûthenya ûcio.”

Ndari 29:5

Mûcoke mûrute nthenge îmwe îrî îtega rîa kûtheria mevia menyu.