Ezek 43:22 - ÎVUKU RÎA ÛVORO MWARO

²² Mûthenya wa kaîrî ûgooca nthenge îtarî na wonje na ûkaamîruta îrî îgongoona rîa kûtheria mevia, na ûkaatheria metha ya kîgongoona na nthakame yayo wata ûrîa watheririe na nthakame ya ndegwa.

Ezek 43:22 ပူးပေါင်းရင်းမြစ်များ

Isaia 53:10

Ngai-Mûnene nîke wonire arî waro amûtivie, na atûme egue kîeva. Nîwarutire mwoyo ûtuîke îgongoona rîa kûtheria mevia, nîakoona rûciaro rwake, nîagaatûûra ûtûûro mûraca, na nîke ûkaavingia wendi wa Ngai-Mûnene.

Isaia 53:6

“Tue tuonthe nî tûrîte ta ng'ondu, wa mûndû akathiî njîra yake ke mwene. Nwatî Ngai-Mûnene nîwamwigîrîre mevia, marîa twagîrîrwe nî gûkuua tuonthe.

Ezek 43:20

Nîûgoca nthakame îmwe na ûmîvake mîtîrî îo yumîrîte ta mvîa mîthiiarî îrîa îna ya metha ya kîgongoona, na mîenarî ya gîcunjî Kîam gatagatî Kîam metha ya kîgongoona na kamûgûkûrî karîa kamîthiûrûrûkîrîtie. Ûguo nîguo ûkaatheria metha ya kîgongoona na ûmîamûre.

Ezek 45:18

“Mûthenya wa mbere wa mweri wa mbere nîûkaaruta ndegwa îtarî wonje ya îgongoona nîguo mûtherie hekarû. Ûguo nîguo nie Ngai-Mûnene nauga.

Alawi 1:10

“Ethîrwa mûndû nîaruta ng'ondu kana mbûri kuuma ndîthiarî yake îrî îtega rîa kûvîvua, nwanginya îkethîrwa îrî ndûrûme kana nthenge îtarî na wonje.

Alawi 16:18

nwanginya akaauma na athiî metharî ya kîgongoona ya matega ma kûvîvua na amîtherie. Nwanginya agooca nthakame îmwe ya mbûri na amîvake mîenarî yonthe ya metha ya kîgongoona îrîa yumîrîte ta mvîa.

Alawi 4:23

na acoke amenyithue wîvia ûcio, nîakaaruta nthenge îtarî na wonje rîrî îtega rîake.

Alawi 4:26

Nî agaacoka avîvîrie mathunya mayo monthe îgûrû rîa metha ya kîgongoona wata ûrîa avîvagia mathunya ma nyamû irîa ciûragagwa nîûndû wa matega ma ngwatanîro. Ûguo nîguo mûthînjîri-Ngai akaaruta îgongoona nîûndû wa kûtheria wîvia wa mûtongoria na mûtongoria ûcio nî akooverwa.

1Pet 1:19

Mwakûûrirwe na nthakame ya goro mûno ya Kristû, ûrîa wekariî ta ng'ondu îtaarî na wonje kana îroro.