Ezek 43:12 - ÎVUKU RÎA ÛVORO MWARO

¹² Ûyû nîguo watho wa hekarû: kûndû kûrîa kuonthe kûmîthiûrûrûkîrîtie kûu kîrîmarî îgûrû nwanginya kwîthîrwe kûrî kwamûre na kûtheru.”

Ezek 43:12 ပူးပေါင်းရင်းမြစ်များ

Thaburi 93:5

We Ngai-Mûnene, mawatho maku matûûraga tene na tene, Hekarû yaku îtûûraga îrî ntheru tene na tene.

Ezek 20:40

Nîûndû kîrîmarî gîakwa kîtheru, kûu kîrîmarî gîa Isiraeli îgûrû, nîkuo andû a Isiraeli makaangoocagîra. Nîngaamamûkîra, na nîngenda mandutîre indo ciao na mandutîre magongoona ma maketha mao ma mbere. Wana nîngetîkîra indo ciao cionthe irîa ntheru.” Ûguo nîguo Ngai-Mûnene augîte.

Ezek 40:2

Na njîra ya kîoneki Ngai-Mûnene nîwambocire akîmbira vûrûrirî wa Isiraeli na akîmbiga vandû îgûrû kîrîmarî kîraca. Mwena wa îveti wa kîrîma kwarî na mîako yonekaga ta îtûûra rînene.

Ezek 42:20

Kwoguo rûthingo rûu rwagaanîtie vandû varîa vatheru na varîa vatarî vatheru. Mîena yonthe yarî na ithimo cieganene: mita magana maîrî na mîrongo îtano (250).

Joeli 3:17

Vîndî îo nîrîo we Isiraeli ûkaamenya atî, nînie Ngai-Mûnene Ngai waku, ndûûraga Zayuni, kîrîmarî gîakwa kîtheru. Jerusalemu îkethîrwa îrî ntheru, na ageni matikaarîvoota rîngî.

Mika 4:1

Îvinda nîrîgakinya rîrîa kîrîma kîrîa gîtumîtwe hekarûrî ya Ngai-Mûnene gîkethîrwa kîrî gîtûgîru gûkîra irîma cionthe, nîgîgaatûgîrua gûkîra tûrîma tuonthe, na ndûrîrî nyîngî nîikaathiîcaga kuo.

Kûguû 21:27

Nwatî gûtirî kîndû kîrî mûgiro gîgaatonya îtûûrarî rîu înene. Mûndû wa wonthe wîkaga maûndû macûku na marî nthoni, kana andû arîa maveenanagia matigaatonya kuo. Arîa magaatonya nî arîa marîîtwa mao mandîkîtwe îvukuurî rîa Gatûrûme rîa mwoyo.