Ezek 43:10 - ÎVUKU RÎA ÛVORO MWARO

¹⁰ “Mûndû, îra andû a Isiraeli ûvoro wîgiî hekarû na mathome mûcoro wa yo. Tûma maconoke nîûndû wa ciîko ciao njûku.

Ezek 43:10 ပူးပေါင်းရင်းမြစ်များ

1Maû 28:11

Daudi nîwacokire akînengera mûvîcî Solomoni mûvano wa mwako wonthe wa hekarû, tûnyomba twayo, nyomba cia kwigwa indo, tûnyomba twa îgûrû, tûnyomba twa ndaarî na vandû varîa vatheru Mûno varîa andû mathiîcaga nîguo makarekerwe mevia mao.

1Maû 28:19

Mûthamaki Daudi nîwaugire atîrî, “Maûndû mama monthe nînîmandîkîte nûmîrîrîte ûtaari kuuma kûrî Ngai-Mûnene ke mwene na nîwamvotithirie gûtaûkîrwa nî mûvano ûcio wonthe.”

Ntha 25:40

Menyerera ûrûthe indo icio cionthe kûringana na ûrîa naakwonirie ciîkariî rîrîa warî kîrîmarî.”

Ezek 16:61

Nîûgaacoka ûririkane njîra ciaku na nîûgaaconoka rîrîa ngooca aa mwarwanyûkwe ûrîa mûkûrû na ûrîa mûnini na ngûnengere o marî ta erîtu aku, nwatî ndigeeka ûguo nîûndû wa kîrîkanîro gîetû nawe.

Ezek 16:63

Nîngaakûrekera mavîtia monthe marîa waneka. Nawe waririkana maûndû monthe marîa waneka nîûkaamaka, na ndûkaaria rîngî nî gîconoko.” Nie Ngai-Mûnene nînie mbugîte ûguo.

Ezek 28:12

“Mûndû, ina rwîmbo rwa macakaya nîûndû wa mûthamaki wa Turo. Mwîre nie Ngai-Mûnene Ngai nîrauga atî: we mûthamaki wa Turo wonagwa ûrî kîonereria Kîam maûndû marîa makinyanîru. Warî na ûgî mwîngî na warî mûthaka viû.

Ezek 40:4

Mûndû ûcio nîwambîrire atîrî, “We mûndû, roria waro na ûtege matû wîgue na wîcirie waro ûvoro wa maûndû marîa ngûkwonia. Ûndû ûcio nîguo watûmire ûretwa gûkû. Nwanginya wîre andû a Isiraeli maûndû monthe marîa ûkwona.”

Ezek 43:11

Mangîgua maconokete nîûndû wa maûndû marîa mekire, matarîrie mûcoro wa hekarû: ûrîa îtumîtwe, mîromo yayo ya gûtonya na ya kuuma na nja, ûrîa îvuana, ûrîa indo cionthe ivangîtwe na irîra na mawatho mayo monthe. Ûcoke ûmandîkîre maûndû mau monthe nîguo monage ûrîa indo cionthe ivangîtwe na mavotage kûrûmîrîra mawatho mau.

Ezek 44:5

Ngai-Mûnene akîmbîra atîrî, “Mûndû, roria waro, tega matû maku ûthikîrîrie maûndû marîa ngûkwîra megiî mawatho ma hekarû ya Ngai-Mûnene. Menya waro andû arîa magîrîrwe nî gwîtîkîrua gûtonya hekarûrî na nî arîkû matagîrîrwe nî gûtonya kuo.

Aroma 6:21

Nî umithio ûrîkû mwagîre naguo kuuma maûndûrî marîa rîu mûconokaga nîmo? Maûndû mau macokaga kûrete gîkuû.

Josh 22:28

Tweciragia atî ethîrwa ûndû ûcio nîûgekîka, njiarwa cietû nîikaauga atî, ‘Taroria! Methe metû maatumire metha ya kîgongoona îkariî ta metha ya Ngai-Mûnene ya kîgongoona. Ndîarî ya kûrutîra matega ma kûvîvua kana ya kûrutîra magongoona, nwatî maamîtumire ûrî ûndû wa kwonania atî wanatue tûrî a Ngai-Mûnene’.