Ezek 42:20 - ÎVUKU RÎA ÛVORO MWARO

²⁰ Kwoguo rûthingo rûu rwagaanîtie vandû varîa vatheru na varîa vatarî vatheru. Mîena yonthe yarî na ithimo cieganene: mita magana maîrî na mîrongo îtano (250).

Ezek 42:20 ပူးပေါင်းရင်းမြစ်များ

Rwîmbo rwa Nyîmbo 2:9

Mwendwa wakwa ekariî ta nthwariga, kana nthiia ya njamba îtarî ngûrû. Arûngamîte vakuvî na rûthingo, aroreretie ndiricarî, aroreretie mwanyarî.

Isaia 25:1

We Ngai-Mûnene, nîwe Ngai wakwa; nîngaakwambararia na ngumie rîîtwa rîaku, nîûndû we nîwîkîte maûndû ma magegania; mîvango îrîa wavangire kuuma tene, ûmîvingîtie na wîvokeku na ûûma.

Isaia 26:1

Mûthenya ûcio, andû nîmakaaina rwîmbo rûrû marî vûrûrirî wa Juda: Tue tûrî na îtûûra rîrî na vinya! Ngai nîke ûtûgitagîra ta ûrîa nthingo igitagîra andû.

Isaia 60:18

Gûtigaacoka kwîguîka thîna rîngî vûrûrirî waku, yûra kana kwanangîka gûtikegwîka rîngî mîvakarî yaku. Nîngaakûgitagîra na ngûmenyagîrîre ta rûthingo, nawe nîûkaangoocaga nîûndû nîngûvonoketie.

Ezek 22:26

Athînjîri-Ngai ao nîmaunîte watho wakwa, na nîmagwatîtie indo ciakwa irîa ntheru mûgiro. Matiîkagîra ngûrani gatagatî ka indo irîa ntheru na irîa itarî ntheru, wana kana mathomithanie ûvoro wîgiî maûndû marîa marî gîko na marîa matarî gîko. Matiathîkagîra thavatû ciakwa, na nîmatûmîte ndega kûvewa gîtîîo gatagatîrî kao.

Ezek 40:5

Nînoonire hekarû îthiûrûrûkîrîtue na rûthingo. Mûndû ûrîa noonete, nîwocire kîthimi gîa kamûtî ka ûraca wa mita ithatû na akîthima rûthingo nako. Rûthingo rûu rwarî rwa mita ithatû (3) kûthiî na îgûrû na ûtungu wa rûthingo warî mita ithatû (3).

Ezek 42:19

Nîwacokire akîthima mwena wa îthûîro mita magana maîrî ma mîrongo îtano (250).

Ezek 43:12

Ûyû nîguo watho wa hekarû: kûndû kûrîa kuonthe kûmîthiûrûrûkîrîtie kûu kîrîmarî îgûrû nwanginya kwîthîrwe kûrî kwamûre na kûtheru.”

Ezek 44:23

“Athînjîri-Ngai makathomithagia andû ngûrani ya indo irîa ntheru na irîa itarî ntheru, na gûkûrana indo irîa irî mûgiro na irîa itarî mûgiro.

Ezek 45:2

Ndarî yakîo nîgûkethîrwa na gîcunjî Kîam ûraca wa mita magana maîrî na mîrongo îtano (250) na wariî wa mita magana maîrî na mîrongo îtano (250) gîa hekarû. Gîcunjî kîu gîkaathiûrûrûkîrua nî kîvaro kîngî Kîam wariî mita mîrongo îîrî na ithano (25).

Ezek 48:15

Gîcunjî kîrîa gîgaatigara kuuma kûrî gîcunjî kîu Kîam mwanya gîkethîrwa kîrî Kîam ûraca wa kilomita îkûmi na igîrî na nuthu (12.5) na wariî wa kilomita igîrî na nuthu (2.5). Gîkaavûthagîrwa nî andû na maûndû mwanya mwanya wana gûtûûra, na nîgîgaatumwa îtûûra rînene gatagatî ga kîo,

Ezek 48:20

Kwoguo gîcunjî kîrîa gîkaamûrwa kuuma kûrî kîrîa Kîammûrîrîtwe Ngai-Mûnene gîkethîrwa kîrî gîa kilomita îkûmi na igîrî na nuthu (12.5) na wariî wa kilomita îkûmi na igîrî na nuthu (12.5). Îtûûra rîgaatumwa gîcunjîrî kîu.

Alawi 10:10

Nwanginya mwîkîre ngûrani gatagatî ga kîndû kîrîa Kîammûrîre Ngai na kîrîa gîtarî Kîammûrîre Ngai, kîndû kîrîa kîrî mûgiro na kîrîa gîtarî mûgiro.

Mika 7:11

Andû a Jerusalemu kavinda nîgagûkinya ga gûtuma nthingo cia îtûûra rîenyu rîngî. Vîndî îo mîvaka ya vûrûri wenyu nîkaanenevua.

Zakaria 2:5

Ngai-Mûnene nîke ûkethagîrwa arî rûthingo rwa mwaki rwarîo na ûtûûrage kuo arî na riiri.’ ”

Luka 16:26

Wana twa ûguo wonga, gatagatîrî getû nawe nîvenje mûtaro mûnene mûno, nîguo ûrigîrîrie andû arîa mangîenda gûkîrania maume na gûkû maûkîte kûrî mue na kûrigîrîria arîa mangîenda gûkîrania maume na kûrîa mûrî maûkîte na kûrî tue.’

2Akor 6:17

Kwoguo Mwathani augîte atîrî, “Umani kûrî o na mûtigane nao, mûtikanyite kîndû gîtarî kîtheru, na nie nîngaamwîtîkîra.