Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Ezek 42:13 - ÎVUKU RÎA ÛVORO MWARO

13 Mûndû ûcio nîwambîrire atîrî, “Nyomba ino irî mwena wa rûgûrû na ino irî mwena wa îveti cionthe nî ntheru. Athînjîri-Ngai arîa matungataga Ngai-Mûnene nîkuo makarîcagîra matega marîa matheru, na kwigagwe matega marîa matheru mûno. Matega mau nî ma irio cia mîgûnda, matega ma kûtheria mevia na matega ma kûrîvîra mevia nîûndû nî vatheru.

အခန်းကိုကြည့်ပါ။ ကော်ပီ




Ezek 42:13
27 ပူးပေါင်းရင်းမြစ်များ  

Eliashibu nîwetîkîrîtie Tobia atûmîre nyomba îmwe nene îrîa mbererî yaigagwa matega ma irio cia mûgûnda, ûbani, indo irîa ciavûthagîrwa hekarûrî, gîcunjî gîa îkûmi Kîam matega ma irio, ndivei, na maguta, indo irîa ciavecagwa Alawi, aini a nyîmbo, na arangîri a ivingo, na athînjîri-Ngai kûringana na Watho.


“Nîûgoca nyama cia ndûrûme ya kwamûrana, na ûitherûkîrie vandû varîa vatheru.


Kîvarorî Kîam mwena wa nja kwarî na kanyomba gaatumîtwe kanyitanîte na gacîra ka gûtonya ka mwena wa ndarî. Mûromo wako waumîrîrîte kanyombarî ka gûtonya kîvarorî. Kanyombarî kau nîkuo kwathambagîrua nyamû irîa ciûragîtwe nîûndû wa magongoona ma kûvîvua.


Nako kanyomba karîa karoretie mwena wa rûgûrû nî ka athînjîri-Ngai arîa matungataga metharî ya kîgongoona. Athînjîri-Ngai acio nî njiarwa cia Zadoku na nîo onga kuuma mûvîrîgarî wa Lawi maarî etîkîrie gûtungata Ngai-Mûnene.”


Mwena wa îthûîro wa hekarû mûthiiarî wa kîvaro vaarî na nyomba ya ûraca wa mita mîrongo îna na ithano (45) na wariî wa mita mîrongo îthatû na ithano (35). Ûtungu wa nthingo cia nyomba îo warî mita igîrî na nuthu (2.5).


Mûndû ûrîa nîwacokire akîmbira kîvarorî Kîam mwena wa nja nginya nyombarî yarî mwena wa rûgûrû wa hekarû. Nyomba îo yarî vakuvî na nyomba îrîa yarî mwena wa îthûîro wa hekarû.


varîa rûthingo rwa mwena wa nja rwambîrîrîtie. Mwena wa îveti wa hekarû kwarî na nyomba îngî yaroretie na mwena wa kîvaro.


“Mwaregire kûrîa îtega rîa kûtheria mevia mûrî vandû varîa vamûre nîkî? Îtega rîu nî rîtheru mûno na Ngai-Mûnene amûvete rîo rîrî rîa kûtheria wîvia wa andû.


Musa nîwacokire akîra Aroni atîrî, “Ûguo nîguo Ngai-Mûnene aaugire atî, ‘Andû onthe arîa mandungataga marî athînjîri-Ngai nwanginya mandîîage nîûndû wa ûtheru wakwa, na nîngoonania riiri wakwa kûrî andû onthe a Isiraeli.’ ” Nwatî Aroni ndaagamba.


Nîakaaûragîra gatûrûme vandû varîa vatheru, varîa nyamû cia matega ma kûtheria mevia na cia matega ma kûvîvua ciûragagîrwa. Nwanginya ageeka ûguo nîûndû îtega rîa wîvia na îtega rîa kûtheria mevia nî ma mûthînjîri-Ngai na nî matheru mûno.


Matega mau mengî magaatigara nî ma athînjîri-Ngai; nî matheru mûno nîûndû nî mamwe ma matega ma kûvîvua marîa marutîrîtwe Ngai-Mûnene.


Matega ma irio marîa magaatigara nî ma athînjîri-Ngai; nî matheru mûno nîûndû nî mamwe ma irio irîa irutîrîtwe Ngai-Mûnene.


Mûndû ta ûcio nwa arîe irio irîa ndutîrîtwe, îtega rîa irio irîa ntheru kana rîa irio irîa ntheru mûno.


Mîgate îo nî ya Aroni na njiarwa ciake, na makaamîrîcagîra vandû varîa vatheru vîndî cionthe, nîûndû kau nî gacunjî katheru mûno ka îtega rîa kûvîvua rîa athînjîri-Ngai rîrîa rîtegeretwe Ngai-Mûnene.”


Mûndûmûrûme wa wonthe wa mbarî ya athînjîri-Ngai nwa arîe nyama icio. Nî ntheru mûno.


Mawatho mama marûmîrîrîte nîmo megiî îtega rîa kûthiria wîvia. Îtega rîu nî rîtheru mûno.


Mûndûmûrûme wa wonthe wa nyomba ya mûthînjîri-Ngai nwa arîe nyama icio ciîngî cia nyamû îo, nwatî nwanginya îkaarîrwa vandûrî varîa vatheru, nîûndû icio nî ntheru mûno.


Ngai-Mûnene nîwathîte Eliazaru na njîra ya Musa atî gûtirî mûndû wanarî ûmwe ûtarî wa rûciaro rwa Aroni ûkaathiî kûvîvîria ûbani metharî ya kîgongoona. Kwoguo gîkunîko kîu Kîamririkanagia andû a Isiraeli atî mûthînjîri-Ngai ûtarî wa rûciaro rwa Aroni angîka ûguo agaakua ta Kora na arûmîrîri ake.


Nîwacokire akîra Kora na arûmîrîri ake onthe atîrî, “Rûyû kîraûko Ngai-Mûnene nîagaatwonia mûndû ûrîa athuurîte atuîke wake. Mûndû ûcio nîke ûkaavotithagua nî Ngai-Mûnene kûthiî metharî yake.


Nwatî we na avîcî aku muenga mûkaarutaga na kinyi mawîra monthe marîa mûthînjîri-Ngai agîrîrwe nî kûruta metharî ya kîgongoona na varîa vatheru Mûno. Mau nîmo mawîra marîa mûkaarutaga, nîûndû nînîmûvete kîveo Kîam gûtuîka athînjîri-Ngai. Mûndû wîngî wa wonthe ûrîa ûgaakuvîvîria varîa vatheru Mûno nî akaaûragagwa.”


Athînjîri-Ngai Alawi nîmakaathiî vau wanao, nîûndû Ngai-Mûnene Ngai wenyu amathuurîte nîguo mamûtungatagîre na marathimage andû na rîîtwa rîake. Nîmagaatuithanagia maciira monthe megiî ngarari na mbaara.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ