Ezek 40:5 - ÎVUKU RÎA ÛVORO MWARO

⁵ Nînoonire hekarû îthiûrûrûkîrîtue na rûthingo. Mûndû ûrîa noonete, nîwocire kîthimi gîa kamûtî ka ûraca wa mita ithatû na akîthima rûthingo nako. Rûthingo rûu rwarî rwa mita ithatû (3) kûthiî na îgûrû na ûtungu wa rûthingo warî mita ithatû (3).

Ezek 40:5 ပူးပေါင်းရင်းမြစ်များ

Thaburi 125:2

Wata ûrîa irîma ithiûrûrûkîrîtie Jerusalemu, nwa ta guo Ngai-Mûnene athiûrûrûkîrîtie andû ake, kuuma rîu nginya tene na tene.

Isaia 26:1

Mûthenya ûcio, andû nîmakaaina rwîmbo rûrû marî vûrûrirî wa Juda: Tue tûrî na îtûûra rîrî na vinya! Ngai nîke ûtûgitagîra ta ûrîa nthingo igitagîra andû.

Isaia 60:18

Gûtigaacoka kwîguîka thîna rîngî vûrûrirî waku, yûra kana kwanangîka gûtikegwîka rîngî mîvakarî yaku. Nîngaakûgitagîra na ngûmenyagîrîre ta rûthingo, nawe nîûkaangoocaga nîûndû nîngûvonoketie.

Ezek 41:8

Nînacokire ngîona atî hekarû yarî na varanda yamîthiûrûrûkîrîtie na nîyo yarî mûcingi wa nyomba ithatû cia ngorova irîa ciarî vakuvî na hekarû. Mûcingi wa nyomba icio warî wa mita ithatû.

Ezek 42:15

Mûndû ûcio arîkia kûthima mwena wa ndarî wa hekarû, nîwandutire nja ambîtûkîrîrîtie mûromorî wa mwena wa îrathîro na akîthima mwena wa nja wa hekarû.

Ezek 42:20

Kwoguo rûthingo rûu rwagaanîtie vandû varîa vatheru na varîa vatarî vatheru. Mîena yonthe yarî na ithimo cieganene: mita magana maîrî na mîrongo îtano (250).

Ezek 43:13

Metha ya kîgongoona yathimirwe na ithimi wata irîa ciathimire hekarû. Gîtina Kîam yo Kîamrî na ûrikîru wa cendimita mîrongo îtano (50) na wariî wa cendimita mîrongo îtano (50). Mûtaro ûcio warî na kamûgûkû ga cendimita mîrongo îîrî na ithano (25).

Zakaria 2:5

Ngai-Mûnene nîke ûkethagîrwa arî rûthingo rwa mwaki rwarîo na ûtûûrage kuo arî na riiri.’ ”

Gûco 3:11

“Ogu, mûthamaki wa Bashani nîke wenga watigarîte gatagatîrî ka njiarwa cionthe cia Refaimu. Gîtanda gîake gîatumîtwe na cuuma. Kîarî na ûraca wa mita inya (4) na wariî wa mita igîrî (2), kûringana na kîthimi kîrîa Kîamgîrîrîte. Gîtanda kîu nwa kîonagwa Raba, îtûûra înene rîa Aamori.

Kûguû 21:12

Îtûûra rîa Jerusalemu rîarî na rûthingo rûnene, na rûraca kûthiî na îgûrû, na rîarî na mîîrîga îkûmi na îîrî. Na wa mwîrîga nîwekaragua nî mûraika ûmwe. Mîîrîgarî îo yonthe nîkwandîkîtwe marîîtwa ma mbarî îkûmi na igîrî irîa ciarî cia Isiraeli.