Ezek 40:46 - ÎVUKU RÎA ÛVORO MWARO

⁴⁶ Nako kanyomba karîa karoretie mwena wa rûgûrû nî ka athînjîri-Ngai arîa matungataga metharî ya kîgongoona. Athînjîri-Ngai acio nî njiarwa cia Zadoku na nîo onga kuuma mûvîrîgarî wa Lawi maarî etîkîrie gûtungata Ngai-Mûnene.”

Ezek 40:46 ပူးပေါင်းရင်းမြစ်များ

1Atha 2:35

Mûthamaki nîwatuire Benaia, mûvîcî wa Jehoiada mûnene wa athigari a mbaara vandûrî va Joabu, agîcoka agîtua Zadoku mûthînjîri-Ngai vandûrî va Abiatharu.

Ezek 40:17

Mûndû ûcio nîwandonyirie na akînginyia nja ya kîvaro. Rûthingorî rûrîa rwathiûrûrûkîrîtie hekarû kwarî na tûnyomba mîrongo îthatû (30). Mwenarî wa mbere wa tûnyomba tûu kwarî na gacîra kaathondeketwe na mathiga.

Ezek 40:38

Kîvarorî Kîam mwena wa nja kwarî na kanyomba gaatumîtwe kanyitanîte na gacîra ka gûtonya ka mwena wa ndarî. Mûromo wako waumîrîrîte kanyombarî ka gûtonya kîvarorî. Kanyombarî kau nîkuo kwathambagîrua nyamû irîa ciûragîtwe nîûndû wa magongoona ma kûvîvua.

Ezek 42:13

Mûndû ûcio nîwambîrire atîrî, “Nyomba ino irî mwena wa rûgûrû na ino irî mwena wa îveti cionthe nî ntheru. Athînjîri-Ngai arîa matungataga Ngai-Mûnene nîkuo makarîcagîra matega marîa matheru, na kwigagwe matega marîa matheru mûno. Matega mau nî ma irio cia mîgûnda, matega ma kûtheria mevia na matega ma kûrîvîra mevia nîûndû nî vatheru.

Ezek 43:19

Athînjîri-Ngai a mûvîrîga wa Lawi a njiarwa cia Zadoku na matungataga mbere yakwa, nie Ngai-Mûnene nauga makaavewa karegwa magakaruta karî îgongoona rîa kûthiria mevia.

Ezek 44:15

Ngai-Mûnene nîwaugire atîrî, “Athînjîri-Ngai a mûvîrîga wa Lawi, a njiarwa cia Zadoku nîo maamenyagîrîra hekarû yakwa rîrîa andû acio engî a Isiraeli maandiganîrîtie. Acio nîo makaandungatagîra na maûkage mbere yakwa kûndutîra maguta na nthakame.

Ezek 45:4

Kûndû kûu gûkethîrwa kûrî kûtheru vûrûrirî, na kûrî kwa athînjîri-Ngai arîa matungataga hekarûrî na mathiîcaga vakuvî na Ngai-Mûnene. Gîgaatuîka gîa gûtumwa nyomba cia athînjîri-Ngai na hekarû.

Ezek 48:11

Gîcunjî kîu gîgaatuîka Kîam athînjîri-Ngai arîa amûre a njiarwa cia Zadoku arîa maandungatîre marî na wîvokeku. Acio matiandiganîria rîrîa Aisiraeli na Alawi acio engî maandiganîrie.

Alawi 10:3

Musa nîwacokire akîra Aroni atîrî, “Ûguo nîguo Ngai-Mûnene aaugire atî, ‘Andû onthe arîa mandungataga marî athînjîri-Ngai nwanginya mandîîage nîûndû wa ûtheru wakwa, na nîngoonania riiri wakwa kûrî andû onthe a Isiraeli.’ ” Nwatî Aroni ndaagamba.

Alawi 6:2

“Mûndû wa wonthe angîvîtîria Ngai-Mûnene na njîra ya kûveenia mûndû ûrîa wîngî na arege kûmûcokeria kîndû kîrîa amwigîrîte, kana kîndû kîrîa amûnengerete nîguo kîrûngamîrîre ûndû, kana aîe kîndû na vinya, kana avinyîrîrie mûndû ûrîa wîngî,

Alawi 6:6

Nîakaavirîra mûthînjîri-Ngai ndûrûme îtarî na wonje îrî îtega rîa kûthiria mavîtia make kûrî Ngai-Mûnene. Naguo mwîgana wa thogora wayo wîthîrwe ûrî wa kîthimi kîrîa gîtîkîrîku.

Ndari 16:40

Ngai-Mûnene nîwathîte Eliazaru na njîra ya Musa atî gûtirî mûndû wanarî ûmwe ûtarî wa rûciaro rwa Aroni ûkaathiî kûvîvîria ûbani metharî ya kîgongoona. Kwoguo gîkunîko kîu Kîamririkanagia andû a Isiraeli atî mûthînjîri-Ngai ûtarî wa rûciaro rwa Aroni angîka ûguo agaakua ta Kora na arûmîrîri ake.

Ndari 16:5

Nîwacokire akîra Kora na arûmîrîri ake onthe atîrî, “Rûyû kîraûko Ngai-Mûnene nîagaatwonia mûndû ûrîa athuurîte atuîke wake. Mûndû ûcio nîke ûkaavotithagua nî Ngai-Mûnene kûthiî metharî yake.

Ndari 18:5

We vamwe na avîcî aku nwanginya mûmenyagîrîre Vandû varîa Vatheru wa vamwe na metha ya kîgongoona nîguo ndikarakare rîngî nîûndû wa andû a Isiraeli.

Aefeso 2:13

Nwatî rîu, nîûndû mûrî kîndû kîmwe na Jesû Kristû, mue arîa mwarî varaca na Ngai, nîmûretaretetwe vakuvî nake na njîra ya nthakame ya Kristû.