Ezek 40:4 - ÎVUKU RÎA ÛVORO MWARO

⁴ Mûndû ûcio nîwambîrire atîrî, “We mûndû, roria waro na ûtege matû wîgue na wîcirie waro ûvoro wa maûndû marîa ngûkwonia. Ûndû ûcio nîguo watûmire ûretwa gûkû. Nwanginya wîre andû a Isiraeli maûndû monthe marîa ûkwona.”

Ezek 40:4 ပူးပေါင်းရင်းမြစ်များ

Isaia 21:10

Mue Isiraeli andû akwa, mûrî avûûre na mûkagûrûkua ta ngano. Nîramwîra maûndû marîa mbîguîte, kuuma kûrî Ngai-Mûnene mwene vinya wonthe, Ngai wa Isiraeli.

Jeremia 26:2

“Rûngama nja ya hekarû na warîrie andû a matûûra ma Juda arîa maûkaga gûkû hekarûrî kûgooca, ûmeere maûndû monthe marîa ngûkwatha ûtagûtigîrîra wanarî kiugo.

Ezek 2:1

Mûgambo ûcio waugire atîrî, “We mûndû, rûngama na magûrû maku na nîngûkwarîria.”

Ezek 2:3

na akîmbîra atîrî, “We mûndû, nîngûtûma kûrî andû a Isiraeli, andû mareganîte nanie. Nginya ûmûnthî andû acio nîmamvîtîrîtie wata ûrîa methe mao maamvîtîrie.

Ezek 3:17

“Mûndû nînagûtua mûrangîri wa andû a Isiraeli. Kwoguo thikîrîria ûrîa ngûkwîra na ûthiî ûgakaanie andû a Isiraeli vandûrî vakwa.

Ezek 43:10

“Mûndû, îra andû a Isiraeli ûvoro wîgiî hekarû na mathome mûcoro wa yo. Tûma maconoke nîûndû wa ciîko ciao njûku.

Ezek 44:5

Ngai-Mûnene akîmbîra atîrî, “Mûndû, roria waro, tega matû maku ûthikîrîrie maûndû marîa ngûkwîra megiî mawatho ma hekarû ya Ngai-Mûnene. Menya waro andû arîa magîrîrwe nî gwîtîkîrua gûtonya hekarûrî na nî arîkû matagîrîrwe nî gûtonya kuo.

Ezek 47:6

Mûndû ûcio nîwambîrire atîrî, “Mûndû roria maûndû mama waro.” Nîwacokire akînjokia na rûtere rwa karûnjî nginya varîa twambîrîrîtie.

Mathaayo 10:27

Ûndû ûrîa nîramwîrîra ndumarî nwa nginya mûkawaria ûtherirî; na maûndû marîa mwîragwa na kîvwe, nwa nginya mûkaamanîrîra mûrî nyombarî îgûrû.

Mathaayo 13:9

Nake Jesû akîrîkîrîria nîwamerire atîrî, “Ûrîa wîna matû ma kwîgua nîegue!”

Ciîko 20:27

nîûndû nie ndianamûthitha ûndû wana ûmwe wa marîa Ngai avangîte gwîka.

1Akor 11:23

Kîrîra kîrîa namûveere nakîamûkîre kuuma kûrî Mwathani; atî Mwathani Jesû, ûtukû ûrîa aacukanîrîrwe nîwocire mûgate,

Gûco 32:46

nîwamerire atîrî, “Menyererani mwathîkagîre ciugo irîa namwatha ûmûnthî na mûciîrage ciana cienyu nîguo ivingagie na kinyi ûrîa mawatho mama monthe maugîte irî na wîvokeku.