Ezek 40:39 - ÎVUKU RÎA ÛVORO MWARO

³⁹ Kanyombarî kau kaarî kîvingorî kwarî na metha igîrî mwena ûmwe na ûcio wîngî metha igîrî. Metha icio ciarî cia kûthînjîra nyamû cia magongoona ma kûvîvua, magongoona ma mevia na cia magongoona ma kûthengutîrua mavîtia.

Ezek 40:39 ပူးပေါင်းရင်းမြစ်များ

Isaia 53:10

Ngai-Mûnene nîke wonire arî waro amûtivie, na atûme egue kîeva. Nîwarutire mwoyo ûtuîke îgongoona rîa kûtheria mevia, nîakoona rûciaro rwake, nîagaatûûra ûtûûro mûraca, na nîke ûkaavingia wendi wa Ngai-Mûnene.

Isaia 53:5

Nwatî aativirue nîûndû wa mevia metû, aathînirue nîûndû wa waganu wetû. Aaverithirue nîguo tûgîe na mwoyo, na tûkîvonua na njîra ya ivoko irîa aarivirwe.

Ezek 40:40

Nja ya kanyomba kau kwarî na metha ciîngî inya wata irîa irî ndarî ya kanyomba. Igîrî mwena ûmwe na igîrî mwena ûcio wîngî wa kîvingo Kîam mwena wa rûgûrû.

Ezek 40:41

Kwoguo metha cionthe irîa ciavûthagîrwa nîûndû wa kûthînja nyamû cia magongoona ciarî inyanya: inya ndarî ya kanyomba na inya nja ya kanyomba.

Ezek 40:42

Kwarî na metha ciîngî inya cia kûrutîra magongoona ma kûvîvua. Metha icio ciatumîtwe na mathiga marî maumie. Metha icio ciarî na ûraca wa cendimita mîrongo îtano (50) kûthiî na îgûrû, na wariî wa cendimita mîrongo mûgwanja na ithano (75), na ûraca wa cendimita mîrongo mûgwanja na ithano (75). Metha icio ciarî cia kwigîrîra indo irîa maavûthagîra makîthînja nyamû cia magongoona ma kûvîvua na cia magongoona mau mengî.

Ezek 41:22

metha ya kîgongoona ya mbaû. Metha îo ya kîgongoona yarî ya ûraca na îgûrû wa mita îmwe na nuthu (1.5) na wariî wa mita îmwe (1). Itugî cia yo cia mwena, nthî ya yo na mîena ya yo ciarûthîtwe na mbaû. Mûndû ûcio nîwambîrire atîrî, “Îno nîyo metha îrîa îkaraga mbere ya Ngai-Mûnene.”

Ezek 42:13

Mûndû ûcio nîwambîrire atîrî, “Nyomba ino irî mwena wa rûgûrû na ino irî mwena wa îveti cionthe nî ntheru. Athînjîri-Ngai arîa matungataga Ngai-Mûnene nîkuo makarîcagîra matega marîa matheru, na kwigagwe matega marîa matheru mûno. Matega mau nî ma irio cia mîgûnda, matega ma kûtheria mevia na matega ma kûrîvîra mevia nîûndû nî vatheru.

Ezek 44:16

Magaatonyaga hekarûrî na matungatage metharî ya kîgongoona na matongoragie kûgooca hekarûrî.

Ezek 46:2

Mûnene ûrîa ûrathana akaumaga kîvarorî Kîam nja na agatonyera kanyombarî ga gûtonyerwa ga kîvingo kîu, na atonya akarûngama vakuvî na gîtugî gîa kîvingo. Athînjîri-Ngai nîmakaaruta îgongoona rîake rîa kûvîvua na rîa thayû na nîakagooca Ngai-Mûnene arî vau kîvingorî kîu na agacoka akauma nja rîngî. Kîvingo kîu gîtikaavingwa nginya kîvwaî.

Alawi 5:15

“Mûndû wa wonthe angîvia atakûmenya na njîra ya kûrega kûruta indo nyamûre irîa irutagîrwa Ngai-Mûnene, nî akaarutîra Ngai-Mûnene mwatî ûtarî na wonje kuuma ndîthiarî yake. Naguo wîthîrwe ûrî na thogora ûrîa ûgaatua wa sîlûva kûringana na kîthimi kîrîa gîtîkîrîku Kîam vandû varîa vatheru.

Alawi 5:19

Rîu nîrîo îtega rîa kûthiria wîvia ûrîa mûndû ûcio evîrîtie Ngai-Mûnene naguo.”

Alawi 6:6

Nîakaavirîra mûthînjîri-Ngai ndûrûme îtarî na wonje îrî îtega rîa kûthiria mavîtia make kûrî Ngai-Mûnene. Naguo mwîgana wa thogora wayo wîthîrwe ûrî wa kîthimi kîrîa gîtîkîrîku.

Malaki 1:12

Nwatî mue nîmûtûmaga rîîtwa rîa Ngai-Mûnene rîgîa na mûgiro rîrîa mwagwatia metha yakwa ya kîgongoona gîko, na matega marîa mûndutagîra nîmarînyararithagia.

Malaki 1:7

Mûnyararîte na njîra ya kûrutîra metharî yakwa ya kîgongoona matega ma irio irî na gîko. Nwatî mûragia atîrî, ‘Tûkîvakîte gîko atîa?’ Na njîra ya kûnyarara metha yakwa ya kîgongoona.

Luka 22:30

Nîmûkaarîra na mûnyuîre metharî yakwa Ûthamakirî wakwa, na mûcoke mwîkarîre itî cia Ûthamaki na mwathe mîvîrîga îrîa îkûmi na îrî ya Isiraeli.”

2Akor 5:21

Kristû ndaarî na mevia, nwatî nîûndû wetû Ngai nîwatûmire atuîke wa kûgaa mevia metû nîguo atî tûrî kîndû kîmwe nake tûkaavota kûgaa ûthingu wa Ngai.