Ezek 40:3 - ÎVUKU RÎA ÛVORO MWARO

³ Rîrîa aambirire vau, nînoonire mûndû wavenavenagia ta cuuma ya gîcango. Mûndû ûcio aarûngamîte kîvingorî anyitîte kîthimi gîa kamûkumbû na akanyita kîthimi gîa kamûtî.

Ezek 40:3 ပူးပေါင်းရင်းမြစ်များ

Isaia 28:17

Ngaatûmîra kîvooto kîrî kîthimi gîakwa, naguo ûthingu ûrî ta kavirû.” Mbura ya mbembe nîkaavata maveeni monthe, namo manjî macûkangie ûgitîri wenyu.

Isaia 8:20

Mûgaacokeria andû acio atîrî, “Thikîrîriani ûrîa Ngai-Mûnene aramûthomithia! Mûtikathikîrîrie ago, nîûndû matiaragia ûma.”

Ezek 1:27

Mwena wa îgûrû kuuma varîa vekariî ta kîûnû, Kîamvenavenagia ta cuuma ya gîcango îthiûrûrûkîrîtue nî mwaki. Naguo mwena wa gûcoka na nthî wa kuuma vau vekariî ta kîûnû, gwekariî ta mwaki na kûrî na ûkengu ûmûthiûrûrûkîrîtie.

Ezek 1:7

Magûrû ma cio maarî marûngarû, na ciarî na mavûngû ta ma ndegwa na maavenagia ta cuuma ya gîcango îno ntheru.

Ezek 41:1

Mûndû ûcio nîwacokire akîndonyia hekarûrî na akîmvira vandû varîa vatheru Mûno. Nîwathimire gacîra karîa kathiîcaga vandû vau, nako kaarî na ûraca wa mita ithatû (3),

Ezek 42:16

Nîwathimire mwena wa îrathîro na kîndû kîrîa aavûthagîra gîa kûthima, naguo warî wa mita magana maîrî ma mîrongo îtano (250).

Ezek 43:6

Mûndû ûrîa arûngamîte mwena wakwa nîneguire Ngai-Mûnene ambarîria arî hekarûrî

Ezek 47:3

Mûndû ûcio nîwocire kîndû gîa kûthima na akîthima mita magana matano (500) anyûrûrûkanîtie na karûnjî na mwena wa îrathîro. Nîtwathiîrîre kûu manjîrî namo manjî maatûkinyaga nthûng'wa.

Ezek 8:2

Nînacokire ngîroria na ngîona kîndû Kîamrî na mûvuanano ta wa mûndû. Kuuma kîûnûrî Kîam mûvuanano ûcio kûnyûrûrûka na nthî gwakanaga mwaki. Na kuuma kîûnûrî kûthiî na îgûrû gwakengaga ta cuuma ya gîcango îno ntherie mûno.

Kûguû 1:15

nyarîrî ciake ciakengete ta cuuma ya gîcango îrî ntherie na mwaki, naguo mûgambo wake wagambaga ta ndurumo ya manjî.

Kûguû 11:1

Nie nînacokire ngîvewa mûtî wa kûthima wekariî ta mûragi na ngîrwa atîrî, “Thiî ûthime hekarû ya Ngai na metha ya kûrutîra kîgongoona na ûtare andû arîa magoocagîra kuo.

Kûguû 21:15

Nake mûraika ûrîa wambarîrîtie aarî na kamûtî kaathondeketwe na thaavu ga kûthima. Kamûtî kau kaarî ga kûthima îtûûra, mîîrîga yarîo na rûthingo rwarîo.