Ezek 40:2 - ÎVUKU RÎA ÛVORO MWARO

² Na njîra ya kîoneki Ngai-Mûnene nîwambocire akîmbira vûrûrirî wa Isiraeli na akîmbiga vandû îgûrû kîrîmarî kîraca. Mwena wa îveti wa kîrîma kwarî na mîako yonekaga ta îtûûra rînene.

Ezek 40:2 ပူးပေါင်းရင်းမြစ်များ

1Maû 28:12

Nîwamûnengere mûvano wonthe ûrîa warî meciriarî make nîûndû wa ivaaro cia hekarû na tûnyomba tuonthe tûrîa twathiûrûrûkîrîtie hekarû, tûnyomba tûrîa twaigagwa indo cia hekarû na indo irîa ciamûrîrîtwe Ngai-Mûnene.

1Maû 28:19

Mûthamaki Daudi nîwaugire atîrî, “Maûndû mama monthe nînîmandîkîte nûmîrîrîte ûtaari kuuma kûrî Ngai-Mûnene ke mwene na nîwamvotithirie gûtaûkîrwa nî mûvano ûcio wonthe.”

Thaburi 48:2

Zayuni, kîrîma Kîam Ngai, nî kîraca na nî kîthaka; îtûûra rîa mûthamaki mûnene nîrîkenagia andû onthe a nthî.

Isaia 14:13

Weîrire na ngoro atîrî, ‘Nîngunûkia nginya îgûrû; nîngaaiga gîtî gîakwa Kîam ûthamaki îgûrû rîa njata, nîngekara îgûrû rîa kîrîma kûrîa ngai cia mîvuanano icemanagia, kûndû kûraca mwena wa rûgûrû.

Isaia 48:2

Kûnarî ûguo mwîtîîaga mûgîîtanagia na îtûûra rîtheru, na mugaga atî mwîvokaga Ngai wa Isiraeli, ûrîa rîîtwa rîake nî Ngai-Mûnene mwene vinya wonthe.

Ezek 1:1

Mûthenya wa gatano mweri wa kana mwaka wa mîrongo îthatû, nie mûthînjîri-Ngai Ezekieli mûvîcî wa Buzi, twatûûraga vamwe na Ayahudi arîa maarî îthamîriorî kûu Babuloni rûtererî rwa rûnjî rwa Kebari. Nîrî kûu nînonire îtu rîavingûka na ngîona kîoneki Kîam Ngai.

Ezek 20:40

Nîûndû kîrîmarî gîakwa kîtheru, kûu kîrîmarî gîa Isiraeli îgûrû, nîkuo andû a Isiraeli makaangoocagîra. Nîngaamamûkîra, na nîngenda mandutîre indo ciao na mandutîre magongoona ma maketha mao ma mbere. Wana nîngetîkîra indo ciao cionthe irîa ntheru.” Ûguo nîguo Ngai-Mûnene augîte.

Ezek 37:22

Nîngaamatua rûrîrî rûmwe rûrî vûrûrirî wa Isiraeli ûrîa ûrî irîma. Onthe magaatuîka a mûthamaki ûmwe na matigaacoka gûtuîka ndûrîrî igîrî, na matikagaûkana matuîka mothamaki maîrî.

Ezek 41:1

Mûndû ûcio nîwacokire akîndonyia hekarûrî na akîmvira vandû varîa vatheru Mûno. Nîwathimire gacîra karîa kathiîcaga vandû vau, nako kaarî na ûraca wa mita ithatû (3),

Ezek 43:12

Ûyû nîguo watho wa hekarû: kûndû kûrîa kuonthe kûmîthiûrûrûkîrîtie kûu kîrîmarî îgûrû nwanginya kwîthîrwe kûrî kwamûre na kûtheru.”

Ezek 8:3

Nîwakûnjûrire kîndû gîekariî ta njara akînyita njuîrî yakwa, nake Roho wa Ngai akîmbûkîrîria na îgûrû rîerarî na akîmvira Jerusalemu. Nîrî kîonekirî kîu Kîam Ngai, nonire amvira mûrangorî wa kîvingo Kîam ndaarî wa kîvaro ûrîa werekerete na mwena wa rûgûrû wa hekarû. Vau vaarî na mûvuanano watûmaga Ngai arakare.

Danieli 7:1

Mwaka wa mbere Belishazaru arî Mûthamaki wa Babuloni, Danieli arî toro nîwarotire na akîona kîoneki. Nîwacokire akîandîka kîroto kîu gîake.

Danieli 7:7

“Na wandoretie, nyamû ya kana nîyaumîrire. Nayo yarî ya kûmakania na ya magegania, nîûndû wa ûrîa yanenevete. Yarî na magego manene mûno ma cuuma. Nîyatamburûrangire nyamû icio ciîngî inuku, îgîcoka îgîikinyanga na magûrû mayo. Nyamû îo yarî ngûrani na nyamû icio ciîngî cionthe irîa noonete mbere yayo, nîûndû yarî na mvîa îkûmi.

Mika 4:1

Îvinda nîrîgakinya rîrîa kîrîma kîrîa gîtumîtwe hekarûrî ya Ngai-Mûnene gîkethîrwa kîrî gîtûgîru gûkîra irîma cionthe, nîgîgaatûgîrua gûkîra tûrîma tuonthe, na ndûrîrî nyîngî nîikaathiîcaga kuo.

Ciîko 16:9

Na ûtukû ûcio, Paûlo nîwagîre na kîoneki na akîona mûndû wa kuuma Makedonia. Nake mûndû ûcio nîwarûngamire na akîmûthaitha akîmwîraga atîrî, “Ûka Makedonia ûgatûtethie!”

Ciîko 2:17

‘Ngai augîte atî: Mîthenyarî ya mûthiia, nie nîngetîrîria andû onthe Roho wakwa. Ariû na aarî enyu nîmakaanîrîra ndûmîrîri yakwa kûrî andû; anake enyu na erîtu enyu nîmakoona cioneki, nao andû enyu arîa akûrû, nîmakaarota iroto.

Agal 4:26

Nwatî Jerusalemu îrîa îrî îgûrû ndîrî ûkomborî na nî ta yo ng'ina wetû.