Ezek 4:17 - ÎVUKU RÎA ÛVORO MWARO

¹⁷ Ngeka ûguo nîguo mature irio cia kûrîa na mature manjî ma kûnyua. Wa mûndû agaacûthagîrîria ûrîa wîngî amakîte na nîmakaathira vinya nîûndû wa mevia mao.”

Ezek 4:17 ပူးပေါင်းရင်းမြစ်များ

2Atha 6:25

Nîkwagîre na yûra înene mûno kûu îtûûrarî rîa Samaria. Benihadadi na athigari ake nîmekarire marigicîrîtie îtûûra rîa Samaria nginya kîongo Kîam mvunda gîkendagua tûcunjî mîrongo înana (80) twa sîlûva nacio ngiramu magana maîrî (200) cia mai ma îcîa ikendua tûcunjî tûtano (5) twa sîlûva.

2Maû 34:24

Ngai-Mûnene, Ngai augîte nîakûrete maûndû macûku gûkû Jerusalemu na kûrî andû arîa matûûraga kuo. Nîngaatûma irumi cionthe irîa mandîke îvukuurî rîrîa rîathomerwe mûthamaki wa Juda ivinge.

Ezek 24:23

Mûgeekîra iremba ciongorî cienyu, na mwîkîre iratû magûrû menyu, mûtigaacakaa kana mûrîra. Nwatî nîûndû wa mevia menyu nîmûkaagîa na kîeva na wa mûndû nîagacakaagîra mûndû ûrîa wîngî.

Ezek 33:10

“We mûndû îra andû a Isiraeli marauga atî, ‘Tûrî aritûvîre nî mavîtia na mevia metû na nîmo maratûthiria. Tûngîtûûra mwoyo atîa?’

Alawi 26:26

Nîngaatûma mûgîe na yûra rînene, na aka îkûmi makaarugagîra rikorî rîmwe. Nîmakagaanaga wa mûndû kîthimo gîake, na wana maarîa matikavaa.

Alawi 26:39

Andû enyu anini arîa magaatigara nî makoorera mavûrûrirî ma nthû cienyu nîûndû wa mevia mao na mevia ma methe mao.

Amosi 4:8

Nîûndû wa nyonda andû kuuma matûûrarî meengî nîmaathiîcaga îtûûrarî rîrîa meeciragia atî nîmakwona manjî, nwatî gûtiarî na manjî ma kwîgana. Kûnarî ûguo mûtianjokerera.