Ezek 39:4 - ÎVUKU RÎA ÛVORO MWARO

⁴ We, athigari aku a mbaara, na andû a mavûrûri marîa manyitanagîra nawe nîngaamanenganîra matuîke irio cia kûrîwa nî iconi cia mîthemba yonthe na nyamû cia kîthaka.

Ezek 39:4 ပူးပေါင်းရင်းမြစ်များ

Isaia 14:24

Ngai-Mûnene mwene vinya wonthe evîtîte akauga atîrî, “Ûrîa mvangîte nîguo gûgeekîka, na ûrîa nduîte nîguo gûkaavinga.

Isaia 14:25

Nîngaathiria Asîria arîa marî vûrûrirî wakwa, na nîmakinyangîre irîmarî ciakwa. Nîngaaruta andû akwa ûkomborî wa Asîria, na nîmaûre mûrigo ûrîa mamakuuithîtie.

Jeremia 15:3

Nie Ngai-Mûnene nîmvangîte kûmaretera maûndû mana ma kûmathiria: maûragîrwe mbaararî, ngui imatambururange, marîwe nî iconi, na nyamû cia kîthaka imarîa imathirie.

Jeremia 25:33

Mûthenya ûcio andû arîa makaûragwa nî Ngai-Mûnene makanyagania kuuma mûthiia ûmwe wa nthî kûthiî ûrîa wîngî. Matigacakaîrwa, matikaûnganua kana mathikwa; makanyagarûkua nthî ta irûndo cia thumu.

Ezek 29:5

We vamwe na nthamaki icio nîngaamwikia werûrî na mîîrî yenyu nîîkagwa kûndû gûtarî kîndû na ndîkaathikwa. Mîîrî yenyu îgaatuîka irio cia nyamû cia kîthakarî na iconi cia rîerarî.

Ezek 33:27

“Marîrie na ûmere nie Ngai-Mûnene nîrauga atî: Wata ûrîa ndûûraga mwoyo, andû acio onthe matûûraga matûûrarî mau momomoku nîmakaaûragwa. Arîa marî mîgûndarî makaarîwa nî nyamû cia kîthaka; na arîa marî kûndû kûrîa kûgitîre na ngurungarî makaaûragwa nî mîrimû mîcûku.

Ezek 35:8

Nîngecûria kîrîma gîa Seiru ciimba. Nakuo tûrîmarî, ciandarî na tûrûnjîrî twenyu nîgûgecûra andû arîa maûragîrîtwe mbaararî.

Ezek 38:21

Nîngaatûma Gogu agîe na maûndû ma kûmûmakia ma mîthemba yonthe. Andû aku nîmagaaûkanîrîra wa mûndû arûe na mûndû ûrîa wîngî. Nînie Mwathani Ngai-Mûnene mbugîte ûguo.

Ezek 39:5

Mûkaaûragîrwa Mûtitûrî. Ûguo nîguo nie Mwathani Ngai-Mûnene mbugîte.

Nahumu 3:3

Arîa mathiîcaga mekarîrîte mbarathi nîmaratharîkîra, mviû na matumû nîiravenavenia; arîa maûragîtwe matingîtarîka, ciimba nî nyîngî mûno; andû maravîngîcwa nî arîa akuû!