Ezek 39:26 - ÎVUKU RÎA ÛVORO MWARO

²⁶ Rîrîa magaatûûra vûrûrirî wao matagwîtigîra na marî na thayû, nîmakaariganîrwa nî ûrîa maaconorithîtue nîûndû wa kûndiganîria.

Ezek 39:26 ပူးပေါင်းရင်းမြစ်များ

1Atha 4:25

Vîndî îrîa yonthe Solomoni aarî mwoyo, andû a Juda na a Isiraeli kuuma Dani kûthiî nginya Beerisheba maatûûraga na thayû, wa mûndû arî na mîthavibu na mîkûyû yake.

Thaburi 99:8

We Ngai-Mûnene Ngai wetû, nîwegwire mavoya ma andû aku, nîwamoonirie atî we wî Ngai wovanagîra, wana ethîrwa nîwamaverithagia nîûndû wa mevia mao.

Isaia 17:2

Matûûra ma Sîria nîmatûûra marî mathame tene na tene. Ng'ondu na ng'ombe nîcio igekaraga kuo, ikaamamaga kuo na gûtirî mûndû ûkaaimakia.

Jeremia 30:11

Nîûndû nîngaûka nîmûvonokie, na njûkangie mavûrûri monthe viû, kûrîa namûnyaganirie, nwatî mue ndikamûcûkangia. Mue ndikamûrakereria ndamûverithîtie, ngamûverithia na njîra ya kîvooto. Nie Ngai-Mûnene nînie nauga Ûguo.”

Ezek 15:8

Nîngaatûma vûrûri wao ûtuîke werû ûtangîkûra kîndû, nîûndû nîmaregete kwathîka.” Ûguo nîguo Ngai-Mûnene augîte.

Ezek 16:52

Rîu we nîûtûûra ûconokete nîûndû nîûtûmîte aa mwarwanyûkwe monekane ta matavîtîtie nîûndû nîwekire maûndû macûku mûno kûmakîra nao makîonekana marî athingu gûgûkîra. Kwoguo nîûconoka nîûndû nîûtûmîte aa mwarwanyûkwe monekane matarî na mavîtia.”

Ezek 16:63

Nîngaakûrekera mavîtia monthe marîa waneka. Nawe waririkana maûndû monthe marîa waneka nîûkaamaka, na ndûkaaria rîngî nî gîconoko.” Nie Ngai-Mûnene nînie mbugîte ûguo.

Ezek 20:27

“Kwoguo, we mûndû, arîria andû a Isiraeli. Meere Ngai-Mûnene augîte atî, methe mao ma tene nîmaagwatirie rîîtwa rîakwa gîko nîûndû nîmaaregire gûtuîka evokeku kûrî nie.

Ezek 20:43

Mûrî kûu nîmûkaaririkana mîthiîre îrîa mwarî nayo na maûndû monthe macûku marîa mwekire na mamûgwatirie mûgiro. Nîmûkethûûra nîûndû wa maûndû mau monthe macûku mwekire.

Ezek 32:25

Nîathondekete ûrîrî gatagatîrî ka andû arîa maûragîtwe, vamwe na mûrûrûngano wake wonthe. Arigicîrîtue mîena yonthe nî mbîrîra cia andû arîa matarî aruu na maaûragîrwe mbaararî, nîûndû nîmeekagîra andû arîa marî mwoyo guoya. Rîu nîmaconorithîtue marî vamwe na arîa manyûrûrûkîte gwa akuû na rîu marî vamwe na arîa maûragîrwe mbaararî.

Ezek 32:30

“Anene onthe a mwena wa rûgûrû marî kuo, wana andû a Sidoni marî kuo. Onthe nîmaanyûrûrûkire kwa arîa akuû marî na gîconoko ta andû arîa maaûragirwe nîûndû wa guoya îrîa meekagîra andû nîûndû wa vinya ûrîa maarî naguo. Nwatî rîu, mathiîte kwa arîa akuû marî na gîconoko vamwe na andû arîa maaûragirwe vîndî ya mbaara.

Ezek 34:25

Nîngaarûtha kîrîkanîro Kîam thayû nacio. Nîngaaruta nyamû cia kîthaka kuuma vûrûrirî nîguo ng'ondu ciakwa itûûre irî ngitîre kûu werûrî na imamage mûtitûrî.

Ezek 36:31

Nîûgaacoka kûririkana mîthiîre yaku mîcûku na mîtugo yaku îrîa îtaarî mîaro, na nîûkaaîmena nîûndû wa mevia maku na maûndû macûku marîa wekire.

Ezek 38:8

Vuva wa mîaka mîîngî nîûgetwa ûthiî ûkatharîkîre vûrûri kûrîa andû maaretirwe vamwe kuuma mavûrûrirî mengî na matûûraga matarî na guoya wa mbaara. Nîûkaatharîkîra irîma cia Isiraeli irîa mbererî ciarî werû na maganjo vandû va kavinda karaca, nwatî rîu andû onthe matûûraga marî agitîre.

Ezek 44:13

Matigaûke vakuvî nanie gûtungata ta athînjîri-Ngai, kana mathiî vakuvî na indo ciakwa irîa nyamûre kana matonya vandû varîa vatheru Mûno. Nwatî nîmagaaconoka nîûndû wa maûndû marîa marî magigi mekîte.

Danieli 9:16

We Mwathani, nîûndû wa ûthingu waku tiga kûverithia Jerusalemu, îtûûra rîaku rîrîa rîrî kîrîmarî kîrîa kîtheru. Andû aku, na îtûûra rîa Jerusalemu methagîrwa marî na gîconoko mbere ya mavûrûri marîa mamarigicîrîtie, nîûndû wa mevia metû na maûndû macûku marîa meekirwe nî methe metû ma tene.

Mika 4:4

Andû onthe magaatûûra na thayû, wa mûndû agekaraga rungu rwa mîthavibu kana mîkûyû yake, na gûtirî mûndû ûgaatûma magîe na guoya, nîûndû Ngai-Mûnene Mwene Vinya Wonthe nîke ugîte ûguo.