Ezek 39:22 - ÎVUKU RÎA ÛVORO MWARO

²² Nyomba ya Isiraeli nîkaamenya kuuma mûthenya ûcio atî nînie Ngai-Mûnene Ngai wao.

Ezek 39:22 ပူးပေါင်းရင်းမြစ်များ

Thaburi 9:16

Ngai-Mûnene nîemenyithanîtie na njîra ya gûtuîrîra andû na kîvooto, nao andû arîa aganu nî manyitîtwe nî ciîko cio o ene.

Jeremia 24:7

Nîngamava ngoro ya kûmenya atî, nie nînie Ngai-Mûnene. Nîmakaanjokerera na ngoro ciao cionthe na nîngatuîka Ngai wao nao matuîke andû akwa.

Jeremia 31:34

Gûtirî mûndû ûgaacoka kûthomithia ûrîa wîngî akîmwîraga atî, ‘Menya Ngai-Mûnene,’ nîûndû andû onthe, anini na anene, nîmakaamenya. Nîngamarekera mavîtia mao na ndikaririkana mevia mao rîngî. Ûguo nîguo Ngai-Mûnene arauga.”

Ezek 28:26

Nîmagaatûûra kuo marî agitîre. Nîmagaatuma nyomba kuo na mavande mîtî ya mîthavibu. Magaatûûra marî agitîre nîûndû nîngaaverithia mavûrûri marîa mariganîtie nao marîa maamavinyagîrîria. Na nîmakaamenya atî nie nînie Ngai-Mûnene Ngai wao.”

Ezek 34:30

Nao andû nîmakaaamenya atî, nie Ngai-Mûnene Ngai wao, nîrî vamwe nao na mamenye atî andû a Isiraeli nî andû akwa. Nie Ngai-Mûnene Ngai nînie mbugîte ûguo.

Ezek 39:23

Nacio ndûrîrî nîikaamenya atî andû a Isiraeli maathiîre îthamîriorî nîûndû wa mavîtia marîa maambîkire. Nînaamatiganîrie na nîûndû nîmaamenire, ngîmarekereria kûrî nthû ciao na ikîmaûraga.

Ezek 39:28

Nao nîmakaamenya atî nînie Ngai-Mûnene Ngai wao, nîûndû nînatûmire mavirwe îthamîriorî. Rîu nîmacoketie vûrûrirî wao na gûtirî mûndû wanarî ûmwe wao ûtigîtwe na vuva.

Ezek 39:7

Nîngamenyithia andû akwa a Isiraeli rîîtwa rîakwa rîtheru na ndigetîkîra rîîtwa rîu rîakwa rîtheru rîcambua rîngî. Nacio ndûrîrî nîikaamenya atî, nie nînie Ngai-Mûnene, ûrîa Mûtheru wa Isiraeli.”

Johana 17:3

Naguo mwoyo wa tene na tene nî atî andû onthe makûmenye we Ngai wa ma na mamenye Jesû Kristû ûrîa watûmire.

1Joh 5:20

Tue nîtwîcî atî Mûriû wa Ngai nî mûku na atî nîatûmîte tûtaûkîrwe, nîguo tûmenye Ngai Ûrîa wa ma. Ûtûûro wetû ûrî kûrî Ngai ûrîa wa ma na kûrî Mûriû Jesû Kristû. Ûyû nîke Ngai ûrîa wa ma na nwake mwoyo wa tene na tene.