Ezek 39:13 - ÎVUKU RÎA ÛVORO MWARO

¹³ Andû onthe vûrûrirî nîmagaatethereria kûthika andû arîa akuû, na ûndû ûcio nîûkaamaretera ngumo mbaro vîndî îrîa ngoonania riiri wakwa. Ûguo nîguo nie Mwathani Ngai-Mûnene mbugîte.

Ezek 39:13 ပူးပေါင်းရင်းမြစ်များ

Jeremia 33:9

Îtûûra rîîrî nîrîgatûma ngîe na gîkeno, ngumo na mbere ya mavûrûri monthe ma nthî marîa makegua ûvoro wîgiî maûndû monthe maro marîa nîmekaga. Mavûrûri nîmagetigîra na mainaine nîûndû wa maûndû maro na wagîrîru ûrîa ndeterete îtûûra rîîrî.”

Ezek 28:22

ûrîre atî Ngai-Mûnene Ngai augîte nîakûrûa narîo onanie riiri wake gatagatî ka rîo. Rîrîa ngoonania ûthingu wakwa na njîra ya kûrîverithia, andû nîmakaamenya atî nie nînie Ngai-Mûnene.

Gûco 26:19

Nake nîakaamûtua rûrîrî rûnene gûkîra ndûrîrî cionthe irîa aaûmbire. Nao andû arîa engî onthe nîmakaamûvecaga gîtîîo na nî mûkethîrwa mûrî andû a Ngai-Mûnene, Ngai wenyu kîûmbe.”

1Pet 1:7

Mworoto wa magerio mama monthe nî kwonania atî wîtîkio wenyu nî wa ma. Wana nginya thaavu îgeragua na mwaki nîguo yonekane kana nî mbaro. Kwoguo wîtîkio wenyu ûrîa wî vata gûkîra thaavu, nwanginya ûgerue nîguo wonekane kana nî wa ma. Namue nîmûgaacoka kûgîa na ûkumio, riiri na gîtîîo vîndî îrîa Jesû Kristû akaaguûrua.