Ezek 38:15 - ÎVUKU RÎA ÛVORO MWARO

¹⁵ kuuma kûrîa ûtûûraga mwena wa rûgûrû kûndû kûraca ûtongoreretie gîkundi kînene Kîam athigari a mbaara, onthe matwîte mbarathi.

Ezek 38:15 ပူးပေါင်းရင်းမြစ်များ

Ezek 32:30

“Anene onthe a mwena wa rûgûrû marî kuo, wana andû a Sidoni marî kuo. Onthe nîmaanyûrûrûkire kwa arîa akuû marî na gîconoko ta andû arîa maaûragirwe nîûndû wa guoya îrîa meekagîra andû nîûndû wa vinya ûrîa maarî naguo. Nwatî rîu, mathiîte kwa arîa akuû marî na gîconoko vamwe na andû arîa maaûragirwe vîndî ya mbaara.

Ezek 38:4

Nîngaamûnyita nîmûthiûrûrukie, na nîmwîkîre ndûano nthîarî ciake. Nîngaamûrutûrûra na nja, ke vamwe na athigari ake onthe a mbaara, mbarathi na athigari arîa mathiîcaga matûîte mbarathi, gîkundi kînene Kîam andû mekîrîte nguo cia mbaara; onthe marî na ngo na mviû cia mbaara.

Ezek 38:6

Athigari a mbaara a kuuma Gomeri, Bethi-togarima, kuuma mwena wa rûgûrû kûraca viû, na athigari a mbaara kuuma mavûrûrirî mengî marî vamwe nawe.

Ezek 39:2

Nîngaakûgarûra ngûrute na kûu kûraca mwena wa rûgûrû ngûtongorie ûkatharîkîre irîma cia Isiraeli.

Danieli 11:40

Rîrîa kavinda ka mûthiia ka mûthamaki wa Sîria gagaakinya, nîakaatharîkîrwa nî mûthamaki wa Misiri. Nwatî mûthamaki wa Sîria nîakeyûmîrîria arûe nake, amûtharîkîre na ikaari cia mbarathi, athigari arîa mathiîcaga mekarîrîte mbarathi na meri nyîngî. Nî akaatharîkîra mavûrûri mengî, na amavatîrîrie ta ûrîa mwîcûro wa manjî wîkaga.

Joeli 3:11

Ûkani na îvenya, mue mavûrûri monthe, ûnganani vamwe Kîamndarî, tûma athigari aku we Ngai-Mûnene.

Joeli 3:2

Nîngaûngania mavûrûri monthe vamwe, na nîmavire Kîamndarî gîa îtuîro. Vau nîvo ngaamatuîra, nîûndû wa maûndû marîa mekîte andû akwa. Nîmanyaganîtie Isiraeli mavûrûrirî mageni, na makagaania Isiraeli, vûrûri wakwa.

Zefania 3:8

Ngai-Mûnene nîwaugire atîrî, “Mbetererete mûthenya ûrîa ngarûngama nîrî mûira. Nînduîte ciira atî nîngûngania mavûrûri na mothamaki. Nthî yonthe nîgaacûkangua nî mwaki wa marakara ma Ngai-Mûnene.

Kûguû 16:14

Ngoma icio nî ndaimono irîa irî na vinya wa kûringa ciama. Nacio ngoma icio nîciathiîcaga kûrî athamaki onthe a nthî, ikamareta vamwe nîûndû wa mbaara ya mûthenya ûrîa mûnene wa Ngai mwene vinya wonthe.

Kûguû 16:16

Nacio ngoma nîciaretire athamaki vamwe vandû vetagwa na rûthiomi rwa Kîyahudi Arimagedoni.

Kûguû 20:8

Arekererua nîagaaûka nîguo avîtithie mavûrûri monthe marîa marî nthî, na nîmo Gogu na Magogu. Caitani nî akaamagomania vamwe nîguo marûe mbaara. Nao makethîrwa mengîvîte ta mûthanga ûrîa ûrî rûtererî rwa îria.