Ezek 38:13 - ÎVUKU RÎA ÛVORO MWARO

¹³ Sheba, Dedani, agûri na endia a indo kuuma Tarishishi na icagi irîa irî vakuvî na kuo nîmagaakûria atîrî, ‘Ûnganîtie athigari aku a mbaara nîguo mûtharîkîre na mûtave na mûcunane indo? Ûrenda gûkuua sîlûva, thaavu, ndîthia nîguo ûtave indo nyîngî?’

Ezek 38:13 ပူးပေါင်းရင်းမြစ်များ

Thaburi 57:4

Nie nthiûrûrûkîrîtue nî nthû, arîa makorokerete nyama cia andû ta mînyambû, magego mao mekariî ta matumû na mîguî; nîmî ciao ciîkariî ta mviû ino mbûgî.

Isaia 10:6

Natûmire Asîria akaverithie vûrûri ûtaicî Ngai, namwathire akaverithie andû arîa mandakarîtie; akamacune indo na amatave, na amakinyange ta ndaka njîrarî.

Isaia 33:23

Mîkanda yonthe ya meri icio nî mîregerû; ndîngîvota kûrûngamia mîtî ya vendera, wana kana matûme itambaa itambûrûke nîguo ivotithie meri kûthiî. Nwatî indo nyîngî irîa itavîtwe nîikagaanua, wana nginya cionje nîigooca indo ciao.

Jeremia 15:13

Ngai-Mûnene arauga atîrî, “Nîngatûma ûtonga wenyu na mîthithû yenyu îtavwe, nîûndû ûcio nîguo mûcara wa mevia menyu marîa mwîkîte vûrûrirî wonthe.

Jeremia 50:17

Ngai-Mûnene arauga atîrî, “Andû a Isiraeli mekariî ta ng'ondu ivinyûrîtue na ikanyaganua nî mûnyambû. Maambire kûtharîkîrwa nî mûthamaki wa Asîria, magîcoka makîtharîkîrwa nî Nebukadinezarû mûthamaki wa Babuloni.

Jeremia 51:38

Andû a Babuloni makararamaga ta mînyambû; makagambaga ta twana twa mûnyambû.

Ezek 25:13

kwoguo nie Ngai-Mûnene Ngai mbugîte atî nîngaatambûrûkia njara yakwa îgûrû rîa vûrûri wa Edomu na mbûrage andû onthe na nyamû cionthe. Nîngaatûma wanangîke kuuma îtûûrarî rîa Temani nginya îtûûrarî rîa Dedani. Andû onthe nîmakaaûragîrwa mbaararî.

Ezek 27:12

“Andû a Tarishishi naamarutithanagia wîra nawe wa kûgûra na kwendia indo nîûndû warî na ûtonga mwîngî wa mîthemba mîîngî. Nîmaakûrananagia indo ta sîlûva, cuuma cia mîthemba mîîngî na indo ciaku.

Ezek 27:15

Andû kuuma Dedani nîmaarutithanirie wîra wa kûgûra na andû a Turo. Kûndû kûrîa kwarî na wîra mwaro mûno waku wa kwendia na kûgûra indo, kwarî mavûrûrirî meengî marîa marî rûtererî rwa îria. Andû a kuo nîmaakûretagîra mîguongo ya njogu nîguo ûmakûrananîrie na mîtî ya mîvîngo.

Ezek 27:20

Andû a Dedani nîmaakûretagîra nguo cia kwigîrîrwa îgûrû rîa mbarathi rîrîa andû makûthiî mamîkarîrîte.

Ezek 27:25

Meri irîa nene cia Tarishishi nîcio ciagûkuagîra indo. Kwoguo wekariî ta meri îrî îriarî îkuîte mîrigo.

Ezek 32:2

“Mûndû, ina rwîmbo rwa macakaya nîûndû wa mûthamaki wa Misiri na ûmwîre: We mûthamaki wa Misiri wîtucaga ta mûnyambû gatagatî ka ndûrîrî, nwatî we wîkariî ta njûnamatu îrî manjîrî. Umagîra manjîrî na vinya na ûkaunjuga manjî na magûrû maku na ûgacûkia nyûnjî.

Joeli 3:8

Nîngaatûma anake na erîtu enyu mendue kûrî andû a Juda, na nîmakaamendia vûrûri wa kûraca ûrîa wîtagwa Sabea. Nînie Ngai-Mûnene nauga ûguo.

Zakaria 11:3

Tathikîrîriani kîrîro Kîam arîthi, nîûndû riiri wao nîmûthiru! Tathikîrîriani mûraramo wa mînyambû, nîûndû mîtitû îrîa îrî rûtere rwa rûnjî rwa Jorodani nîmîanangîku!