Ezek 37:6 - ÎVUKU RÎA ÛVORO MWARO

⁶ Nîngaamwîkîra mîkiva na ndûme mûgîe na nyama, na nîmûkunîkîre na rûûo. Nîngaaamwîkîra mîvevû ndarî yenyu na nîmûkaagîa mwoyo. Na nîmûgaacoka kûmenya atî, nie nînie Ngai-Mûnene.”

Ezek 37:6 ပူးပေါင်းရင်းမြစ်များ

Kîam 2:7

Nake Ngai-Mûnene, Ngai nîwocire mûthetu na akîûmba mûndû naguo. Nîwacokire akîmûveverera mîruke ya mwoyo maniûrûrî, na mûndû ûcio agîtuîka kîûmbe kîrî mwoyo.

1Atha 20:28

Mûndû wa Ngai ûmwe nîwathiîre kûrî mûthamaki Ahabu na akîmwîra atîrî, “Ngai-Mûnene arauga atî: ‘nîûndû Asîria maugîte atî nie nî ngai ya irîma na tî wa ciandarî, nîngûkûvotithia kûvoota andû acio eengî ûguo na nîmûkaamenya atî nînie Ngai-Mûnene.’ ”

Thaburi 104:30

Rîrîa waicokeria mîvevû yaku, nîigîcaga na mwoyo rîngî, we nîûtûmaga nthî îgîe na ûtûûro mûcerû.

Ntha 6:3

Nînaumîrîre Iburahimu, Isaka na ngiumîrîra Jakovu ta Ngai Mwene Vinya Wonthe, nwatî ndiemenyithania kûrî o na njîra ya rîîtwa rîakwa rîrîa rîtheru, Ngai-Mûnene.

Isaia 26:19

Andû aku arîa akuû nîmagaatûûra mwoyo, mîîrî yao nîkaariûka! Arîa mamamîte mûtheturî nîmagaaûkîra, na maine makenete. Nîûndû îme rîa Ngai-Mûnene nî îme rîa ûtheri, nao arîa marî kwa arîa akuû nîmakaariûka.

Isaia 49:23

Athamaki magaatuîka amenyereri aku, nao aka ao matuîke akûreri. Nîmagaaturumithia mothiû mao nthî mbere yaku na magûtîîe; na nîmagaakwonia gîtîîo menyivîtie. Nawe nîûgaacoka ûmenye atî Nie, nînie Ngai-Mûnene; na atî arîa mambetagîrîra matigaaconorithua.”

Ezek 11:10

Ngaamûtuîrîra kûragwa na mûragwe mûrî mûvakarî wa Isiraeli, na nîmûkaamenya atî nînie Ngai-Mûnene.

Ezek 11:12

Nîmûkaamenya atî nie nînie Ngai-Mûnene ûrîa mwaregire kûrûmîrîra mawatho make kana mûvingia irîra ciake, nwatî mwekire kûringana na irîra cia ndûrîrî irîa imûthiûrûrûkîrîtie.”

Ezek 20:38

Andû arîa aremi na arîa mevagia nîngaamaruta gatagatî kenyu. Nîngaamaruta kuuma vûrûrirî ûrîa matûûraga, nwatî ndigetîkîra matonya vûrûrirî wa andû a Isiraeli. Nîmûgaacoka mûmenye atî nie nînie Ngai-Mûnene.

Ezek 32:15

Rîrîa ngaatûma vûrûri wa Misiri wanangîke na ûtuîke werû, na indo ciao cionthe itavwe na ndûme andû akuo onthe maûragwe, nîmakaamenya atî nie nînie Ngai-Mûnene.

Ezek 34:27

Mîtî îrîa îrî mîgûndarî nîgaaciara matunda, mîgûnda nîkaagîa na maketha meengî na nîigaatûûra na thayû vûrûrirî wacio. Rîrîa ngaatucanga mînyororo ya andû arîa maaituire ngombo, na nîivonokie kuuma kûrî o, nîikaamenya atî nie nînie Ngai-Mûnene.

Ezek 35:12

Namue nîmûkaamenya atî nie, Ngai-Mûnene nîmbîguîte irumi cionthe irîa mwarîtie ciîgiî irîma cia Isiraeli. Mwairumire mûkiugaga atî, irîma cia Isiraeli ituîkîte werû na nîmûvetwe cio mûciîgwatîre.

Ezek 35:15

wata ûrîa we wakenire rîrîa vûrûri wa Isiraeli wanangirwe. Kwoguo ûguo nîguo ngaagwîka. Kîrîma gîa Seiru nîgîgaatuîka werû, wana vûrûri wonthe wa Edomu. Nao nîmakaamenya atî, nie nînie Ngai-Mûnene.”

Ezek 35:9

Nîngaatûma ûtuîke werû tene na tene, na matûûra maku marîa manene matigaacoka gûtûûrwa nî andû rîngî. Nawe nîûkaamenya atî, nie nînie Ngai-Mûnene.

Ezek 37:14

Nîngaamwîkîra mîvevû yakwa ndarî yenyu na nîmûgaacoka gûtûûra mwoyo, na nîngaacoka nîmwige vûrûrirî wenyu. Namue nîmûkaamenya atî nie, Ngai-Mûnene nînie mbugîte ûguo na nîngeka guo.”

Ezek 38:23

Kwoguo, mavûrûri meengî nîmakaamenya atî, nie nînie Ngai-Mûnene na nîngoonania ûnene na ûtheru wakwa kûrî ndûrîrî nyîngî.”

Ezek 39:22

Nyomba ya Isiraeli nîkaamenya kuuma mûthenya ûcio atî nînie Ngai-Mûnene Ngai wao.

Ezek 39:28

Nao nîmakaamenya atî nînie Ngai-Mûnene Ngai wao, nîûndû nînatûmire mavirwe îthamîriorî. Rîu nîmacoketie vûrûrirî wao na gûtirî mûndû wanarî ûmwe wao ûtigîtwe na vuva.

Ezek 39:6

Nîngaatûma vûrûri wa Magogu kûgîe mwaki na ûgîe kûrî andû arîa matûûraga na thayû rûtererî rwa îria. Nao nîmakaamenya atî, nînie Ngai-Mûnene.

Ezek 6:13

Ciimba ikaanyagania kûrîa ngai ciao cia mîvuanano irî mîenarî yonthe ya metha ciao cia magongoona, tûrîmarî tuonthe na irîmarî cionthe; mîtîrî yonthe mînene na mîtî îrîa mîruru ya mîvuru kûrîa maarutagîra magongoona marîa maanungaga waro ma gûkenia ngai ciao cia mîvuanano.

Ezek 6:7

Andû makaaûragîrwa wa kûu mûrî na nîmûkaamenya atî nînie Ngai-Mûnene.

Ezek 7:4

Ndikamûcaîra na ndikamwîguîra ntha, nwatî nîngamûverithia kûringana na mîtugo yenyu. Nîngamûverithia nîûndû wa maûndû marîa marî magigi mwîkîte, na nîmûkaamenya atî nie nînie Ngai-Mûnene.”

Ezek 7:9

Ndigaagûcaîra kana ngwîguîra ntha, nîngakûverithia kûringana na mîthiîre yaku mîcûku. Nîûkaamenya atî nînie Ngai-Mûnene mverithanagia.”

Joeli 2:27

Nîmûkaamenya atî nîrî gatagatî ka Isiraeli, na nîmûkaamenya atî nie Ngai-Mûnene nîrî namue na gûtirî wîngî. Na atî andû akwa matigaconorithua rîngî.

Joeli 3:17

Vîndî îo nîrîo we Isiraeli ûkaamenya atî, nînie Ngai-Mûnene Ngai waku, ndûûraga Zayuni, kîrîmarî gîakwa kîtheru. Jerusalemu îkethîrwa îrî ntheru, na ageni matikaarîvoota rîngî.

Gûco 29:6

Mûtiarîa mûgate, kana mûnyue ndivei kana njovi, nwatî Ngai-Mûnene Nîwamûvere maana kuuma îgûrû nîguo mûmenye atî ke, nîke Ngai-Mûnene Ngai wenyu.