Ezek 37:5 - ÎVUKU RÎA ÛVORO MWARO

⁵ Meere nie Mwathani Ngai-Mûnene nîrera mavîndî mama atî, nîngûmwîkîra mîvevû yakwa na nîmûgaatûûra mwoyo.

Ezek 37:5 ပူးပေါင်းရင်းမြစ်များ

Kîam 2:7

Nake Ngai-Mûnene, Ngai nîwocire mûthetu na akîûmba mûndû naguo. Nîwacokire akîmûveverera mîruke ya mwoyo maniûrûrî, na mûndû ûcio agîtuîka kîûmbe kîrî mwoyo.

Isaia 26:19

Andû aku arîa akuû nîmagaatûûra mwoyo, mîîrî yao nîkaariûka! Arîa mamamîte mûtheturî nîmagaaûkîra, na maine makenete. Nîûndû îme rîa Ngai-Mûnene nî îme rîa ûtheri, nao arîa marî kwa arîa akuû nîmakaariûka.

Ezek 37:14

Nîngaamwîkîra mîvevû yakwa ndarî yenyu na nîmûgaacoka gûtûûra mwoyo, na nîngaacoka nîmwige vûrûrirî wenyu. Namue nîmûkaamenya atî nie, Ngai-Mûnene nînie mbugîte ûguo na nîngeka guo.”

Johana 20:22

Nake nîwacokire akîmaveverera mîvevû na akîmeera atîrî, “Amûkîrani Roho Mûtheru.

Aroma 8:2

Nîûndû watho wa Roho ûrîa ûtûmaga tûtûûre tûrî ndaarî ya Jesû Kristû nîmûnjovoru kuuma kûrî watho wa mevia na gîkuû.

Aefeso 2:5

Wana rîrîa twarî akuû kîîroho nîûndû wa ûremi wetû, nîwatûmire tûtûûre mwoyo vamwe na Kristû. Nî wega wa Ngai ûtûmîte mûvonoke.

Kûguû 11:11

Nwatî vuva wa mîthenya îo îthatû na nuthu Ngai nîwamavere mîvevû îrîa îtûmaga mûndû agîe na mwoyo. Nao nîmaarûngamire na andû onthe arîa mamoonire nîmaagîre na guoya nyîngî.