Ezek 37:4 - ÎVUKU RÎA ÛVORO MWARO

⁴ Nake nîwambîrire rîngî atîrî, “Rathîra mavîndî mama na ûmere, mue mavîndî maûmû, thikîrîriani ûrîa Ngai-Mûnene akuga.

Ezek 37:4 ပူးပေါင်းရင်းမြစ်များ

1Atha 13:2

Mûndû ûcio nîwarumire metha ya kîgongoona, wata ûrîa Ngai-Mûnene aamwathîte akiugaga atîrî, “We metha ya kîgongoona, metha ya kîgongoona, Ngai-Mûnene augîte atî: Taroria kavîcî nîgagaaciarwa nyombarî ya Daudi; Nako gageetwa Josia. Nako nîgagaagûtegera athînjîri-Ngai arîa marutagîra magongoona kûndû kûrîa gûtûgîru, arîa marutagîra ngai cia mîvuanano magongoona îgûrû rîaku, na nîakaavîvîria mavîndî ma andû îgûrû rîaku.”

Ayubu 10:11

Nîwekîrire mavîndî na mîkiva mwîrîrî wakwa na ûgekîra nyama na ngothi îgûrû rîaguo.

Isaia 26:19

Andû aku arîa akuû nîmagaatûûra mwoyo, mîîrî yao nîkaariûka! Arîa mamamîte mûtheturî nîmagaaûkîra, na maine makenete. Nîûndû îme rîa Ngai-Mûnene nî îme rîa ûtheri, nao arîa marî kwa arîa akuû nîmakaariûka.

Isaia 42:18

Ngai-Mûnene arauga atîrî, “Tathikîrîriani mue mûtegucaga! Mue itumumu roriani waro, nîguo mûvote kwona!

Jeremia 22:29

We vûrûri, we vûrûri, we vûrûri! Tathikîrîria ûrîa Ngai-Mûnene arauga.

Ezek 36:1

Ngai-Mûnene nîwambîrire atîrî, “We mûndû, rathîra irîma cia Isiraeli na ûciîre ithikîrîrie ndûmîrîri Ngai-Mûnene.

Ezek 37:11

Nake Ngai nîwambîrire atîrî, “We mûndû, mavîndî mau nî andû onthe a Isiraeli. Maugaga atî nîaûmagaru, matirî na kîîrîgîrîro na nîathiru viû.

Ezek 37:12

Kwoguo marathîre ûmere, nie Mwathani Ngai-Mûnene mbugîte atî mue andû akwa nîngaavingûra mbîrîra cienyu na nîmûriûkie kuuma mbîrîrarî cienyu na nîmûcokie vûrûrirî wa Isiraeli.

Ezek 37:9

Ngai nîwacokire akîmbîra atîrî, “We mûndû, rathîra rûvuvo kuuma mîena îrîa îna na ûrwîre Mwathani Ngai-Mûnene augîte rûvurutane nîguo rûtonye kûrî mîîrî îno yaûragirwe nîguo îgîe mwoyo.”

Mika 6:2

Mue irîma, namue mîcingi ya nthî îrîa îtûûraga tene na tene! thikîrîriani Ngai-Mûnene akîthitanga andû ake. Nîagaacira na andû ake a Isiraeli.

Ndari 20:8

“Oca mûragi waku, na mûrî na mûrwanyûkwe Aroni mwîte andû onthe a Isiraeli vamwe, ûcoke wîre îthiga riume manjî andû onthe makîonaga. Ûguo nîguo ûkaaruta manjî kuuma îthigarî ma kûnyuwa nî andû, makaanyua onthe vamwe na ndîthia yao.”

Mathaayo 21:21

Nake Jesû nîwamacokerie atîrî, “Nie nîramwîra nama atî mûngîtîkia mûtarî na nganja, mue nwa mûvote gwîka ûrîa nie neka mûkûyû ûyû. Na twa ûguo wonga, nwatî nwa mûvote wana kwîra kîrîma gîkî atîrî, ‘Îîkûûre na wîikie îriarî, na gîgeikia.’

Johana 2:5

Ng'ina wa Jesû nîwacokire akîra ndungata atîrî, “Îkani ûndû wa wonthe ûrîa ke akûmwîra mwîke.”

Johana 5:25

Nie nîramwîra na ma atî îvinda nîrîkuvîvîriu na nîrîrîkîtie gûkinya. Îvinda rîîrî nîrîo akuû makeegua mûgambo wa Mûriû wa Ngai, na arîa makaawîgua nîmakaagîa na mwoyo.

Kûguû 10:11

Nanie nînacokire ngîrwa atîrî, “We nwa nginya wanîrîre rîngî maûndû marîa Ngai avangîte nîûndû wa iruka nyîngî, mavûrûri meengî, nthiomi nyîngî na athamaki eengî.”