Ezek 37:25 - ÎVUKU RÎA ÛVORO MWARO

²⁵ Nîmagaatûûra vûrûrirî ûrîa naveere ndungata yakwa Jakovu. Vûrûri ûcio nî ûrîa methe mao maatûûraga. Nao o ene, ciana ciao na ciana cia ciana ciao nîmagaatûûra kuo tene na tene. Nake Daudi ndungata yakwa nîagaatuîka mûnene wao tene na tene.

Ezek 37:25 ပူးပေါင်းရင်းမြစ်များ

Kîam 48:4

Aambîrire atîrî, ‘Nîngaakûva ciana nyîngî, na njiarwa ciaku nîigaatuîka ndûrîrî nyîngî. Vûrûri ûyû nîngaûva njiarwa ciaku ûtuîke wao tene na tene.’

2Sam 7:13

Ûcio nîke ûkaandumîra hekarû na nîngaatûma ûthamaki wake ûtûûre tene na tene.

2Sam 7:16

Nî ûkaagîa na njiarwa vîndî cionthe na ûthamaki waku ndûkaathira. Nakîo gîtî gîaku Kîam ûthamaki nî gîgaatûûra tene na tene.’ ”

Isaia 11:1

Nîgûkaaumîra mûthamaki kuuma njiarwarî cia Jesii, ta ûrîa rûvûa rûkûraga kuuma mûtîrî.

Isaia 30:19

Mue andû a Zayuni, arîa mûtûûraga Jerusalemu, mûtikaarîra rîngî. Nama nîakaamwîguîra ntha rîrîa akegua mûgambo wenyu mûkîmûrîrîra; rîrîa akegua mûgambo wa kîrîro kîenyu, nîakaamûthikîrîria.

Isaia 55:4

Nama, nînamûtuire mûira kûrî andû a ndûrîrî, mûtongoria na mûnene wa andû.

Isaia 60:21

Andû aku onthe makethîrwa marî athingu, na nîmakegwatîra vûrûri tene na tene. O magaatuîka ta mûtî ûrîa mvandîte nie mwene, nîguo ngumague nî andû onthe.

Isaia 66:22

“Wata ûrîa îgûrû rîcerû na nthî njerû irîa ngaaûmba igaatûûra na vinya wakwa, nwaguo njiarwa cienyu na rîîtwa rîenyu igaatûûra.

Jeremia 30:3

Nîûndû îvinda nîrîgûkinya rîrîa ngatûma andû akwa a Isiraeli na a Juda arîa matwîre marî atave, magîe na mûtûûrîre mwaro na nîmacokie rîngî vûrûrirî ûrîa naveere methe mao mawîgwatîre ûtuîke wao. Nie Ngai-Mûnene nînie nauga ûguo.”

Jeremia 30:9

Nwatî nîmakaandungatîra nie Ngai-Mûnene Ngai wao, na matungatîre ûmwe wa njiarwa cia mûthamaki Daudi, ûrîa ngamathuurîra atuîke mûthamaki.

Jeremia 31:24

Andû a Juda na matûûra ma kuo monthe, arîmi, arîthi arîa mathiûrûrûkaga kûndû na kûndû na ndîthia ciao.

Jeremia 32:39

Nîngamava mworoto ûmwe nîguo mavote gûtûûra mandîaga tene na tene nîûndû wa wagîrîru wao o ene na wa njiarwa ciao.

Jeremia 32:41

Nîngakena ngîmeka maûndû maro, na ndûme mekindîrie vûrûrirî ûyû.”

Ezek 28:25

Ngai-Mûnene Ngai arauga atîrî, “Nîngaûngania andû a Isiraeli na nîmacokanîrîrie vamwe kuuma mavûrûrirî marîa maanyaganîrîtue. Ngeeka ûguo nîguo andû a ndûrîrî mone ûthingu wakwa. Nao andû a Isiraeli nîmagacoka gûtûûra vûrûrirî ûrîa naveere Jakovu, ndungata yakwa.

Ezek 34:24

Nanie Ngai-Mûnene nîngaatuîka Ngai wacio, na ndungata yakwa Daudi nîagaatuîka mûnene wacio. Nie Ngai-Mûnene nînie mbugîte ûguo.

Ezek 36:28

Nîmûgaacoka mûtûûre vûrûrirî ûrîa naveere methe menyu. Nîmûgaatuîka andû akwa nanie nîngaatuîka Ngai wenyu.

Ezek 37:21

Nîûgaacoka ûmere Mwathani Ngai-Mûnene augîte atî: Nîngaaruta andû a Isiraeli maume mavûrûrirî kûrîa maathiîre, nîmaûnganie vamwe kuuma mîena yonthe na nîmacokie vûrûrirî wao.

Ezek 37:24

Ndungata yakwa Daudi nîgaatuîka mûthamaki wao, na methagîrwe marî a mûrîthi ûmwe. Nîmakaarûmagîrîra matuîro makwa ma ciira na mavingagie mawatho makwa.

Ezek 37:26

Nîngaathondeka kîrîkanîro Kîam thayû nao na gîkethîrwa kîrî gîa gûtûûra tene na tene. Nîngaamarathima na ndûme mongerereke, na nîngaatuma hekarû yakwa vûrûrirî wao îtûûrage kuo tene na tene.

Ezek 44:3

Mûnene ûrîa ûrathana nwa atonye athiî akarîe irio irîa nyamûre mbere ya Ngai-Mûnene. Agaatonyera na akaumîrîra mûrangorî ûrîa ûrî kanyombarî ga gûtonya hekarûrî.”

Joeli 3:20

Nwatî Juda na Jerusalemu nîgûtûûra na andû vîndî cionthe.

Amosi 9:15

Nîngatûma andû akwa mekare vûrûrirî wao, na matikaarutwa kuo rîngî.” Ûguo nîguo Ngai-Mûnene augîte.

Zakaria 10:7

Andû a Efiraimu magaatuîka ta njamba cia vinya mbaara irî vinya, makaagîa na gîkeno ta andû manyuîte ndivei. Ciana ciao nîigaakena ciona ûguo, ngoro ciao nîigaakena nîûndû wa Ngai-Mûnene.

Zakaria 14:11

Andû nîmagaatûûra Jerusalemu nîûndû gûtigaacoka kûgîa mûthiro rîngî, gûkethîrwa kûrî na thayû.

Zakaria 8:8

na nîmacokie matûûrage Jerusalemu marî na thayû. Nîmagaatuîka andû akwa nanie nduîke Ngai wao nîmathage na njîra ya ma na ya wîvokeku.”

Johana 12:34

Nakîo kîrîndî nîgîacokirie atîrî, “Watho wetû ûtwîraga atî Mesaya agaatûûra tene na tene. Kûngîvoteka atîa ûtwîre atî Mûrû wa Mûndû nwa nginya ambatue? Mûrû wa Mûndû ûcio nû?”

Ahib 7:2

Nake Iburahimu nîwamûgaîre gîcunjî gîa îkûmi Kîam indo ciake cionthe cia indo irîa aatavîte. (Mbere rîîtwa Melikizedeki, nî kuga, “Mûthamaki wa Ûthingu.” Na nîûndû aarî mûthamaki wa Salemu, Melikizedeki nî kuga, “Mûthamaki wa thayû.”)

Ahib 7:21

Nwatî Jesû aatuîkire mûthînjîri-Ngai na njîra ya mwîvîto. Ngai aamwîrire atîrî, “Mwathani nîeranîrîte na mwîvîto na ndakaagarûrûka atî: ‘We ûkethagîrwa ûrî mûthînjîri-Ngai tene na tene.’ ”