Vîndî îo andû a Juda nîmakaanyitanîra na andû a Isiraeli, na marî vamwe nîmakauma vûrûri ûrîa ûrî mwena wa rûgûrû na macoke vûrûri ûrîa naveere methe menyu ûrî îgai rîao.”
Na njîra ya kîoneki Ngai-Mûnene nîwambocire akîmbira vûrûrirî wa Isiraeli na akîmbiga vandû îgûrû kîrîmarî kîraca. Mwena wa îveti wa kîrîma kwarî na mîako yonekaga ta îtûûra rînene.
Andû a Juda na Isiraeli nîmakaagomana vamwe na nîmakathuura mûtongoria wao ûmwe; nao nîmakoongereka kûu vûrûrirî wao. Mûthenya ûcio ûkethîrwa ûrî mûnene kûrî Jezireeli.
Na nîrî na ng'ondu ciîngî ciakwa itarî rwagarî rûrû, na nwa nginya wa nacio nîirete. Nacio nîikûthikîrîria mûgambo wakwa, na cionthe vamwe ituîke cia ndîthia îmwe na igîe na mûrîthi ûmwe.
Nake Mûraika wa mûgwanja nîwavuvire karumbeta gake. Nakuo îgûrû nîkwagîre na mîgambo mînene yaugaga atîrî, “Ûthamaki wa nthî nîûtuîkîte wa Mwathani wetû na wa Mesaya wake. Nake nîakaathana tene na tene!”