Ezek 37:21 - ÎVUKU RÎA ÛVORO MWARO

²¹ Nîûgaacoka ûmere Mwathani Ngai-Mûnene augîte atî: Nîngaaruta andû a Isiraeli maume mavûrûrirî kûrîa maathiîre, nîmaûnganie vamwe kuuma mîena yonthe na nîmacokie vûrûrirî wao.

Ezek 37:21 ပူးပေါင်းရင်းမြစ်များ

Isaia 49:12

Andû akwa nîmakaauma kûndû kûraca, nao engî maume mwena wa rûgûrû na engî mwena wa îthûîro, na arîa engî maume mwena wa îveti.”

Jeremia 16:15

Nwatî, makevîta nanie ta Ngai-Mûnene mûtûûra mwoyo, ûrîa warutire andû a Isiraeli vûrûrirî ûrîa ûrî mwena wa rûgûrû, na kuuma mavûrûri marîa mengî kûrîa natûmire manyaganîrie. Nîngûmacokia vûrûrirî wao ûrîa naveere methe mao.”

Jeremia 23:3

Nîngaacoka nyûnganie matigari ma ng'ondu ciakwa kuuma mavûrûrirî monthe kûrîa nîinyaganîrîtie, na nîicokie ndîthiarî ciacio. Nîigaacoka iciarane na ciongerereke.

Jeremia 23:8

nwatî makevîtaga makiugaga, ‘Wata ûrîa Ngai-Mûnene atûûraga mwoyo, ûrîa watongoririe andû a Isiraeli kuuma mavûrûrirî marîa marî mwena wa rûgûrû na akîmaruta mavûrûrirî monthe kûrîa aamanyaganîrîtie.’ Nao nîmagacoka matûûre vûrûrirî wao kîûmbe.”

Jeremia 29:14

nîmûkaamona, na nîngamûcokeria mûnyaka wenyu na nîmûcokanîrîrie kuuma mavûrûri monthe na kûndû kuonthe kûrîa namûvirithirie. Nîngamûcokia kûrîa namûrutire ngîmûvira îthamîriorî.” Ûguo nîguo Ngai-Mûnene arauga.

Jeremia 30:10

“Nie Ngai-Mûnene nîramwîra mue ndungata ciakwa andû a Jakovu mûtigetigîre, kana mue andû a Isiraeli mûgwatwa nî guoya; nîûndû nîngamûvonokia kuuma vûrûrirî wa kûraca, na njiarwa ciaku nîirute vûrûri ûrîa ithamîrîtue. Nîmûgaacoka na mûtûûre na thayû, na gûtirî mûndû ûgatûma mûgîa na guoya.

Jeremia 30:18

Ngai-Mûnene arauga atîrî, “Nîngacokia andû a Jakovu vûrûrirî wao, na mbîguîre mîciî yao ntha. Îtûûra rîa Jerusalemu nîrîgaatumwa rîngî, na mûciî wa mûthamaki nîûvande varîa warî.

Jeremia 30:3

Nîûndû îvinda nîrîgûkinya rîrîa ngatûma andû akwa a Isiraeli na a Juda arîa matwîre marî atave, magîe na mûtûûrîre mwaro na nîmacokie rîngî vûrûrirî ûrîa naveere methe mao mawîgwatîre ûtuîke wao. Nie Ngai-Mûnene nînie nauga ûguo.”

Jeremia 31:16

Ngai-Mûnene arauga atîrî, “Kira ûtige kûrîra na wîgirie methori, maûndû mau monthe wîkîte ciana ciaku, nîûndû nîûkaarîvwa wîra waku, na nîigaacoka kuuma vûrûri wa nthû ciao.

Jeremia 31:17

Kûrî na kîîrîgîrîro mûtûûrîrerî waku wa vuvarî, ciana ciaku nîigaacoka vûrûrirî wao. Ûguo nîguo nie Ngai-Mûnene nîrauga.

Jeremia 32:37

nîngaûngania andû onthe kuuma mavûrûrirî monthe kûrîa namanyaganirie nîûndû wa marakara na mang'ûrîka makwa. Nîngamacokia gûkû na ndûme matûûre kuo marî agitîre.

Jeremia 33:11

andû makiugîrîria macanjamûkîte nî gûkena, andû makiugîrîria marî kîrugorî Kîam ûviki. Nîmûkegua andû makina makenete makîrete maketha ma gûcokia ngatho hekarûrî ya Ngai-Mûnene makiugaga, ‘Kumiani Ngai-Mûnene mwene vinya wonthe, nîûndû nî mwaro, nîûndû wendo wake ûtathiraga nîwa tene na tene.’ Nîngatûma vûrûri ûyû ûgîe na maûndû maro wata ûrîa wekariî mbere. Ûguo nîguo nie Ngai-Mûnene nîrauga.”

Jeremia 33:7

Nîngatûma andû a Juda na Isiraeli mekindîrie wata ûrîa mekariî mbere.

Jeremia 50:19

Nîngatûma andû a Isiraeli vûrûrirî wao. Makarîcaga irio irîa ikûraga kîrîmarî gîa Karimeli na Bashani. Nao nîmakaarîa nginya meganie kîrîa kîonthe gîkûragua mwena wa Efiraimu na Gileadi.

Ezek 34:13

Nîngaairuta kuuma kûrî andû a mavûrûri mageni, na nîicokie vûrûrirî wacio. Nîngaairîthia irîmarî cia vûrûri wa Isiraeli, tûrûnjîrî twakuo na kûndû kûrîa kuonthe andû matwîre vûrûrirî.

Ezek 36:10

Nîngaatûma andû onthe a Isiraeli mongerereke. Matûûra marîa mathamîtwe nîmagatûûrwa rîngî na kûrîa gûtigîtwe kûrî maganjo nîgûgaatumwa rîngî.

Ezek 36:24

Nîngaamûruta gatagatî ka andû a ndûrîrî na nîmûrute mavûrûrirî monthe nîmûcokie vûrûrirî wenyu.

Ezek 37:20

“Ûkaanyita tûrûthanju tûu tuoîrî na njara yaku na ûkaarûngama mbere yao nîguo mone.

Ezek 38:8

Vuva wa mîaka mîîngî nîûgetwa ûthiî ûkatharîkîre vûrûri kûrîa andû maaretirwe vamwe kuuma mavûrûrirî mengî na matûûraga matarî na guoya wa mbaara. Nîûkaatharîkîra irîma cia Isiraeli irîa mbererî ciarî werû na maganjo vandû va kavinda karaca, nwatî rîu andû onthe matûûraga marî agitîre.

Ezek 39:25

Kwoguo Mwathani Ngai-Mûnene augîte atîrî, “Rîu nîngwîguîra andû a Jakovu ntha, na nîo andû a Isiraeli na ndûme mathatûkwe rîngî. Nîngaatûma rîîtwa rîakwa rîtheru rîvecagwe gîtîîo.

Ezek 39:27

Nîngaaruta andû akwa kuuma mavûrûrirî ma nthû ciao nîguo monie ndûrîrî nyîngî atî, nie nîrî mûtheru.

Ezek 39:28

Nao nîmakaamenya atî nînie Ngai-Mûnene Ngai wao, nîûndû nînatûmire mavirwe îthamîriorî. Rîu nîmacoketie vûrûrirî wao na gûtirî mûndû wanarî ûmwe wao ûtigîtwe na vuva.

Hosea 1:11

Andû a Juda na Isiraeli nîmakaagomana vamwe na nîmakathuura mûtongoria wao ûmwe; nao nîmakoongereka kûu vûrûrirî wao. Mûthenya ûcio ûkethîrwa ûrî mûnene kûrî Jezireeli.

Mika 4:6

Ngai-Mûnene augîte atîrî, “Îvinda nîrîgaakinya rîrîa ngaagomania ithua vamwe, na njokanîrîrie andû arîa naaverithirie na ngîtûma mavirwa îthamîriorî.

Nahumu 2:2

(Ngai-Mûnene arî vakuvî gûcokeria Jakovu riiri wake, cokerie andû a Isiraeli riiri ûrîa maarî naguo mbere ya matharîkîrwa nî nthû, na mbere ya macûkangia nvûa ciaguo. Nwatî nîakûmacokeria vinya wao na riiri.)

Zefania 3:20

Vîndî îo nîngaamûrete mûciî, vîndî îrîa ngamûngania vamwe; nîngaatûma mûmenyeke na mûkumue; gatagatîrî ka andû onthe a nthî, na ndûme mwîkare ta ûrîa mwekariî mbere.” Nînie Ngai-Mûnene nauga ûguo.