Ezek 37:10 - ÎVUKU RÎA ÛVORO MWARO

¹⁰ Kwoguo nînaarathire wata ûrîa aambathire. Mîvevû nîyaûkire kûrî mîîrî îo na îkîgîa na mwoyo na makîrûngama na magûrû andû gîkundi kînene mûno.

Ezek 37:10 ပူးပေါင်းရင်းမြစ်များ

Thaburi 104:30

Rîrîa waicokeria mîvevû yaku, nîigîcaga na mwoyo rîngî, we nîûtûmaga nthî îgîe na ûtûûro mûcerû.

Jeremia 30:19

Atûûri a Jerusalemu nîmakaaina nyîmbo cia kûgooca, nîmakaugîrîria nî gûkena, nîngatûma mongerereke na matikanyiva; nîngatûma matîwe na matikairwa.

Jeremia 33:22

Wata ûrîa njata cia îgûrû na mûthanga ûrîa ûrî ndeererî cia îria ûtangîtarîka, nwa ta guo ngaatûma njiarwa cia Daudi na athînjîri-Ngai a mûvîrîga wa Lawi arîa mandungatagîra mongerereke.”

Ezek 12:7

Kwoguo nînekire wata ûrîa naathirwe. Nînarutire mûrigo wakwa kûrî mûthenya na ngîwovania ta mûndû ûthiîte îthamîriorî. Kîvwaî kîu nînatûrîkirie îrima rûthingorî na njara ciakwa. Na gwatuka nînaumîrîre îrimarî rîu nguuîte mûrigo wakwa na Kîamnde mandoretie na ngîthiî.

Ezek 37:5

Meere nie Mwathani Ngai-Mûnene nîrera mavîndî mama atî, nîngûmwîkîra mîvevû yakwa na nîmûgaatûûra mwoyo.

Kûguû 11:11

Nwatî vuva wa mîthenya îo îthatû na nuthu Ngai nîwamavere mîvevû îrîa îtûmaga mûndû agîe na mwoyo. Nao nîmaarûngamire na andû onthe arîa mamoonire nîmaagîre na guoya nyîngî.