Ezek 36:8 - ÎVUKU RÎA ÛVORO MWARO

⁸ Nwatî mue irîma cia Isiraeli, mîtî yenyu nîîkagîa na mvûa na îciare matunda nîûndû wa andû akwa a Isiraeli nîûndû kavinda gatarî karaca nîmagaacoka kwao.

Ezek 36:8 ပူးပေါင်းရင်းမြစ်များ

Thaburi 67:6

Kûrî na maketha vûrûrirî; Ngai, Ngai wetû, nîatûrathimîte.

Thaburi 85:12

Nîma Ngai-Mûnene nîagaatûretera irathimo, na vûrûri wetû nîûkaagîa na maketha meengî.

Isaia 27:6

Vîndî nîgaakinya rîrîa njiarwa cia Jakovu ikaagîa na mîri, Isiraeli nîkaamera na îtheûke, na matunda mayo nîmagecûra nthî yonthe.

Isaia 30:23

Rîrîa mûkaavanda mbeû mîgûndarî yenyu, Ngai nîakaaurithia mbura, nacio nîigaakûra na iciare maciaro meengî. Nacio ndîthia cienyu nîikaagîa na kûndû kûnene mûno gwa kûrîthua.

Isaia 4:2

Mûthenya ûcio, rûvûa rûrîa Ngai-Mûnene agaatûma rûmere rûkethîrwa rûrî rûthaka na rûrî na riiri. Namo maciaro ma nthî nîmakaaguna na makenagie andû a Isiraeli arîa matigarîte.

Isaia 65:9

Nîngaatûma kûgîe na njiarwa kuuma kûrî Jakovu, na ndûme Juda kuume andû arîa makaagaa vûrûri wakwa ûrîa ûrî irîma. Andû arîa nthuurîte nîo makaaûgaa, nao arîa mandungatagîra nîo magaatûûra kuo.

Ezek 12:25

Nwatî nie Ngai-Mûnene nîngaaragia na ûndû ûrîa naria nîûkaavingua ûtagwîkarîrîria. Kavinda ga ûtûûro wenyu, mue aremi a Isiraeli, ngaragia ûndû na ûgekîka. Nie Ngai-Mûnene nînie mbugîte ûguo.”

Ezek 17:23

Ngaakavanda vandû îgûrû kîrîmarî kîrîa kîraca mûno gîa Isiraeli. Nîgagaakûra kagîe na mvûa, kagîe na maciaro na gatuîke mûtarakwe mwaro. Nyamû cia mîthemba yonthe nîigaatûûraga rungu rwa mwîgunyî wa guo, na iconi cionthe nîigaatuma ciomba ciacio mvûarî cia mûtarakwe ûcio.

Ezek 36:7

Nie Mwathani Ngai-Mûnene nevîta na neranîra atî, mavûrûri mau mamathiûrûrûkîrîtie nwanginya wana mo magaaconorithua.

Joeli 2:22

Mûtikegue guoya mue nyamû, kûndû gwa kûrîthia rîu nî kwîngî; mîtî rîu nîîraciara matunda, mîthavibu na mîkûyû nîîraciara mûno.

Joeli 2:24

Vandû va kûvûrîra vakethîrwa vecûrîte ngano; kîvivîro nîgîgeecûra ndivei na maguta.

Afil 4:5

Gûkirîrîria kwenyu nîkûmenywe nî andû onthe. Mwathani arî vakuvî gûka.

Ahib 10:37

Nîûndû Mandîko Matheru maugîte atîrî, “Nî kavinda kanini gatigarîte, nake ûrîa ûraûka nîagûkinya, tî ekara kavinda karaca ataûkîte.