Ezek 36:6 - ÎVUKU RÎA ÛVORO MWARO

⁶ “Kwoguo we mûndû, vecana ûrathi wîgiî vûrûri wa Isiraeli. Îra irîma na tûrîma na wîre tûrûnjî na cianda ûrîa nie Mwathani Ngai-Mûnene ngûmera. Nîrî na marakara marî na wîru nîûndû wa ûrîa maconorithîtue nî mavûrûri mengî.

Ezek 36:6 ပူးပေါင်းရင်းမြစ်များ

Thaburi 74:10

We Ngai, nthû ciaku nîitûthekerera nginya rî? Nîmatûûra marumaga rîîtwa rîaku tene na tene?

Thaburi 74:18

Nwatî ririkana we Ngai-Mûnene atî nthû ciaku nîikûthekagîrîra, nî andû irimû na nîmakûnyararîte.

Thaburi 74:23

Ndûkariganîrwe nî înegene rîa nthû ciaku, ûrîa itûûraga vîndî cionthe inegenaga.

Ezek 34:29

Nîngaaiva mîgûnda mîaro îgûkûra irio nîguo itigaacoke kûgîa na yûra vûrûrirî ûcio, na itigaacoka kûthekererwa nî ndûrîrî rîngî.

Ezek 36:15

Na ndikenda mwîgua irumi kuuma mavûrûri mau rîngî kana mamûnyûrûria kana matûme vûrûri wenyu ûvîngwe rîngî. Ûguo nîguo nie Mwathani Ngai-Mûnene mbugîte.”

Ezek 36:7

Nie Mwathani Ngai-Mûnene nevîta na neranîra atî, mavûrûri mau mamathiûrûrûkîrîtie nwanginya wana mo magaaconorithua.

Ezek 38:18

Mwathani Ngai-Mûnene arauga atîrî, “Mûthenya ûrîa Gogu akaatharîkîra vûrûri wa Isiraeli, nie nîngaarakara.

Ezek 38:19

Nîrî na wîru na marakara meengî nîmanîrîra atî mûthenya ûcio nîgûkaagîa na kîthingithia kînene vûrûrirî wa Isiraeli.

Ezek 5:13

“Ûguo nîguo marakara makwa makaathira na mvorerie mang'ûrîka makwa kûrî o nîguo mbîganîre. Vuva wa ûguo nîmakaamenya atî nie Ngai-Mûnene nîmaverithîtie nîûndû wa kûrega gûtuîka evokeku kûrî nie.