Ezek 36:4 - ÎVUKU RÎA ÛVORO MWARO

⁴ Kwoguo, Mue irîma cia Isiraeli, thikîrîriani ûrîa Ngai-Mûnene akûmwîra mue irîma namue tûrîma, mue nyûnjî na cianda; wana kûndû kûrîa gûtigîtwe kûrî werû na matûûra marîa mathame, nîmûtavîtwe na mûgatuîka kîndû gîa kûthekererwa nî mavûrûri marîa mengî mamûthiûrûrûkîrîtie.

Ezek 36:4 ပူးပေါင်းရင်းမြစ်များ

Thaburi 79:4

Andû a ndûrîrî nî maratûnyarara, arîa tûriganîtie nao matûthekagîrîra na magatûnyûrûria.

Isaia 6:11

Nînacokire ngîûria atîrî, “Mwathani, nîkwîthîrwa gwîkariî ûguo nginya rî?” Nake nîwanjokerie atîrî, “Nginya rîrîa matûûra magaacûkangua gûtigwe gûtarî wanarî mûndû; nginya rîrîa nyomba igaatigwa itarî na andû a gûtûûra kuo, na vûrûri ûrî mûcûkangu viû.

Jeremia 29:10

“Ngai-Mûnene arauga atî, rîrîa mîaka mîrongo mûgwanja (70) mûrî Babuloni îkathira nîngamwîciria na mvingie kîîranîro gîakwa namue na nîmûcokie gûkû.

Ezek 34:28

Itigaatavwa nî ndûrîrî ciîngî, kana ciûragwa kana irîwa nî nyamû cia kîthaka. Igaatûûra irî ngitîre na itakûmakua nî kîndû.

Ezek 34:8

Wata ûrîa nie Ngai-Mûnene ndûûraga mwoyo nîramwîra atî nîmwatiganîrie ng'ondu ciakwa na ituîkîte cia kûrîwa nî nyamû cia kîthaka nîûndû itirî na mûrîthi. Arîthi akwa maticaragia ng'ondu irîa ciûrîte, nwatî nîkwa mairîcaga vandû va kûirîthia.

Ezek 36:1

Ngai-Mûnene nîwambîrire atîrî, “We mûndû, rathîra irîma cia Isiraeli na ûciîre ithikîrîrie ndûmîrîri Ngai-Mûnene.

Ezek 36:6

“Kwoguo we mûndû, vecana ûrathi wîgiî vûrûri wa Isiraeli. Îra irîma na tûrîma na wîre tûrûnjî na cianda ûrîa nie Mwathani Ngai-Mûnene ngûmera. Nîrî na marakara marî na wîru nîûndû wa ûrîa maconorithîtue nî mavûrûri mengî.

Ezek 6:14

Nîngaakûnjûra njara yakwa nîguo njûkangie vûrûri wao kûrîa matûûraga ûtuîke îganjo, kuuma werûrî nginya îtûûrarî rîa Ribula rîrîa rîrî mwena wa rûgûrû. Nao nîmagaacoka mamenye atî nie nînie Ngai-Mûnene.”

Ezek 6:3

ûciîre, mue irîma cia Isiraeli thikîrîriani ciugo cia Ngai-Mûnene! Mwathani Ngai nîwarîrîtie irîma na tûrîma, ivarûrûko na cianda na agaciîra atî: nie nîngaamûretithîria mbaara na nîngaacûkangia kûndû kûrîa mûgoocagîra ngai cia mîvuanano.

Gûco 11:11

Nwatî vûrûri ûrîa mûkwîgwatîra mwaringa Jorodani, nî vûrûri ûrî irîma na cianda, vûrûri uraga mbura.