Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Ezek 36:3 - ÎVUKU RÎA ÛVORO MWARO

3 “Kwoguo vecana ûrathi muge Mwathani Ngai-Mûnene augîte atî, Nthû nîciatûmire mue irîma mûtuîke werû na nîmaamûcûkangirie mîena yonthe na mûgîtuîka îgai rîa mavûrûri mengî. Kwoguo mwatuîkire kîndû gîa kûthekagîrîrwa na gûcambua nî andû.

အခန်းကိုကြည့်ပါ။ ကော်ပီ




Ezek 36:3
33 ပူးပေါင်းရင်းမြစ်များ  

Ndûgatûme meîra na ngoro atîrî, “Ûrîa tûrendete nîtwamûvoota! Nîtwavingia ûrîa tûrendete!”


Ûûi Ngai, thikîrîria kîrîro gîakwa, thikîrîria îvoya rîakwa!


Andû mangutaga marî njîrarî, nayo mîrîu îtungaga nyîmbo cia kûûmina.


Nîndûî gîtûmaga andû a ndûrîrî matûûrie atîrî, “Ngai wenyu arî kû?” Tûtethie twone ûkîverithia andû a mavûrûri, nîûndû nîmeetûrûrire nthakame ya ndungata ciaku.


Andû a ndûrîrî nî maratûnyarara, arîa tûriganîtie nao matûthekagîrîra na magatûnyûrûria.


Tûmathirie ta andû mathikîtwe marî mwoyo, ta andû maikîtue kwa arîa akuû.


Nîmatûmîte vûrûri wao ûtuîka kîndû gîa kûmakania, ûtuîke kîndû gîa kûnyararwa tene na tene. Andû onthe arîa mavîtûkagîrîra vakuvî naguo, mamakaga makainainia ciongo ciao.


Nthû ciake ciîthîrîtwe ikîmûraramîra ta mûnyambû, matuîte vûrûri wake werû, matûûra nî maganjo matitûragwa.


Nîngamaretera maûndû macûku mûno ma kûmakia mavûrûri monthe ma nthî. Nîmagaatuîka kîndû gîa kûthekererwa, kûnyararûa, kwirwa na matuîke kîrumi kûrîa kuonthe ngamanyagania.


“Nîkwa ûtarî mwîgu ûrîa andû marauga, atî Ngai-Mûnene nîmûreganu na nyomba igîrî irîa aathuurire, na nîcio Isiraeli na Juda. Andû acio nîmanyararîte andû akwa na matimonaga ta vûrûri.


Nebukadinezarû mûthamaki wa Babuloni nîacûkangîtie Jerusalemu na agakwananga. Agûtigîte gwîkariî ta nyûngû îtarî na kîndû, akûmeretie ta njûnamatu. Eyocerete kîrîa kîonthe akwenda, agacoka agata indo icio ciîngî.


Zedekia aatuîkire mûthamaki arî na ûkûrû wa mîaka mîrongo îîrî na ûmwe (21) na nîwathanire arî Jerusalemu mîaka îkûmi na ûmwe. Ng'ina etagwa Hamutali mwarî wa Jeremia wa kuuma Libuna.


Ngai-Mûnene nîacûkangîtie matûûra monthe ma Isiraeli atarî na ntha. Nîomomorete nthingo cionthe irîa igitagîra andû a Juda. Ngai-Mûnene nîanyûrûrûkîtie mothamaki vamwe na aathani.


Ngai-Mûnene atuîkîte ta nthû na agacûkangia Isiraeli, nîacûkangîtie mîciî ya athamaki onthe a Isiraeli, na akomomora matûûra marîa magitîre. Nîatûmîte kîrîro na macakaya ciongerereke kûrî andû a Juda.


Mekaraga mûthenya mûgima makîaragia ndeto ciakwa, na makîmvangagîra mîvango îno mîcûku.


Matûûra marîa marî na andû magaatigwa marî manangîku na vûrûri ûtuîke werû. Namue nîmûgaacoka mûmenye atî, nie nînie Ngai-Mûnene.”


“Arathi acio nîmavîtithîtie andû akwa makîmeeraga atî kûrî na thayû wa rîrîa gûtarî thayû. Andû akwa matumîte rûthingo na mathiga matarî manyitanu nao arathi makarûvaka rangi ûyû mûcerû.


Nîmbîguîte ûrîa wîthîrîtwe ûgîîtîa na ûkîaria maûndû meengî mambîgiî.”


“Kwoguo nie Mwathani Ngai-Mûnene, nîûndû nîrî mûrakaru, nîngûverithia andû onthe a mavûrûri marîa mamûthiûrûrûkîrîtie na Edomu kuonthe. Andû acio nîmaanyitire vûrûri wakwa na nîmoonanirie kînyarari ngororî ciao na makîûgaana ûtuîke wao.


We Mwathani, nîûndû wa ûthingu waku tiga kûverithia Jerusalemu, îtûûra rîaku rîrîa rîrî kîrîmarî kîrîa kîtheru. Andû aku, na îtûûra rîa Jerusalemu methagîrwa marî na gîconoko mbere ya mavûrûri marîa mamarigicîrîtie, nîûndû wa mevia metû na maûndû macûku marîa meekirwe nî methe metû ma tene.


Nwatî mbere, andû nî makaauma vûrûrirî ûcio, naguo nîûkaavurûka na ûkûngûîre thavatû cia guo, na nwanginya makaaverithua nîûndû wa mevia mao ma kûregana na mawatho na irîra ciakwa.


Mûtiagîrîrwe nî gûtonya îtûûrarî rîa andû akwa, mûthenya ûrîa maagwatirwe nî mûthiro, mûtiagîrîrwe nî gûkenerera mathîna mao mûthenya wa mûthiro. Mûtiagîrîrwe nî gûtava indo ciao mûthenya wa mûthiro.


Vîndî îrîa andû maria maûndû macûku matwîgiî nîtwaragia maûndû maro marîa mamegiî. Tue rîu tûtuîtwe ta takataka ya gûkû nthî. Tûtuîtwe ta gîko gîa gûkû nthî.


Andû a mavûrûrirî marîa Ngai-Mûnene akaamûvira nîmakaanyitwa nî guoya mona maûndû marîa mekîkîte kûrî mue. Nîmakaamûnyarara na mamûthekerere.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ