Ezek 36:12 - ÎVUKU RÎA ÛVORO MWARO

¹² Nîngaatûma andû akwa a Isiraeli maûke na matûûre vûrûri ûyû na mawîgwatîre ûtuîke wao na ndûgaatûma ciana ciao ikua rîngî.

Ezek 36:12 ပူးပေါင်းရင်းမြစ်များ

Isaia 65:9

Nîngaatûma kûgîe na njiarwa kuuma kûrî Jakovu, na ndûme Juda kuume andû arîa makaagaa vûrûri wakwa ûrîa ûrî irîma. Andû arîa nthuurîte nîo makaaûgaa, nao arîa mandungatagîra nîo magaatûûra kuo.

Jeremia 15:7

Nîmagûrûkîtie na gîtaararû, matûûrarî monthe ma vûrûri. Nînjûkangîtie andû akwa, na ngaûraga ciana ciao, nîûndû nîmaaregire gûtigana na mîthiîre yao.

Jeremia 32:15

Nîûndû Ngai-Mûnene, mwene vinya wonthe na Ngai wa Isiraeli augîte atî andû nîmakaagûra rîngî nyomba, ithaka na mîgûnda ya mîthavibu vûrûrirî ûyû.”

Jeremia 32:44

Andû nîmakaagûra mîgûnda îo na mbeca na mekîre irore maarûarî cia mîgûnda, na ivingwe na kûgîe na aira vûrûrirî wa Benjamini, vakuvî na Jerusalemu, vakuvî na îtûûra rîa Juda, matûûrarî marîa marî vûrûrirî ûrîa ûrî irîma, na matûûrarî ma Shefela na matûûra marîa marî werûrî wa Negebu. Nîûndû nîngamacokia rîngî vûrûrirî wao. Nie Ngai-Mûnene nînie nauga ûguo.”

Ezek 22:12

Andû amwe enyu nîmetagia mavaki nîguo maûrage andû engî. Na engî nîmetagia umithio wa indo irîa makombithîtie andû ao, magacuuna andû indo na magetongia na njîra îrîa îtagîrîrîte na makariganîrwa Nînie.” Ûguo nîguo Ngai-Mûnene augîte.

Ezek 22:27

Atongoria ao arîa marî îtûûrarî mekariî ta ciathi irîa itambururangaga nyamû irîa ciûragîte. Maûragaga andû nîguo megîre na ûtonga na njîra îrîa îtarî mbagîrîru.

Ezek 34:13

Nîngaairuta kuuma kûrî andû a mavûrûri mageni, na nîicokie vûrûrirî wacio. Nîngaairîthia irîmarî cia vûrûri wa Isiraeli, tûrûnjîrî twakuo na kûndû kûrîa kuonthe andû matwîre vûrûrirî.

Ezek 34:14

Nîngaairîthia kûndû kûrî na nyaki mbaro îgûrû rîa irîma cia Isiraeli. Nîikaamama kûndû kûrî na nyaki mbaro ya kûrîwa, na nîikaagîa na kûndû kwaro gwa kûrîa kûu irîmarî cia Isiraeli.

Ezek 36:13

“Andû maugaga atî nîmûragaga andû enyu na mûgatûma vûrûri wenyu ûcakaye nîûndû wa ciana kûthira,

Ezek 47:14

Nînevîtire ngiuga nîngava methe menyu vûrûri ûyû ûtuîke wao. Rîu gaîrani mîvîrîga yonthe icunjî ciîganene.

Ndari 13:32

Kwoguo athigani acio nîmaavenirie andû a Isiraeli ûvoro wîgiî vûrûri ûcio maathiîte kûthigana rîrîa maaugire atîrî, “Vûrûri ûrîa tûthiûrûrûkîte tûkîûthigana nî mûgînju mûno wana ndwîganagîria andû a guo irio. Nao andû onthe arîa twonire maarî araca na anene mûno.